ބަންގްލަދޭޝް އިން 22 އަހަރަށް ފަހު އިންޑިއާ ބަލިކޮށްފި

Nov 18, 2025, 4:41 PM
ބަންގްލަދޭޝް އިން 22 އަހަރަށް ފަހު އިންޑިއާ ބަލިކޮށްފި

ޑާކާ، ބަންގްލަދޭޝް (ނޮވެމްބަރު 18) - އޭޝިއަން ކަޕް ކޮލިފައިންގައި މިރޭ ކުޅުނު މެޗުން ބަންގްލަދޭޝް އިން 1-0 އިން މޮޅުވެ، 22 އަހަރު ތެރޭ އިންޑިއާ އަތުން ފުރަތަމަ ފަހަރަށް މޮޅެއް ހޯދައިފި އެވެ.

މި މެޗުގެ ކުރިން އިންޑިއާ އަތުން ބަންގްލަދޭޝަށް އެންމެ ފަހުން މޮޅެއް ލިބިފައިވަނީ، 2003 ވަނަ އަހަރު ކުޅުނު ސާފް ގޯލްޑް ކަޕްގެ ސެމީ ފައިނަލުގަ އެވެ. އެ ފަހަރު ބަންގްލަދޭޝް މޮޅުވީ ގޯލްޑަން ގޯލެއް ޖަހައިގެންނެވެ. އޭގެ ފަހުން ކުޅުނު 10 މެޗުން ވެސް ބަންގްލަދޭޝަށް އިންޑިއާ އަތުން މޮޅެއް ހޯދިފައިނުވެ އެވެ.

ޑާކާ ނެޝަނަލް ސްޓޭޑިއަމްގައި މިރޭ ކުޅުނު މެޗުގައި ބަންގްލަދޭޝަށް ހަމައެކަނި ލަނޑު ޖަހައިދިނީ، މެޗުގެ 11 ވަނަ މިނިޓްގައި ރަކީބް ހުސެއިން ދިން ބޯޅައަކުން ޝެއިހް މޮރްސަލީން އެވެ. ބަންގްލަދޭޝް އިން ވަނީ މެޗުގެ އެހާ ކުރީކޮޅުގައި ލަނޑެއް ޖެހުމަށް ފަހު ވެސް މެޗުގެ ބާކީ ބައިގައި ޑިފެންސްކޮށް މި ލީޑުހިފަހައްޓައިފަ އެވެ.

އެ ގޮތުން، މި މެޗުގައި ބަންގްލަދޭޝްގެ މެދުތެރޭގައި އެންމެ މޮޅު ކުޅުމެއް ދެއްކީ، އިނގިރޭސި ކްލަބް، ލެސްޓާ ސިޓީ އަށް ކުޅެމުން އަންނަ މިޑްފީލްޑަރު، ހަމްޒާ ޗޯދުރީ އެވެ. އޭނާ އަންނަނީ ބަންގްލަދޭޝްގެ ރަށްވެހިކަން ހޯދައި، މި އަހަރުގެ ކުރީކޮޅުން ފެށިގެން، ބަންގްލަދޭޝް ޓީމަށް މޮޅު ކުޅުމެއް ދައްކަމުންނެވެ.

އިންޑިއާ ފުޓްބޯޅަ ދަށް ފޯމެއްގައި ކުރިއަށްދާއިރު، ބަންގްލަދޭޝް އަތްދަށުވެ، އެ ޓީމު މި ވަނީ ކޮލިފައިން ތާވަލުގެ ފުލުގައި ނިންމަން ޖެހުމުގެ ފުރުސަތު ބޮޑުވެފަ އެވެ. އެންމެ ފަހުން 2023 ވަނަ އަހަރު ގަތަރުގައި އޮތް އޭޝިއަން ކަޕަށް ކޮލިފައިވި އިންޑިއާ އަށް 2027 ވަނަ އަަހަރު ސައުދީ އަރަބިއްޔާގައި ބާއްވާ އޭޝިއަން ކަޕްގައި ނުކުޅެވޭނެކަން ޔަގީންވެފައިވާއިރު، އިންޑިއާ މި ވަގުތު އޮތީ ކޮލިފައިން ގްރޫޕް ސީގެ ފުލުގަ އެވެ. ކުޅުނު ފަސް މެޗުން އެ ޓީމަށް ދެ ޕޮއިންޓް ލިބިފައިވާއިރު، އަދި މޮޅެއް ނުހޯދެ އެވެ. މި ގްރޫޕްގެ ތިން ވަނައިގައި އޮތް ބަންގްލަދޭޝަށް ފަސް މެޗުން ވަނީ ފަސް ޕޮއިންޓް ލިބިފަ އެވެ.

އޭޝިއަން ކަޕް ކޮލިފައިންގައި ސާފްގެ ގައުމުތުކުގެ ނަތީޖާ އަށް ބަލާއިރު، ރާއްޖެ ވަނީ އަމިއްލަ ދަނޑުގައި ފިލިޕީންސް އަތުން 2-0 އިން ބަލިވެފަ އެވެ. ޔަމަން އަތުން 7-1 އިން ބޫޓާން ބަލިވިއިރު، ތައިލެންޑުން ސްރީ ލަންކާ ބަލިކުރީ 4-0 އިންނެވެ. ސީރިއާ އިން 5-0 އިން ޕާކިސްތާން ބަލިކުރިއިރު، މެލޭޝިއާ އިން ނޭޕާލް ބަލިކުރީ 1-0 އިންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox