ހުޅުމާލޭގައި ޓިއުޝަން ކިޔަވައިދޭ ފިރެހެން ޓީޗަރެއް އޭނާގެ އަންހެން ދަރިވަރަކަށް ޖިންސީގޯނާ ކުރި މައްސަލައެއް ފުލުހުން ބަލަން ފަށައިފި އެވެ.
އެ ޓީޗަރަކީ ގެ އެއްގައި ޓިއުޝަން ކިޔަވައިދޭ ޓީޗަރެކެވެ.
ފުލުހުން ބުނީ 18 އަހަރުން ދަށުގެ އަންހެން ކުއްޖަކަށް ޖިންސީގޯނާ ކޮށްފައިވާ މައްސަލައެއް މިދިޔަ ހޮނިހިރު ދުވަހު ހުށަހަޅާފައިވާ ކަމަށެވެ.
Advertisement
އަދި އެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައި ނުވާ ކަމަށާއި ނަމަވެސް މައްސަލަ ތަހުގީގުކުރަމުންދާ ކަމަށް ފުލުހުން ބުންޏެވެ.
ޖިންސީ ގޯނާގެ މައްސަލަތައް ފަހަކަށް އައިސް ގިނަވަމުން އަންނައިރު، އެ މައްސަލަތަކުގައި ހައްޔަރުކުރާ ފަރާތްތައް ޝަރީއަތް ނިމެންދެން ބަންދުކޮށް، ސީރިއަސް މައްސަލަތަކެއްގެ ގޮތުގައި އެފަދަ މައްސަލަތައް އަންނަނީ ތަހުގީގުކުރަމުންނެވެ.
