ބޭސް ވިއްކޭނެ އެންމެ މަތީ އަގު ކަނޑައަަޅައި، އާސަންދަ ހަރަދު ކުޑަކުރަނީ

އާސަންދަ ހިދުމަތް ލިބޭ ބޭސް ފިހާރަތަކެއް: އަންނަ އަހަރުން ފެށިގެން އާސަންދަ ލިބޭ ހުރިހާ ބޭސް ފިހާރައަކުން ބޭސް ވިއްކާނީ އެމްއާރްޕީ އަގުގައި. -- ފޮޓޯ: ހުސެއިން ޝަޔާހު/އަދަދު

އާސަންދަ ހިދުމަތް ލިބޭ ބޭސް ފިހާރަތަކެއް: އަންނަ އަހަރުން ފެށިގެން އާސަންދަ ލިބޭ ހުރިހާ ބޭސް ފިހާރައަކުން ބޭސް ވިއްކާނީ އެމްއާރްޕީ އަގުގައި. -- ފޮޓޯ: ހުސެއިން ޝަޔާހު/އަދަދު

އިޖުތިމާއީ ސިއްހީ އިންޝުއަރެންސްގެ ގައުމީ ނިޒާމު، އާސަންދައަށް ކުރާ ހޭދަ ކުޑަކުރަން އަންނަ އަހަރުން ފެށިގެން ޑޮކްޓަރީ ބޭސް ވިއްކޭނެ އެންމެ މަތީ އަގު ނުވަތަ މެކްސިމަމް ރީޓެއިލް ޕްރައިސް (އެމްއާރުޕީ) ކަނޑައަޅަން ފިނޭންސް މިނިސްޓްރީން ނިންމައިފި އެވެ.

ބޭސް ވިއްކޭނެ އެންމެ މަތީ އަގުތައް ތަންފީޒުކުރަނީ ދެ ފިޔަވައްސަކަށް ބަހާލައިގެންނެވެ. މިގޮތުން ފުރަތަމަ ފިޔަވަހީގެ ދަށުން އަންނަ ޖެނުއަރީން ފެށިގެން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)ގެ އެސެންޝަލް މެޑިސިން ލިސްޓުގައި ހިމެނޭ 357 ޖެނެރިކްގެ ބޭހުގެ އެމްއާރްޕީ ކަނޑައަޅާނެ އެވެ. މި ލިސްޓުގައި ނުހިމެނޭ ހުރިހާ ބޭހަކަށް އެންމެ ކުޑަ އަގު ކަނޑައަޅާނީ އަންނަ އަހަރުގެ މެދުތެރޭގަ އެވެ.

ބޭހަށް އެމްއާރްޕީ ކަނޑައަޅަން ނިންމުމާ ގުޅިގެން ފިނޭންސުން ބުނީ މިއީ އާންމުންނާއި ދައުލަތުން ބޭހަށް ކުރާ ހޭދަ ކުޑަކުރުމަށާއި އާސަންދައިގެ ދަށުން ބޭހަށް ކުރާ ހަރަދު ދެމެހެއްޓެނިވި މިންގަނޑެއްގައި ހިފެހެއްޓުމުގެ މަގުސަދުގައި ގެންނަ ބަދަލެއް ކަމަށެވެ. މި ބަދަލު ރަނގަޅަށް ތަންފީޒުކުރެވިއްޖެ ނަމަ ބޭހަށް ކުރާ ހަރަދުން އަހަރަކު 205.9 މިލިއަން ރުފިޔާ ސަލާމަތްކުރެވޭނެ ކަމަށް ފިނޭންސުން ލަފާކުރެ އެވެ.

ކޮންޓްރޯލެއް ނެތި ބޭހުގެ އަގު ބޮޑުވުމަށް ހައްލެއް

ބަޖެޓު ތަފާސްހިސާބުތައް ދައްކާ ގޮތުގައި އާސަންދައަށް ކުރާ ހޭދަ ކޮންމެ އަހަރަކު ދަނީ އިތުރުވަމުންނެވެ. އަދި ކޮންމެ އަހަރަކު ފާސްކުރާ ބަޖެޓުގައި ލަފާކުރާ ހަރަދަށް ވުރެ އަހަރުގެ ތެރޭގައި އާސަންދައަށް ހިނގާ ހޭދަ ބޮޑެވެ.

މީގެ ތެރެއިން ވެސް އެންމެ ބޮޑު އިންސައްތައެއް ހިއްސާކުރަނީ ބޭހަށް ކުރާ ހަރަދެވެ. ފާއިތުވި ދެ އަހަރަށް ބަލާލި ނަމަވެސް، އާސަންދައަށް ކުރި ހޭދައިގެ 50 ޕަސެންޓަށް ވުރެ ބޮޑު ބައި ހަރަދު ކުރީ ބޭހަށެވެ. އަދި 2014 ވަނަ އަހަރާ 2020 ވަނަ އަހަރާ ދެމެދު އަހަރަކު އެވަރެޖުކޮށް 23.7 އިންސައްތައިން ބޭހުގެ ހަރަދު ވަނީ އިތުރުވެފަ އެވެ.

ބޭސް ހަރަދު އިތުރުވާ ސަބަބުތަކުގެ ތެރޭގައި ކޮންޓްރޯލެއްނެތި ބޭހުގެ އަގުތައް އުފުލިގެން ދިޔުމާއި، ބޭސް އިސްރާފުވުން އިތުރުވުމާއި، ބޭސް އިމްޕޯޓަރުންނަށް ބޭސް ގަންނަން ލިބޭ އަގު ބޮޑު ވުން ހިމެނޭ ކަމަށް ފިނޭންސުން ފާހަގަކުރި އެވެ.

މިގޮތަށް ބޭސް އިސްރާފުވުން އިތުރުވަނީ އާސަންދައިގެ ދަށުން ހިލޭ ބޭސް ލިބޭތީ ބޭހަށް ކުރާ ހަރަދު އިހުސާސް ނުކުރެވި، އެއް ކަމަކަށް ގިނަ ބޭސް ސިޓީތަކުން ބޭސް ނަގާތީ ކަމަށް ފިނޭންސުން ބުންޏެވެ. އަދި މިހެން ވުމާ ގުޅިގެން ބޭނުންނުކޮށް އުކާލާ ބޭހުގެ އަދަދު އިތުރުވެފައިވާ ކަމަށް ބުންޏެވެ.

އަގުތަކުން ބޭސް ވިއްކާ ވިޔަފާރިތަކަށް ގެއްލުމެއް ނުވާނެ

އެމްއެފްޑީއޭއިން ބޭސް ވިއްކާ އެންމެ މަތީ އަގުތައް ކަނޑައެޅީ ރާއްޖެއަށް ބޭސް އެތެރެކުރާ ފްރީ އޮން ބޯޑް (އެފްއޯބީ) އަގަށް ބަލައިގެން ވިޔަފާރިތަކަށް ފައިދާވާ ގޮތަށެވެ. އަދި އެމްއާރްޕީގެ ދަށުން ކަނޑައަޅާފައިވާ އަގުތަކަކީ އެފްއޯބީ އަގުތަކަށް 100 ޕަސެންޓު މާކަޕެއް ލުމަށްފަހު ކަނޑައަޅާފައިވާ އަގުތަކެއް ކަމަށް ފިނޭންސުން ބުންޏެވެ.

އެމްއާރްފީ އަގުގެ ތެރޭގައި ވިޔަފާރިތަކުން މުދާ އުފުލުމާއި، މުދާ ގުދަންކުރުމާއި، ކުލީގެ ހަރަދާއި ފައިދާ ވެސް ހިމެނެ އެވެ.

ބޭހުގެ އަގުތައް ކަނޑައެޅުމުގެ ކުރިން އެމްއެފްޑީއޭއިން ފާމަސީތަކާއި ބޭސް އިމްޕޯޓަރުންނާއި ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އަދި ސަރުކާރުގެ ކަމާގުޅުން ހުރި މުއައްސަސަތަކާ މަޝްވަރާކުރި އެވެ. އަދި މި އަގުތަކުގެ ސަބަބުން ބޭހުގެ ވިޔަފާރި ކުރާ ފަރާތްތަކަށް ގެއްލުމެއް ނުވާނެ ކަމަށާއި، ފައިދާ ވެސް ވާނެ ކަމަށް ފިނޭންސުން ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox