ފެނަކަ ކޮރަޕްޝަން: އުސޫލާ ހިލާފަށް 10 އެއްބަސްވުމެއް ހެދި ކުންފުންޏަކުން ސޯލިހުގެ ކެމްޕޭނަށް 2 މިލިއަން ރުފިޔާ!

ކުރީގެ ރައީސް އިބްރާހިމް މުހައްމަދު ސޯލިހު: ފެނަކައިން އުސޫލާއި ހިލާފަށް 10 އެއްބަސްވުމެއް ހެދި ކުންފުންޏަކުން އެމަނިކުފާނުގެ ކެމްޕޭނަށް 2 މިލިއަން ރުފިޔާ ހަރަދުކުރި ---- ފޮޓޯ: އަދަދު

ކުރީގެ ރައީސް އިބްރާހިމް މުހައްމަދު ސޯލިހު: ފެނަކައިން އުސޫލާއި ހިލާފަށް 10 އެއްބަސްވުމެއް ހެދި ކުންފުންޏަކުން އެމަނިކުފާނުގެ ކެމްޕޭނަށް 2 މިލިއަން ރުފިޔާ ހަރަދުކުރި ---- ފޮޓޯ: އަދަދު

ފެނަކަ ކޯޕަރޭޝަނުން އުސޫލާއި ހިލާފަށް 10 އެއްބަސްވުމެއް ހަދާފައިވާ ކުންފުންޏަކުން ކުރީގެ ރައީސް އިބްރާހިމް މުހައްމަދު ސޯލިހުގެ ރިޔާސީ ކެމްޕޭން އެކައުންޓަށް ދެ މިލިއަން ރުފިޔާ ޖަމާކުރިކަން ހާމަވެއްޖެ އެވެ.

ބުރާސްފަތި ދުވަހުގެ ރޭ އާންމުކުރި ފެނަކައިގެ ހާއްސަ އޮޑިޓުގައި 2021 އިން 2023 އަށް ފެނަކައިން އާންމު ބީލަމުގެ އުސޫލުން ބޭރުން 439 އެއްބަސްވުމެއްގައި ސޮއިކުރި ކަމަށް ބުނެފައިވެ އެވެ. މި އެއްބަސްވުންތަކުގެ އަގު 1.4 ބިލިއަން ރުފިޔާއަށް އަރަ އެވެ.

އޮޑިޓު ރިޕޯޓުގެ އެނެކްސް ގައި އުސޫލާއި ހިލާފަށް އެއްބަސްވުން ހެދި ކުންފުނިތަކާއި، އެ ކުންފުނިތަކާއެކު ހެދި އެއްބަސްވުންތަކުގެ އަދަދު އަދި އެ އެއްބަސްވުންތަކުގެ ޖުމްލަ އަގު ހިމަނާފައިވެ އެވެ. ސޯލިހުގެ ކެމްޕޭން އެކައުންޓަށް ފައިސާ ޖަމާކޮށްފައިވަނީ ލިސްޓުގެ ތިންވަނައިގައި އޮތް އަޒްރޯވާ ކުންފުނިންނެވެ.

ފެނަކައިން އަޒްރޯވާ އާއެކު ޖުމްލަ 10 އެއްބަސްވުމެއް ހަދާފައިވެ އެވެ. މި އެއްބަސްވުންތަކުގެ ޖުމްލަ އަގު 107,576,138ރ. އަށް އަރަ އެވެ. މީގެ ތެރެއިން ބައެއް އެއްބަސްވުންތައް ހަދާފައިވަނީ މާކެޓު އަގަށްވުރެ ބޮޑުކޮށް ކަމަށް ވެސް އޮޑިޓު ރިޕޯޓުގައި ބުނެފައިވެ އެވެ.

އިލެކްޝަން ކޮމިޝަނުން އާންމުކޮށްފައިވާ ސޯލިހުގެ ކެމްޕޭން މާލީ ބަޔާނުގައި، އެމަނިކުފާނުގެ ކެމްޕޭން އެކައުންޓުގެ ބޭންކް ސްޓޭޓްމަންޓު ވެސް ހިމަނާފައިވެ އެވެ.

މި ސްޓޭޓްމަންޓުން އެނގޭ ގޮތުގައި އަޒްރޯވާ ކުންފުނީގެ އެކައުންޓުން ސެޕްޓެމްބަރު 3، 2023 ގައި ޖުމްލަ 10 ޓްރާންސްފާއެއް ކޮށްފައިވެ އެވެ. މިއިން ކޮންމެ ފަހަރަކު ވެސް ފޮނުވާފައިވަނީ 200،000ރ. އެވެ. އަޒްރޯވާއިން ސޯލިހުގެ ކެމްޕޭން އެކައުންޓަށް ފޮނުވި ޖުމްލަ ފައިސާގެ އަދަދަކީ ދެ މިލިއަން އެވެ.

އަޒްރޯވާ ކުންފުނި ރަޖިސްޓްރީ ކޮށްފައިވަނީ 2013 ގަ އެވެ. އެ ކުންފުނީގެ ހިއްސާދާރުންގެ ގޮތުގައި ތިބީ އަހުމަދު ޖިނާހު، އަބްދުﷲ ސޫދު، މުހައްމަދު ހައިޝަމް، އަދި ހަމްދޫން އަނީސް ނަމަކަށް ކިޔާ ބައެކެވެ.

ސޯލިހުގެ ކެމްޕޭނުގެ އިތުރުން، ރައީސް މުހައްމަދު މުއިއްޒުގެ ކެމްޕޭނަށް ހަރަދުކުރި މިފްކޯގެ ބޯޑު މެންބަރު ސަލާހު ޝަރީފުގެ ކުންފުންޏަކަށް ބިޑު ކުރުމުގެ އުސޫލުތަކާ ހިލާފަށް ފެނަކަ ކޯޕަރޭޝަނުން 19 މިލިއަން ރުފިޔާގެ ޕްރޮޖެކްޓު ދީފައިވެ އެވެ.

ސަލާހު އަކީ މުއިއްޒުގެ ރިޔާސީ ކެމްޕޭނަށް ހަރަދު ކުރި އާންމުންގެ ތެރެއިން އެކަކެވެ. އިލެކްޝަން ކޮމިޝަނުން އާންމުކޮށްފައިވާ މުއިއްޒުގެ ކެމްޕޭނުގެ މާލީ ބަޔާނުން އެނގޭ ގޮތުގައި ސަލާހު ވަނީ ޕީއެންސީގެ ރިޔާސީ ކެމްޕޭނަށް 2.8 މިލިއަން ރުފިޔާ ހަރަދުކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox