ކ. ގާފަރަށް ޗުއްޓީއަކަށް ދިޔަ ޒުވާން އަންހެނަކު އެރަށު ގެސްޓުހައުސްއެއްގެ ތެރޭގައި މަރުވެފައި އޮއްވާ މިރޭ ފެނިއްޖެ އެވެ.
މަރުވެފައި އޮއްވާ ފެނުނީ އުމުރުން 28 އަހަރުގެ ދިވެހި އަންހެނެއް ކަމަށް ގާފަރު ކައުންސިލްގެ ރައީސް މުބައްޝިރު ޖަލީލް މި ނޫހާ ވާހަކަ ދައްކަވަމުން ވިދާޅުވި އެވެ.
"ފުލުހުން މިހާރު ދަނީ އެ ސީންގައި ހަރަކާތްތެރިވަމުން. މި ރަށަށް ނިސްބަތްވާ ކުއްޖެއް ނޫން އެއީ. ޗުއްޓީއަށް މިކޮޅަށް އައިސް ހުރިކަމަށް މައުލޫމާތު ލިބެނީ،" މުބައްޝިރު ވިދާޅުވި އެވެ.
Advertisement
އޭނާ މަރުވީ ކީއްވެކަން މިހާތަނަށް ނޭނގޭ ކަމަށް ވެސް މުބައްޝިރު ވިދާޅުވި އެވެ. އަންހެން މީހާ މަރުވެފައި އޮއްވާ ފެނުނު ކަމަށް ބުނެ ފުލުހުންނަށް ރިޕޯޓް ކުރީ މިރޭ 7:30 ގަ އެވެ.
ފުލުހުން ބުނީ އަންހެން މީހާގެ މަރުގެ ތަފްސީލު ފުލުހުންނަށް ހޯދުނު މިންވަރަކުން ހިއްސާ ކުރަމުންދާނެ ކަމަށެވެ.
