މަލީހުގެ އޮފީހާއެކު 795،000ރ. މަރާމާތަށް ހަރަދުކުރީ ގަވައިދާ ހިލާފަށް

މިނިސްޓަރު ކަމުގައި މަލީހު ހުންނެވިއު މީޑިއާއަކަށް އިންޓަވިއުއެއް ދެއްވަނީ--

މިނިސްޓަރު ކަމުގައި މަލީހު ހުންނެވިއު މީޑިއާއަކަށް އިންޓަވިއުއެއް ދެއްވަނީ--

މިނިސްޓްރީ އޮފް ކޮމިއުނިކޭޝަންސްގައި މިނިސްޓަރަކަށް ކުރިން ހުންނެވި މުހައްމަދު މަލީހް ޖަމާލް، އެ މިނިސްޓްރީގައި އޭނާގެ ކޮޓަރި އާއި އެ ތަނާ ގުޅުވައިގެން ހަމަ އެ ޑިޒައިނާ އެއްގޮތަށް ބްލޮކް-ބީ މަރާމާތު ކުރުމަށް 795،000ރ. ސަރުކާރުގެ ބަޖެޓުން ހަރަދުކުރި ކަމަށް މިއަދު ނެރުނު އޮޑިޓް ރިޕޯޓުގައި ބުނެފި އެވެ.

މަލީހުގެ މިނިސްޓަރުކަމުގައި އޭނާ އިންނެވި ކޮޓަރި ތަފާތު، ރީތި ގޮތަކަށް މަރާމާތުކުރުމުން ގިނަ ބައެއްގެ ފާޑުކިޔުން 2020ވަނަ އަހަރު އޭނާއަށް އަމާޒުވި އެވެ.

އޭރު މަލީހު ބޭނުންވީ އެ ކޮޓަރީގެ އިންޓީރިއާ ޑިޒައިން ވައިޓް ހައުސްގެ އޯވަލް އޮފީހާ ވައްތަރު ކުރެއްވުމަށްވެސް ބައެއް ސިޔާސީ ވެރިން ވިދާޅުވެފައިވެ އެވެ. އެގޮތުން އޯވަލް އޮފީހުގެ ފާރުގައި ހުންނަގޮތަށް ބިމުން ފެށިގެން ދެ ފޫޓަށް ހުދުކުލައިގެ ވަކަރު ޕެނަލް ހަރުކޮށްފައި ހުރި ފޮޓޯތަކެއްވެސް ސޯޝަލް މީޑިއާގައި ދައުރުވި އެވެ. އެ ކޮޓަރީގެ ފާރުގައިވެސް ވޯލްޕޭޕާ ހަރުކޮށް އަގު ބޮޑު ދޮރު ފޮތި ތަކާއި ކާޕެޓުން ޒީނަތްތެރިކޮށްފައިވެ އެވެ.

ކޮމިއުނިކޭޝަންސް މިނިސްޓްރީގެ 2019ގެ އޮޑިޓް ރިޕޯޓުގައި ބުނެފައި ވަނީ އެ އަހަރުގެ ސެޕްޓެމްބަރު މަހު ހަވާލުކުރި އެ މަސައްކަތުގައި، ބައެއް ކަންކަން ކޮށްފައި ވަނީ ދައުލަތުގެ މާލިއްޔަތު ގާނޫނާ ހިލާފަށް ކަމަށެވެ.

އޭގެ ތެރޭގައި އިސްލާހު ކުރުމަށް ގިނަ ކަންތައްތަކެއް ފާހަގަ ކޮށްފައިވެ އެވެ. މައިގަނޑު ތިން ކަމެއް ހިމެނޭއިރު އެއީ މިނިސްޓްރީ ހިންގާ ބީ-ބްލޮކް އިމާރާތް ކުރުމުގައި ފާހަގަ ކުރެވުނު ކަންތައް ތަކަކާއި ހަރުމުދަލުގެ ހިސާބުތައް ގަވައިދާ އެއްގޮތަށް ދައްކާފައި ނުވުމުގެ އިތުރުން ސިވިލް ސާވީސް މަގާމުތަކުގައި ތިބޭ އިދާރީ މަގާމުތަކުގެ މަސައްކަތް ކުރުމަށް ކޮންސަލްޓެންޓުން ހޯދާފައިވާ ކަމަށް އޮޑިޓްގައި ފާހަގަ ކޮށްފައިވެ އެވެ.

މީގެ ތެރެއިން އިމާރާތުގެ ރިނޮވޭޝަރަށް ކޮށްފައިވާ ކަންކަމުގެ ތެރޭގައި:

މަސައްކަތް ލަސްވުމުން ލިބުނު ގެއްލުމުގެ ބަދަލު އަގުން އުނިކޮށްފައި ނުވުން

މިނިސްޓަރުގެ ކޮޓަރޯގެ އިންޓީރިއާ ޑިޒައިނެއް ތައްޔާރުކޮށް އެ ޑިޒައިނާ އެއްގޮތަށް ބްލޮކް-ބީ ރިލޮކޭޓް ކުރުމަށް އެކުލަވާލި މަސައްކަތުގެ އެއްބަސްވުމުގައި ސޮއިކުރާ ތާރީހުން ފެށިގެން 25 ދުވަސްތެރޭގައި މަސައްކަތް ނިންމަންޖެހޭނެ ކަމަށް އޮތް ނަމަވެސް އެއްބަސްވުމުގައިވާ ތާރީހަށް މަސައްކަތް ނިމިފައި ނުވާއިރު، މުއްދަތު އިތުރުކޮށްދިނުމަށް މަސައްކަތްކުރާ ފަރާތުން އެދިފައިވާ ކަމަށް އޮޑިޓްގައި ފާހަގަ ކޮށްފައިވެ އެވެ.

މާލިއްޔަތު ގާނޫނުގެ ދަށުން، އެގްރީމެންޓްކުރި މަސައްކަތް ލަސްވާ ނަމަ، ގެއްލުމުގެ އަގު (ލިކުއިޑޭޓެޑް ޑެމޭޖަސް) ދައްކަން ޖެހޭ ކަމަށް އޮތް ނަމަވެސް މިނިސްޓަރުގެ ކޮޓަރި ހެދުމުގެ މަސައްކަތް ލަސްވުމުގެ ލިކުއިޑޭޓެޑް ޑެމޭޖަސްއަށް 119،000ރ.އަށް ވުރެ ބޮޑު އަދަދެއް އަރާފައިވެ އެވެ. ނަމަވެސް އެ މިންވަރު މަސައްކަތުގެ އަގުން އުނިކޮށްފައެއް ނުވާ ކަމަށް އޮޑިޓުން ފާހަގަ ކޮށްފައިވެ އެވެ

ލިކުއިޑޭޓެޑް ޑެމޭޖަސް ދައްކަން ޖެހޭ ކަމަށް 2020ވަނަ އަހަރު ފާހަގަ ކުރެވުމުން އެކަން މިނިސްޓްރީގެ ސަމާލުކަމަށް ގެނައުމުން، 9،834ރ. އުނިކޮށްފައިވާ ނަމަވެސް އެއީ ދައްކަން ޖެހޭ ހަމަ އަގު ނޫން ކަމަށް އޮޑިޓުގައި ފާހަގަ ކޮށްފައިވެ އެވެ.

ރިޓެންޝަން ފައިސާ އުނިކޮށްފައި ނުވުން

ދައުލަތުގެ މާލިއްޔަތުގެ ގަވާއިދުގައި ބުނާގޮތުން ކުރުވާ މަސައްކަތާއި ހޯދާ ހިދުމަތުގެ ޖުމުލަ އަގު 250,000ރ. އަށްވުރެ ބޮޑުނަމަ، ހުށަހަޅާ ކޮންމެ ބިލަކުން، ބިމުގެ ޖުމުލަ އަގުގެ ފަސް ޕަސެންޓް ރިޓެންޝަން ފައިސާގެ ގޮތުގައި އުނިކުރަން ޖެހެ އެވެ. ނަމަވެސް، މި މަސައްކަތާއި ގުޅިގެން ހުށަހަޅާފައިވާ ބިލްތަކަށް ފައިސާ ދައްކާފައިވާއިރު، ރިޓެންޝަން ފައިސާ އުނިކޮށްފައި ނުވާ ކަމަށް އޮޑިޓްގައިވެ އެވެ.

އެގްރީމަންޓް ކުރި މަސައްކަތާ ގުޅުމެއް ނެތް ކަމެއް، އިތުރު މަސައްކަތުގެ ގޮތުގައި ހަވާލުކޮށްފައިވުން

މިނިސްޓަރުގެ ކޮޓަރި ރެނޮވޭޓު ކުރުމުގެ މަސައްކަތް ހިނގަމުން ދަނިކޮށް، އެ މަސައްކަތުގެ ސްކޯޕުގެ ތެރޭގައި ނުހިމެނޭ އިތުރު މަސައްކަތެއް، އިއުލާނުކޮށް ހަމަ އެފަރާތާ ހަވާލުކޮށްފައިވާކަމާއި އެމަސައްކަތް ހަވާލުކޮށްފައިވަނީ ފުރަތަމަ މަސައްކަތުގެ މުއްދަތު ހަމަވިފަހުންކަން ވެސް ފާހަގަ ކޮށްފައިވެ އެވެ.

އެހެންކަމުން، އިތުރު މަސައްކަތުގެ ގޮތުގައި މިނިސްޓަރުގެ ކޮޓަރި ކޮޅުގައި ހުރިގޮތަށް، ވޯކްވޭ ދެފަރާތުގައި ގުރޫ ކަނޑާ ފިލާޖެހުމުގެ މަސައްކަތް 103,880ރ. 2019 ވަނަ އަހަރު ހަވާލުކޮށްފައިވަނީ ދައުލަތުގެ މާލިއްޔަތުގެ ގަވާއިދު ގައިވާގޮތަށް އިއުލާނުކޮށްގެން ނޫން ކަމަށްވެސް އޮޑިޓްގައި ފާހަގަ ކޮށްފައި ވެއެވެ.

ރައީސް އިބްރާހިމް މުހައްމަދު ސޯލިހުގެ ސަރުކާރުގެ ސައިންސް އެންޑް ޓެކްނޯލޮޖީ މިނިސްޓަރު މުހައްމަދު މަލީހު ޖަމާލުގެ މައްޗަށް ރައްޔިތުންގެ މަޖިލީހުގައި އިތުރުބާރު ނެތް ކަމަށް ފާސްކޮށް އޭނާ މަގާމުން ދުރުކޮށްފައި ވަނީ މިދިޔަ އަހަރު އެވެ.

އެއަށްފަހު ކޮމިއުނިކޭޝަންސް މިނިސްޓްރީ އާއި އެންވަޔަރްމަންޓް މިނިސްޓްރީ އެއްކޮށްލާ މިނިސްޓްރީ އޮފް އެންވަޔަރްމަންޓް، ކްލައިމެޓް ޗޭންޖު އެންޑް ޓެކްނޮލޮޖީގެ ނަމުގައި އާ މިނިސްޓްރީއެއް މިހާރު ވަނީ އުފައްދާފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox