215 ކިލޯގެ މަސްތުވާތަކެތީގެ މައްސަލައިގައި ދައުވާ އުފުލައިފި

ޝާކިރާއި ނިމާލް: އެ ދެ މީހުންގެ މައްޗަށް ދައުވާ އުފުލީ ރ. މަޑުއްވަރީ ކޯޓުގައި -- ފޮޓޯ: ފުލުހުންގެ އިދާރާ

ޝާކިރާއި ނިމާލް: އެ ދެ މީހުންގެ މައްޗަށް ދައުވާ އުފުލީ ރ. މަޑުއްވަރީ ކޯޓުގައި -- ފޮޓޯ: ފުލުހުންގެ އިދާރާ

ރ. އަތޮޅު ފަޅު ރަށެއްގައި ފޮރުވާފައި ހުރި 215 ކިލޯގެ މަސްތުވާތަކެތީގެ މައްސަލައިގައި ފުލުހުން ހައްޔަރު ކުރި ދެ މީހުންގެ މައްޗަށް ޕްރޮސެކިއުޓާ ޖެނެރަލްގެ އޮފީހުން ދައުވާ އުފުލައިފި އެވެ.

މަސްތުވާތަކެތި ފުލުހުން ހޯދީ ރ. އަތޮޅު ރާނބުގަލި ކިޔާ ރަށެއްގައި ފޮރުވާފައި ހުއްޓަ އެވެ. އެ މައްސަލައިގައި ފުލުހުން ހައްޔަރު ކުރީ ރ. މަޑުއްވަރީ، ފިނިފަރު، އަލީ ޝާކިރާއި ހަމަ އެ ރަށު، ފެހިއަލި، ނިމާލް އަބްދުލް ހާރިސް އެވެ.

ޝާކިރާއި ނިމާލް ހައްޔަރު ކުރީ "ފެށުން 2" ނަމަކަށް ކިޔާ ލޯންޗެއްގައި ރ. މަޑުއްވަރީ ފަޅަށް ވަން ތަނުންނެވެ. އެ ދެ މީހުން މިވަގުތު ތިބީ ޝަރީއަތް ނިމެންދެން ބަންދުކޮށްފަ އެވެ.

Advertisement

އެ ދެމީހުންގެ މައްޗަށް ވެސް ދައުލަތުން އުފުލީ މަސްތުވާތަކެތި ޓްރެފިކް ކުރުމުގެ ދައުވާ އެވެ. މީގެ އިތުރުން ކުޑަކަމުދާ އެއްޗެހި ދިނުމަށް ދެކޮޅު ހެދުމުން އިތުރު ދައުވާއެއް ހާރިސްގެ މައްޗަށް އުފުލި އެވެ.

މި މައްސަލަ ހުށަހަޅާފައި ވަނީ ރ. މަޑުއްވަރީ މެޖިސްޓްރޭޓް ކޯޓަށެވެ. ޕީޖީ އޮފީހުން ބުނާ ގޮތުގައި މި މައްސަލަ ސާބިތުވެއްޖެ ނަމަ އެއްލައްކަ އާއި އެއް މިލިއަންއާ ދެމެދުގެ އަދަދަކުން އެ ދެ މީހުން ޖޫރިމަނާ ކުރާނެ އެވެ.

ދެ މީހުންގެ މައްޗަށް ވެސް ބޮޑެތި ތުހުމަތުތަކެއް

ކްރިމިނަލް ކޯޓުގައި މީގެކުރިން ބޭއްވި ބަންދު މަޖިލީހުގައި ފުލުހުން ބުނެފައި ވަނީ ޝާކިރާއި ނިމާލް ދަތުރު ކުރި ލޯންޗުން ސެޓަލައިޓް ފޯނަކާއި ގިނަ އަދަދެއްގެ ޕެޓްރޯލް ހަން ފެނިފައިވެ އެވެ. ފުލުހުން ބުނި ގޮތުގައި ލޯންޗުން ފެނުނު ސެޓްލައިޓު ފޯނުގެ އެކްސްޓްރެކްޝަން ރިޕޯޓަށް ބެލުމުން މިފޯނުގައި ހުރި މެސެޖުތަކުގައި އެމީހުން ރާއްޖެ ސަރަހައްދުން ބޭރަށް ދިޔަކަމުގެ ހެއްކާއި އިތުރު ބޯޓަކާ ބައްދަލުކުރިކަމުގެ މެސެޖްތަކެއް ފެނިފައިވެ އެވެ.

އަދި އެ ދެ މީހުންގެ ހަށިގަނޑުގެ އެކިތަންތަނުން ވެލީގެ އަސަރު ފެނިފައިވާ ކަމަށާއި ލޯންޗުގެ ގެގަނޑުގެ އަރިމަތިން އިތުރު ބޯޓަކާ ގާތްކޮށްފައިވާކަމުގެ ނިޝާންތައް ވެސް ހުރި ކަމަށް ފުލުހުން ބުނެފައިވެ އެވެ.

ފުލުހުން ބުނީ ޝާކިރާއި ނިމާލް ހައްޔަރު ކުރީ މަސްތުވާތަކެތީގެ ޑީލެއް ކަނޑުމަތީގައި ހެދުމަށްފަހު އެނބުރި ރަށަށް އައި ވަގުތު ކަމަށެވެ. މަސްތުވާތަކެތި ހުރި ރަށާއި ތަނުގެ މައުލޫމާތު ދިނީ ޝާކިރާއި ނިމާލް ފުލުހުންގެ ތަހުގީގުގައި ކަމަށް ވެސް އެ އިދާރާއިން ކުރިން ބުނެފައިވެ އެވެ.

ފުލުހުން ހޯދި މަސްތުވާތަކެތި ހުރީ ރާނބުގަލީގައި ހުރި ކަށިކެޔޮތަކެއްގެ ތެރޭގައި ރައްކާކޮށްފަ އެވެ. އެ ސަރަހައްދުން މަސްތުވާތަކެތީގެ 11 ގޯނި ފުލުހުން ހޯދި އެވެ. ގޯންޏަށް އެތަކެތި ލާފައި ހުރީ އެއް ކިލޯއަކުން ކިލޯއަކުން ޕެކުކޮށްފަ އެވެ.

ނަމަވެސް އެ މައުލޫމާތު ފުލުހުންނަށް ދީފައިނުވާނެ ކަމަށް ބުނެ ބަންދުގެ މަޖިލީހުގައި ޝާކިރާއި ނިމާލް ވެސް ވަނީ އެ ތުހުމަތަށް އިންކާރުކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox