އިމިގްރޭޝަންގެ ބަންދެއްގައި ހުރި ކަމަށް ބުނެ އަލީ ވަހީދު ކޯޓަށް ހާޒިރުވާން އުޒުރުވެރިވެއްޖެ

އަލީ ވަހީދު: ޖިންސީ ގޯނާގެ ދައުވާތަކަށް ޖަވާބުދާރީވަން އުޒުވެރިވެއްޖެ --

އަލީ ވަހީދު: ޖިންސީ ގޯނާގެ ދައުވާތަކަށް ޖަވާބުދާރީވަން އުޒުވެރިވެއްޖެ --

އިނގިރޭސިވިލާތުގެ އިމިގްރޭޝަން ބަންދެއްގައި ހުރި ކަމަށް ބުނެ، ކުރީގެ ޓޫރިޒަމް މިނިސްޓަރު އަލީ ވަހީދުއަށް އުފުލާފައިވާ ޖިންސީ ގޯނާގެ ހަތް ދައުވާއަށް ޖަވާބުދާރީވާން ރާއްޖެ އައުމަށް އުޒުރުވެރިވެއްޖެ އެވެ.

އަލީ ވަހީދު މިހެން ވިދާޅުވީ، އޭނާ ފުރުން މަނާކޮށްފައި އޮތް އަމުރު ކްރިމިނަލް ކޯޓުން ބާތިލްކުރިއިރު، އޭނާ ކޯޓަށް ހާޒިރުކުރާނޭ ކަމަށް ޖާމިނުވީ އަސްހަދު އަލީގެ ފަރާތުން އަލީ ވަހީދަށް ފޮނުވި ސިޓީއަށް ދެއްވި ޖަވާބުގަ އެވެ.

އަލީ ވަހީދު ހާޒިރުކޮށްދީފައި ނުވާތީ ކްރިމިނަލް ކޯޓުގައި މިދިޔަ އާދީއްތަ ދުވަހު ބޭއްވުނު އަޑުއެހުމުގައި އެ މައްސަލަ ބައްލަވާ ގާޒީ، ހަސަން ސައީދު ވިދާޅުވީ 72 ގަޑިއިރު ތެރޭ އަލީ ވަހީދު ކޯޓަށް ހާޒިރު ނުވެއްޖެނަމަ، އަޑޭގެ މައްޗަށް ފިޔަވަޅު އަޅުއްވާނެ ކަމަށެވެ.

Advertisement

ކްރިމިނަލް ކޯޓުގެ އަޑުއެހުމާ ގުޅިގެން އަޑޭ ވަނީ ހަމަ އެދުވަހު އަލީ ވަހީދަށް ސިޓީއެއް ފޮނުވާފަ އެވެ. އެ ސިޓީގައި އެދިފައި އޮތީ ކުރިއަށް އޮތް 72 ގަޑިއިރު ތެރޭގައި އަލީ ވަހީދު ރާއްޖެއަށް ނައިސްފިނަމަ އަޑޭއަށް ފިޔަވަޅު އަޅާނެކަމަށް ކްރިމިނަލް ކޯޓުން އަންގަވާފައިވާތީ ވީހާވެސް އަވަކަށް ރާއްޖެ އައުމަށެވެ. އަލީ ވަހީދު ރާއްޖެ އައުމަށްޓަކައި ޓިކެޓުގެ ހަރަދު ދޭނޭ ކަމަށް ވެސް އަޑޭގެ ސިޓީގައި ބުނެފައި އޮވެ އެވެ.

އެހެން ނަަމަވެސް އެ ސިޓީގެ ޖަވާބުގައި އަލީ ވަހީދު ވިދާޅުވެފައި އޮތީ އޭނާ މިވަގުތު ހުރީ އިނގިރޭސިވިލާތުގެ އިމިގްރޭޝަންގެ ބަންދެއްގައި ކަމަށާއި އެހެންކަމުން އެ މުއްދަތުގެ ތެރޭގައި ކޯޓަށް ހާޒިރުވެވެން ނެތް ކަމަށެވެ.

އަލީ ވަހީދުގެ އެ ޖަވާބާއި ގުޅިގެން އަޑޭ ވަނީ ރާއްޖޭން އިނގިރޭސިވިލާތަށް ކަނޑައަޅާފައިވާ ސަފީރު، ޑރ. ފަރަހަނާޒް ފައިސަލްއަށް ސިޓީއެއް ފޮނުއްވައި، އެގައުމުގައި ހުންނަ ރާއްޖޭގެ އެމްބަސީ މެދުވެރިކޮށް، އަލީ ވަހީދު ކޯޓަށް ހާޒިރުކުރުވުމުގައި އެހީތެރިވެދިނުމަށްވެސް އެދިފަ އެވެ.

titledesc

މި މައްސަލަ ބައްލަވާ ގާޒީ ހަސަން ސައީދު އެންމެ ފަހުން ބޭއްވި އަޑުއެހުމުގައި ވިދާޅުވި ގޮތުގައި, ބޭރުގައި ހުރެގެން ޝަރީއަތުގައި ބައިވެރިވެވޭނެ އިންތިޒާމް އަލީ ވަހީދަށް ހަމަޖައްސައި ދިނީ އޭނާއަށް ބޭސްފަރުވާ ބޭނުންވާ ކަމަށް ބުނެ ލިޔުންތައް ހުށަހެޅުމުން އެކަމަށް ރިއާޔަތްކޮށް ކަމަށެވެ. ނަމަވެސް, އެކަމަށް މިހާރު އެކަށީގެންވާ ވަގުތު ދެވިއްޖެ ކަމަށް ގާޒީ ގަބޫލު ކުރެ އެވެ.

އޭގެއިތުރުން މަތީ ކޯޓުތަކަށް ވެސް އަލީ ވަހީދު ހާޒިރު ނުވެ, އެ ކޯޓުތަކުގެ ހުރުމަތް ވެސް ކަނޑާފައިވާކަމަށާއި، ސުޕްރީމް ކޯޓުގެ އަމުރާއެކު މައްސަލާގެ އަޑުއެހުންތައް ދެން އޮންލައިންކޮށް ކުރިއަށް ނުގެންދެވޭނެކަން ވެސް ވެސް ފާހަގަ ކުރެއްވި އެވެ.

އަލީ ވަހީދު ހައްޔަރުކުރުމުގެ އަމުރެއް ކުރިމިނަލް ކޯޓުން ނެރެފައިވާތީ, ފުލުހުން ވަނީ އޭނާ ހޯދުމަށް އިންޓަޕޯލްގެ އެހީ ހޯދުމަށްވެސް މަސައްކަތް ފަށާފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox