ފުލުހުންގެ އިދާރީ ހިންގުމުގެ ބައެއް އިސް މަގާމުތަކަށް ބަދަލުތަކެއް ގެނެސް، އިންޑިއާ ސަރުކާރުގެ ހިލޭ އެހީގެ ދަށުން އައްޑޫ ސިޓީގައި އެޅި ނެޝަނަލް ކޮލެޖް އޮފް ޕޮލީސިން އެންޑް ލޯ އެންފޯސްމަންޓު (ޕޮލިސް އެކަޑަމީ) ގެ އިސްވެރިޔަކަށް ޗީފް ސުޕްރިންޓެންޑެންޓު އޮފް ޕޮލިސް އަހްމަދު ޝިފާން މިއަދު އައްޔަނުކޮށްފި އެވެ.
އޭނާ ކުރިން ހުންނެވީ މާލެ ސިޓީ ފުލުހުންގެ އިސްވެރިޔަކަށެވެ. އެ މަގާމަށް މިއަދު އައްޔަނުކުރީ ސްޕެޝަލިސްޓު ޓެކްޓިކަލް ރެސްޕޮންސު އިސްވެރިޔަކަށް ހުންނެވި ސުޕްރިންޓެންޑެންޓު އޮފް ޕޮލިސް ހުސައިން ސަމީރު އެވެ.
އެޕްލައިޑު ޕޮލިސިން ސެންޓަރުގެ އިސްވެރިޔަކަށް މިއަދު ވަނީ ހައި ވިޒިބިލިޓީ ޕޮލިސިންގެ އިސްވެރިޔަކަށް ކުރިން ހުންނެވި ޗީފް އިންސްޕެކްޓަރު އޮފް ޕޮލިސް މުހައްމަދު ސަބާހު އެވެ.
މިއީ އާންމު އުސޫލުގެ ތެރެއިން ގެނައި ބަދަލުތަކެކެވެ.
ޕޮލިސް އެކަޑެމީ ހިންގުން ޝިފާން އާ ހަވާލުކުރިއިރު އެތަން ހުޅުވީ ނިމިދިޔަ މާޗު މަހުގެ ތެރޭގަ އެވެ.
