ރޯދަ މަހަށް ހާއްސަކޮށް އޭސް ހާޑްވެއާ އާއި ކަލާ ބޭންކުން ބޮޑެތި އިނާމުތަކަކާއެކު ހާއްސަ ޕްރޮމޯޝަނެއް ފަށައިފި އެވެ.
އެ ޕްރޮމޯޝަނުގައި 300ރ. އިން މަތިން ވިޔަފާރިކުރާ މީހުންގެ މެދުގައި ނަގާ ގުރުއަތަކުން 50،000ރ. ގެ ފައިސާގެ އިނާމެއް، 100،000ރ. މުދާ ނުވަތަ ދެމީހަކަށް ތުރުކީއަށް ދެކޮޅު ޓިކެޓާއި ހަފްތާއެއްގެ ހުރުން ލިބޭނެ އެވެ. ނަސީބުވެރި ފަރާތަށް އެ ތިން އިނާމުންކުރެ ކޮންމެ އިނާމެއް ވެސް އިހްތިޔާރުކުރުމުގެ ފުރުސަތު ލިބޭނެ އެވެ.
އެ ޕްރޮމޯޝަނުގައި ގޭތެރެއަށް ބޭނުންވާ ގިނަ އަދަދެއްގެ މުދަލުން 80 ޕަސަންޓާ ހަމައަށް ޑިސްކައުންޓް ލިބޭނެ ކަމަށް އޭސް ހާޑްވެއާ އާއި ކަލާ ބޭންކުން ބުނެ އެވެ.
ރޯދަ ޕްރޮމޮޝަނާ ގުޅިގެން ސޯޝަލް މީޑިއާގައި ހާއްސަ މުބާރާތްތަކެއް ވެސް ކުރިއަށްދާނެ ކަމަށް އޭސް ހާޑްވެއާ އާއި ކަލާ ބޭންކުން ބުނެ އެވެ. އެ މުބަރާތްތަކުން ވެސް ހާއްސަ އިނާމުތަކެއް ދިނުމަށް ވަނީ ހަމަޖެހިފަ އެވެ.
އެގޮތުން އޭސް ހާޑްވެއާގެ ފޭސްބުކް ޕޭޖުގައި ކުރިއަށްގެންދާ މުބާރާތުގެ ނަސީބުވެރި ދެ މީހަކަށް ރިސޯޓު ދަތުރެއް ލިބޭނެ އެވެ. އަދި ކަލާ ބޭންކުގެ ފޭސްބުކް ޕޭޖުގައި ކުރިއަށް ގެންދާ މުބާރާތުގައި ނަސީބުވެރި މީހަކަށް 10 ލީޓަރުގެ ކުލަ އާއި ކޮންސަލްތެންސީ ހިދުމަތް ވެސް ހިލޭ ލިބޭނެ ކަމަށް ކަލާ ބޭންކުން ބުނެ އެވެ.
އެ ޕްރޮމޯޝަންތައް ކުރިއަށް ގެންދާނީ އޭސް ހާޑްވެއާގެ މާލޭގައި ހުންނަ ތިން ފިހާރަ އާއި މާލެ އާއި ހުޅުމާލޭގައި ހުންނަ ކަލާ ބޭންކުގެ ފިހާރަތަކުގަ އެވެ. ޕްރޮމޯޝަންގެ މުއްދަތަކީ މާޗު މަހުން ފެށިގެން އޭޕްރިލް މަހަށެވެ.
އޭސް ހާޑްވެއާ އެންމެ ފުރަތަމަ ރާއްޖެއަށް ތައާރަފްކުރީ 2011 ވަނަ އަހަރު އެވެ. އެ ކުންފުންޏަކީ އެމެރިކާގެ އޭސް އިންޓަނޭޝަނަލް އާއި ރާއްޖޭގެ ކޯލޯޑް މޯލްޑިވްސް ގުޅިގެން ހިންގާ ވިޔަފާރިއެކެވެ. އޭސް ހާޑްވެއާއިން ރާއްޖޭގައި ހުޅުވި ފިހާރައަކީ އެ ކުންފުނިން ދެކުނު އޭޝިއާގައި ވެސް ހުޅުވި ފުރަތަމަ ފިހާރަ އެވެ.
