ފައިނަލުގެ ޖާގަ ހޯދައި ބަންގްލަދޭޝް ކުރިއަރައިފިކަން ސާބިތުކޮށްދޭން ބޭނުން: އޮސްކާ

ބަންގްލަދޭޝް ޓީމުގެ ކޯޗު އޮސްކާ ބްރުޒޮން: ފައިނަލުގައި ކުޅުމަކީ ޓާގެޓެއް.-- ފޮޓޯ: ހުސެއިން ވަހީދު/ އަދަދު

ބަންގްލަދޭޝް ޓީމުގެ ކޯޗު އޮސްކާ ބްރުޒޮން: ފައިނަލުގައި ކުޅުމަކީ ޓާގެޓެއް.-- ފޮޓޯ: ހުސެއިން ވަހީދު/ އަދަދު

ބަންގްލަދޭޝް ފުޓްބޯޅަ މިހާރު ކުރިއަރާފައިވާކަން ސާބިތުކޮށްދޭން ލިބޭ އެންމެ ރަނގަޅު ފުރުސަތަކީ އުރީދޫ ސާފް ޗެމްޕިއަންޝިޕްގައި މާދަމާ ހަވީރު ނޭޕާލް ބަލިކޮށް މުބާރާތުގެ ފައިނަލަށް ދިއުން ކަމަށް ބަންގްލަދޭޝް ޓީމުގެ ކޯޗު ސްޕެއިންގެ އޮސްކާ ބްރުޒޮން ބުނެފި އެވެ.

މި ފަހަރުގެ ސާފް ޗެމްޕިއަންޝިޕާ ދިމާކޮށް ބަންގްލަދޭޝްގެ ކޯޗުކަމާ ހަވާލުވި އޮސްކާގެ ބެލުމުގެ ދަށުން އެ ޓީމު ކުޅުނު ފުރަތަމަ މެޗުގައި ވަނީ ސްރީ ލަންކާ އަތުން 1-0 އިން މޮޅުވެފަ އެެވެ. ދެ ވަނަ މެޗުގައި އިންޑިއާއާ 1-1 އިން އެއްވަރުވިއިރު، ފަހު މެޗުން ވަނީ ރާއްޖެ އަތުން 2-0 އިން ބަލިވެފަ އެވެ.

މުބާރާތުގެ ފައިނަލުން ޖާގަ ހޯދާނަމަ މާދަމާ ހަވީރު ނޭޕާލްގެ މައްޗަށް ކުރިހޯދުން ނޫން ގޮތެއް ބަންގްލަދޭޝް އަށް ނެތެވެ. އެ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި އޮސްކާ ބުނީ މިހާރު މި އޮތީ މުބާރާތުގައި ވާދަކުރި އެންމެ ވަރުގަދަ ހަތަރު ޓީމު ކޮންމެ ޓީމަކަށް ވެސް ފުރުސަތު ހުޅުވިފައި އޮތް ގޮތަކަށް ފައިނަލުގެ ފުރުސަތު ހޯދަން ޖާގަ ލިބިފައި ކަމަށެވެ.

"ދެ ސެމީ ފައިނަލް ގޮތުގައި ވިސްނަން ޖެހޭނީ. އެއީ ދެ މެޗުގެ ގުޅުމެއް ނޫނީ ބަރޯސާވާން ޖެހޭ ކަމެއް ވެސް ނެތް،" އޮސްކާ ބުންޏެވެ.

"ބޭނުންވަނީ ބަންގްލްދޭޝް ފުޓްބޯޅައިގެ ހައްގު މަގާމަށް ދާން. މިހާތަނަށް އަހަރަމެންނަށް ކުރެވުނު މަސައްކަތުން އެ މިސްރާބަށް މި ދެވެނީ. ކުޅުންތެރިން ވަރަށް ރަނގަޅު މަސައްކަތެއް މި ކުރީ މިހާ ހިސާބަށް. އަހަރެމެންނަށް މާދަމާ ދަނޑުމަތީގައި ފުރުސަތު އެ ލިބެނީ ބަންގްލަދޭޝް ފުޓްބޯޅަ ކުރިއަރައިފިކަން ސާބިތުކޮށްދޭން. ގައުމުގެ ފުޓްބޯޅަ އަށް، މުސްތަގުބަލަށް މިއީ މުހިއްމު ކަމެއް،"

ލީގު ބުރުގެ އެއް ވަނައިގައި އޮތް ނޭޕާލަށް މާދަމާ ބަންގްލަދޭޝްއާ އެއްވަރުކޮށްލައިގެން ވެސް އަނެއް ބުރަށް ދިއުމުގެ ފުރުސަތު އެބައޮތެވެ. އޮސްކާ ބުނީ އެކަން އެ ގޮތަށް އޮތުމަކީ ހަގީގަތުގައި ނޭޕާލަށް ޕްރެޝަރެއް ވެސް އޮތް ކަމެއް ކަމަށެވެ. އެއީ މެޗުން ކުރިމަތިވެދާނެ އެކި ހާލަތްތަކަށް ބަރޯސާވެގެން ނޭޕާލް ހުންނަން ޖެހޭތީ އެ ޓީމުން ވިސްނަން ޖެހޭ ކަންކަން ވެސް އިތުރުވާނެ ކަމަށް އޮސްކާ ގަބޫލުކުރެ އެވެ.

"ނޭޕާލަށް މޮޅެއް ހޯދައިގެން ނޫނީ އެއްވަރުކޮށްލައިގެން ވެސް ފައިނަލަށް ދެވޭނެ. އެހެންވީމަ އެ ދެ ހާލަތަށް ވެސް އެ މީހުން ތައްޔާރުވާނެ. އެކަމަކު، އަހަރެމެންގެ މިހުރީ ސީދާ އެއް މިސްރާބެއް. މުބާރާތުގައި ދިރިހުރުން ނޫނީ މަރުވުން،" އޮސްކާ ބުންޏެވެ.

ސާފް ޗެމްޕިއަންޝިޕަށް 10 ވަރަކަށް ދުވަހަށް ވެފައި ވަނިކޮށް އޮސްކާ، ބަންގްލަދޭޝް ޓީމާ ހަވާލުވީ ހަމައެކަނި މި މުބާރާތަށެވެ. ހަފްތާއެއްހާ ދުވަހުގެ ޕްރެކްޓިހަކަށް ފަހު މުބާރާތަށް ނުކުމެ އޮސްކާ މި ވަނީ ނިސްބަތުން ބަލާއިރު ރަނގަޅު މަސައްކަތްތަކެއް ކޮށްފަ އެވެ.

އޮސްކާ ބުނީ ބަންގްލަދޭޝް ޓީމާ އެކު އޭނާ މި ދަތުރު ފެށީ ބަންގްލަދޭޝް މީޑިއާ އާއި އެ ގައުމުގެ ފުޓްބޯޅަ ކޮމިއުނިޓީއާ ގުޅިގެން ބަދަލުތަކެއް ގެނެސް އެ ގައުމުގެ ފުޓްބޯޅަ ހަރުފަތެއް މައްޗަށް ޖައްސާލުމަށް ކަމަށެވެ.

"އެ މީހުން ބޭނުންވަނީ އަހަރަމެން ފައިނަލަށް ދާން. މި މުބާރާތުގައި އަހަރެމެން ވަރަށް ބޮޑަށް އެބަ ހިތްހަމަޖެހޭ އަހަރެމެންނަށް އިތުބާރު ދަމަހައްޓައިގެން ކުރިއަށް ދެވޭތީ. އަހަރެމެން ބޭނުމެއް ނޫން. ބަޔަކު ބަދުނާމުކޮށް، ޝަކުވާކޮށް، މަކަރު ހަދައި އެއްވެސް ކަމެއް ކުރާކަށް. އެއްވެސް ނެގެޓިވް ކަމަކަށް ނުވިސްނަން،" އޮސްކާ ބުންޏެވެ.

މާދަމާ ހަވީރުގެ މެޗަށް ބަންގްލަދޭޝް ނުކުންނަނީ ފަސް ވަރަކަށް ދުވަހުގެ މުއްދަތަކަށް ފަހު އެވެ. މިއީ ބަންގްލަދޭޝް އަށް މާދަމާގެ މެޗާ ކުރިމަތިލާއިރު އޮތް ހިތްހަމަ ޖެހުމެކެވެ. ކަންބޮޑުވުމަކީ އެ ޓީމުގެ ފުލްބެކް ޔާސީން އަރަފާތު ދެ ކާޑު ހަމަވުމުގެ ސަބަބުން ސަސްޕެންޑްވުމެވެ.

އޮސްކާ ބުނީ މުބާރާތުގެ ކުރިން އެންމެން ބުނަމުން އައީ ބަންގްލަދޭޝަކަށް ޗެލެންޖަކަށް ވާނީ ނޭޕާލާއި ރާއްޖެ ކަމަށެވެ. އޭގެ ތެރެއިން ރާއްޖެ އަތުން ބަލިވެފައި އޭގެއިން ފިލާވަޅު ނަގައި މާދަމާ ނޭޕާލްގެ މައްޗަށް ކުރިހޯދައި މުބާރާތަށް ނުކުތްއިރު، އޮތް ފައިނަލުގައި ކުޅުމުގެ ޓާގެޓަށް ދެވިދާނެ ކަމަށް އޮސްކާ ހުރީ އުއްމީދުގަ އެވެ.

"އަހަރެމެންނަށް ވަރަށް ރަނގަޅު ފުރުސަތެއް ހުޅުވިފައި މި އޮތީ ނޭޕާލް ފަހަތަށް ޖައްސާލާފައި އަހަރެމެން އައި ޓާގެޓް ހާސިލްކުރަން،" އޮސްކާ ބުންޏެވެ. "ނޭޕާލް ކުޅެމުން އަންނަ ގޮތުން ހީވަނީ އެ ޓީމު މޮޅުވުމަށް ވުރެ ބޮޑަށް ބަލިނުވެ މެޗުތައް ނިންމާލަން އައި ޓީމެއްގެ ގޮތުގައި. އެއީ ބޯޅަ ހިފަހައްޓައިގެން ކުޅުމުގެ ބަދަލުގައި އެ މީހުންގެ ޓީމު އެތުރުން ވެސް މި ހުންނަނީ ކައުންޓަ އެޓޭކަށް ވިސްނައިގެން،"

ނޭޕާލާ ދެކޮޅަށް އެންމެ ފަހުން ބަންގްލަދޭޝް ކުުޅުނު ފަސް މެޗުގެ ތެރެއިން މޮޅުވީ އެންމެ މެޗަކުންނެވެ. ނޭޕާލް ތިން މެޗުން މޮޅުވިއިރު، މި އަހަރު ނޭޕާލްގައި ބޭއްވި ތުރީ ނޭޝަންސް ކަޕް ފައިނަލުގައި އެ ޓީމު ވަނީ 2-1 އިން ބަންގްލަދޭޝް ބަލިކޮށްފަ އެވެ. މާދަމާ ހަވީރު ކުޅޭ މެޗު ފަށާނީ ހަތަރެއް ޖަހާއިރު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox