މިއަދު ގެ ސިޔާސީ މާހައުލުގައި ވަރުގަދަ ސިޔާސީ ޕާޓީތަކުން ފޯރިގަދަކޮށް އިންތިހާބު ތަކުގައި މަސައްކަތްކޮށް ޕާޓީ ނުފޫޒު އިންތިހާ އަށް އޮތް އިރު މިނިވަން ކެންޑިޑޭޓެއްގެ ގޮތުގައި ގ. ފެހިމާގެ އުހުދު ޝަރީފް ގަލޮޅު ދެކުނަށް ނިކުތުން މީ އާދައިގެ ވާހަކައެއް ނޫނެވެ. ދާއިރާގައި ކުރެވެމުންދާ ކެމްޕެއިން ހަރަކާތްތަކަށް ބަލާލިޔަސް އުހުދު ޝަރީފްގެ ކެމްޕެއިންދަނީ ބާރައް އަލިގަދަކޮށް ފިޔަޖަހަމުންނެވެ. އުހުދު ސިޔާސީ މައިދާނަށް އާ ބޭފުޅަކަށް ވެދާނެ އެވެ. އެހެނަސް އިޖުތިމާއީ ހަރަކާތްތަކުގައި އާއި ކުޅިވަރުގެ މައިދާނުގައި ފަސްނުޖެހި މަސައްކަތް ކުރާ ލީޑަރެއްކަން އުހުދު ވަނީ ސާބިތުކޮށްދީފައި އެވެ. މިވަގުތުވެސް ކްލަބް ޓީނޭޖް ހިންގެވުމާ ހަވާލުވެ ހުންނެވި އުހުދު ޝަރީފަކީ، މީހުންނާއި ގުޅިގެން މަސައްކަތް ކުރަން ދަންނަ ތައުލީމީ ގާބިލު ޒުވާނެކެވެ. އަހުލާގުގައި ކިލަބު ކަމެއްނެތް ސާދާ މިޒާޖެއްގެ ވެރި މި ޒުވާނާއަކީ މަތީ ތައުލީމު ހާސިލުކުރުމަށްފަހު ވަޒީފާގެ މައިދާނުގައި ވެސް ރަނގަޅު ތަޖުރިބާ ތަކެއް ކޮށްފައިވާ ހިންގުންތެރި ބޭފުޅެކެވެ.
މި ފަހަކަށް އައިސް ސިޔާސީ މައިދާނުން ޖާގަ ހޯދާ ތަން ފެންނަނީ ކޮންމެވެސް ސިޔާސީ ނުފޫޒުގަދަ މީހެއްގެ ހިޔަނީގައި ނުވަތަ ނުފޫޒުގަދަ ޕާޓީއެއްގެ ތެރެއިން ނިކުމެގެންނެވެ. އެހެނަސް އުހުދު ތަފާތެވެ. އަމިއްލަ ހިތްވަރާއި އަޒުމާއެކު ބޮޑެތި ޕާޓީތަކާއި ވާދަކޮށް ވަރުގަދަ ކެޕެއިން އެއް ކުރިޔަށް ގެންދިއުން މީ ވަރަށް މަދުން ފެންނަ މަންޒަރެކެވެ. ވަރަށް ވެސް ހިތްވަރުގަދަ ނިންމުމެކެވެ. ސިޔާސީ މައިދާނަށް ނިކުތީ ކީއްވެތޯ ސުވާލު ކޮށްލުމުން ޖަވާބުގައި އުހުދު ބުނީ " އަބަދުވެސް ބޭނުންވަނީ ރައްޔިތުންނަށް ހިދުމަތްކޮށްދޭ ޚާދިމެއްގެ ގޮތުގައި ހުންނަން ކަމުގައި އެވެ. އަދި މިހާތަނަށް އިޖުތިމާއި ތަފާތު މަސައްކަތްތަކުގެ ތެރެއިން ރައްޔިތުނަށްހިދުމަތް ކޮށްދިނުމަށް ފަހު މިއަދު ބޭނުންވަނީ ސިޔާސީ ހަރުފަތުން ކުރިޔަށް ގޮސް ރައްޔިތުނަނާއި އެކީ މަސައްކަތް ކުރާނެ މިސާލު ދަރިޔަކަށް ވާންކަމަށެވެ."
މިއަދު ގައުމަށް ބޭނުންވަނީ މިފަދަ ވިސްނުންތަކާއި އެކު މަގާމުތަކަށް އިންތިޚާބުވާ މީހުން ނޫންތޯއެވެ. ސިޔާސީ ގޮތުން މިއަދު ގައުމު ގޮވަމުން ދަނީ މިފަދަ ދަރީންނަށް ނޫންތޯއެވެ. އިޚްލާސްތެރި ތެދުވެރި މަސައްކަތްތަކެއް ރައްޔިތުންނަށް ކޮށްދޭނެ ބަޔަކަށް ނޫންތޯއެވެ. ބޭނުންވަނީ ވަކި ކުލަޔަކަށް ވޯޓު ލުމެއް ނޫނެވެ. ބޭނުންވަނީ ވަކި މީހަކު ބުނީތީ ނުފޫޒުން ވޯޓުލުމެއްވެސް ނޫނެވެ. ބޭނުންވަނީ އިޚްލާސްތެރިކަމާއި އެކު މަސައްކަތް ކުރާނެ ކެންޑިޑޭޓް ދާއިރާ ގެ ކައުންސިލު ގޮނޑީގައި ބޭންދުމެވެ. މިއީ ރައްޔުތުން ފަސް އެބުރި ބަލަންވީ ވަގުތެއް ނޫނެވެ. ކުރިޔަށް އުންމީދީ، ޒުވާން، ގާބިލު، ޒިންމާއުފުލޭނެ ކެންޑިޑޭޓްގެ އަތުގައި ހިފައިގެން ކާމިޔާބާ ހަމަޔަށް މިސްރާބު ޖަހަންވީ ވަގުތެވެ.
އުހުދު ޝަރީފްގެ ކެމްޕެއިން ވައުދުތަކަށް ބަލާލީމާ ފެންނަނީ ރައްޔިތުންނާއި ގާތުން އަދި ރައްޔިތުންނާއި އެކުގައި މަސައްކަތް ކުރުމުގެ ވިސްނުމެވެ. ދާއިރާ ގެ ކަންކަން ބަލައި ހެޔޮ ބަދަލު ގެނެސްދޭނެ ވިސްނުމެވެ. އަދި ޒުވާނުންނަށް ކުރިއެރުމާއި ތަރައްގީއަށް މަގުކޮށާދޭނެ ވިސްނުމެވެ. ދާއިރާގެ އެކަކުވެސް ބާކީ ނުކޮށް އެންމެންގެ އަޑު ކައުންސިލުގައި ކެރިގެން އިއްވަދޭނެ މަންޒަރެވެ. 4 އޭޕްރިލް 2026 ނަގާ ވޯޓަކީ ކެންޑިޑޭޓް ނަމްބަރ 7 އުހުދު ޝަރީފަށް ދޭ ވޯޓެއް ކަމުގައި ހައްދަވާށެވެ. ޔަގީނުންވެސް ދާއިރާގެ ރައްޔިތުން ފަހުރުވެރިވާނެ މެމްބަރެއްގެގޮތުގައި އުހުދު ޝަރީފް ދެމިހުންނާނެއެވެ.
