ކުޑަކުދިން ބަންދުކުރަން ހަދާ ޖަލުގެ މަސައްކަތް އަދިވެސް ނުނިމޭ

ކަރެކްޝަންގެ ސީޕީ އާއި ހޯމް މިނިސްޓަރާއި ޖަލުތައް ބަލާލުމަށް ވަޑައިގަންނަވަނިކޮށް: ކުޑަކުދިން ބައިތިއްބާނެ ފެންވަރުގެ ޖަލެއް ނެތުމުން މަރުގެ މައްސަލަތަކުގައި ހުކުމް އިއްވާފައި ތިބި ކުދިން ވަނީ ގޭބަންދަށް ދޫވެފައި -- ފޮޓޯ: ފައިލް

ކަރެކްޝަންގެ ސީޕީ އާއި ހޯމް މިނިސްޓަރާއި ޖަލުތައް ބަލާލުމަށް ވަޑައިގަންނަވަނިކޮށް: ކުޑަކުދިން ބައިތިއްބާނެ ފެންވަރުގެ ޖަލެއް ނެތުމުން މަރުގެ މައްސަލަތަކުގައި ހުކުމް އިއްވާފައި ތިބި ކުދިން ވަނީ ގޭބަންދަށް ދޫވެފައި -- ފޮޓޯ: ފައިލް

ޖިނާއީ ބޮޑެތި ކުށްތަކުގައި ހައްޔަރުކުރާ ކުޑަކުދިން ބައިތިއްބަން ކ. ހިންމަފުށީގައި ހަދާ ޑިޓެންޝަން ސެންޓަރުގެ މަސައްކަތް އަދިވެސް ނުނިމޭ ކަމަށް ހިއުމަން ރައިޓްސް ކޮމިޝަން އޮފް ދި މޯލްޑިވްސް އިން ބުނެފި އެވެ.

ކުޑަކުދިން ބެހެއްޓުމަށް ހާއްސަ ޖަލެއް ހަދަނީ، ކުރިން އެ ކުޑަކުދިން ބަހައްޓަނީ 18 އަހަރުން ދަށުގެ ކުޑަކުދިން ބެހެއްޓުމަށް އެކަށީގެންނުވާ ޖަލެއްގައި ކަމަށް އެޗްއާރްސީއެމުން އޮކްޓޯބަރު، 2021 ގައި ކަނޑައަޅާފައިވާތީ އެވެ. އެ ކޮމިޝަނުގެ ނިންމުމާއެކު މަރުގެ މައްސަލަތަކެއްގައި ޖަލުގައި އައްސޭރި ޖަލުގައި ބަންދުކޮށްފައި ތިބި ފަސް ކުޑަކުދިން ވަނީ ގެއަށް ބަދަލުކޮށްފަ އެވެ.

ކުޑަކުދިން ބޭތިއްވުމަށް ހަދާ ހާއްސަ ޖަލުގެ މަސައްކަތް މިދިޔަ ޑިސެމްބަރުގެ ނިޔަލަށް މަސައްކަތް ނިންމައި ޖަލު ހުޅުވާނެ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެފައިވެ އެވެ.

Advertisement

ކުޑަކުދިން ބޭތިއްބުމަށް ހަދާ ޖަލާ ގުޅޭ ގޮތުން މޯލްޑިވްސް ކަރެކްޝަންސް ސާވިސް އިން ޕްރޮސެކިއުޓާ ޖެނެރަލްގެ އޮފީހަށް ފޮނުވި ސިޓީއެއްގައި ބުނެފައި ވަނީ، ޖަލުގެ މަސައްކަތް އެއްކޮަށް ނިމިފައިވާ ކަމަށާއި އެ ޖަލުގެ ފެންވަރު ވަޒަން ކުރުމަށް އެޗްއާރުސީއެމްގައި އެދިފައިވާނެ ކަމަށެވެ.

ނަމަވެސް އެޗްއާރްސީއެމުން ބުނީ ކަރެކްޝަންސްގެ އެދުމަށް ޖަލު އިންސްޕެކްޓު ކުރުމަށް ޑިސެމްބަރު 29، ގައި އެ ކޮމިޝަނުން ދިޔައިރު އެތަނުގެ ބައެއް މުހިންމު މަސައްކަތްތައް ނުނިމޭ ކަމަށެވެ.

"އަޅުގަނޑުމެންގެ ޒިޔާރާތުގައި ފާހަގަވި އެ ޖަލުތަކުގައި ޑޮކްޓަރަށް ދައްކާ ކޮޓަރި އާއި ކޯލް ސެންޓަރާއި ތަމްރީން ޔުނިޓްތަކާއި ތަމްރީން ކޮޓަރިތަކުގެ އިތުރުން ވެސް ބައެއް ޔުނިޓްތަކުގެ މަސައްކަތް އެއްކޮށް ނުނިމޭކަން. އަދި ރީ-ކްރިއޭޝަނަލް ކޮޓަރީގެ [މަސައްކަތާއި] އާއި އެ ޖަލުގެ ކަރަންޓުގެ މަސައްކަތް ވެސް އެކީ ނުނިމި ހުރިކަން [ފާހަގި]،" މި ނޫހާ ވާހަކަ ދައްކަވަމުން އެޗްއާރްސީއެމްގެ ސެކްރެޓަރީ ޖެނެރަލް މުހައްމަދު ޔާމީން ވިދާޅުވި އެވެ.

އަދި އެ މަސައްކަތްތައް ފުރިހަމަ ކުރުމަށްފަހު އެ ކޮމިޝަނަށް އެންގުމަށް އެދިފައި ވީނަމަވެސް ޖަލުގެ މަސައްކަތް ނިމިފައިވާކަން މިހާތަނަށް ވެސް ކަރެކްޝަންސްއިން އަންގާފައިނުވާ ކަމަށް އެޗްއާރްސީއެމުން ބުންޏެވެ.

"އެ ސެންޓަރަކީ އަދި ޖަލެއްގެ ގޮތުގައި ކަނޑައަޅާފައިވާ ތަނެއް ނޫން. އަޅުގަނޑުމެންނަށް [އަމިއްލަ އިހްތިޔާރުގައި] އެތަނަށް ވަދެވޭނީ ޖަލެއްގެ ގޮތުގައި ކަނޑައެޅީމަ. އޭގެ ކުރިން އެތަނަށް ވަދުމަށް ގާނޫނު ތަނެއް ނުދޭ. ނޫނީ ކަރެކްޝަނުން ޖެހޭނީ އަޅުގަނޑުމެންނަށް ދައުވަތު ދީގެން ގެންދަން،" ޔާމީން ވިދާޅުވި އެވެ.

ކުޑަކުދިން ބައިތިއްބަނީ އެކަށީގެންވާ ޖަލެއްގައި ނޫން ކަމަށް ކަނޑައެޅުމުން ގެއަށް ބަދަލު ކުރި ކުދިންގެ ތެރޭގައި މަރުގެ ބޮޑެތި މައްސަލަތަކުގައި ހައްޔަރުކޮށްފައި ތިބި ކުދިން ހިމެނެ އެވެ. އޭގެ ތެރޭގައި މާލޭގައި ރަހީނުކޮށް 13 އަހަރުގެ ފިރިހެން ކުއްޖަކު މަރާލައި މޫދަށް އެއްލާލާފައި އޮއްވާ ފެނުނު މައްސަލައިގައި ހައްޔަރުކުރި 17 އަހަރުގެ ކުއްޖާ ހިމެނެ އެވެ.

އޭގެ އިތުރުން، ގއ. މާމެންދޫގައި މާރާމާރީ ހިންގައި އެ ރަށު ލިލީ އޮފް ދަ ވެލީ، އަހްމަދު އުދައްޔު މަރާލި މައްސަލާގައި ހައްޔަރު ކުރި 17 އަހަރުގެ ކުއްޖާ ވެސް ގެއަށް ބަދަލު ކުރި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox