ރެފްރީ ގޯސް ވިޔަސް ރާއްޖެ އަށް ލިބުނީ ހައްގު މޮޅެއް: އޮސްކާ

Oct 7, 2021, 8:59 PM
ބަންގްލަދޭޝްގެ ކޯޗު އޮސްކާ ބްރުޒޮން.-- ފޮޓޯ: ހުސެއިން ވަހީދު/ އަދަދު

ބަންގްލަދޭޝްގެ ކޯޗު އޮސްކާ ބްރުޒޮން.-- ފޮޓޯ: ހުސެއިން ވަހީދު/ އަދަދު

އުރީދޫ ސާފް ޗެމްޕިއަންޝިޕްގައި މިރޭ ބަންގްލަދޭޝް އަތުން 2-0 އިން މޮޅުވި މެޗުގައި ރާއްޖެ އަށް ލިބުނީ ހައްގު މޮޅެއް ކަމަށް ބުނުމަށް ފަހު ބަންގްލަދޭޝްގެ ކޯޗު އޮސްކާ ބްރުޒޮން މެޗުގެ ރެފްރީ އިރާގުގެ ހަސަން ޔޫސެފް އަށް ވަރަށް ބޮޑަށް ފާޑުކިޔައިފި އެވެ.

ދެ ވަނަ ހާފްގައި ހަމްޒާ މުހައްމަދު (ހަމްޕު) ޖެހި ތަފާތު މޮޅު ގޯލާއި އަލީ އަޝްފާގު (ދަގަނޑޭ) ޖެހި ޕެނަލްޓީން ރާއްޖޭން މިރޭ ވަނީ ބަންގްލަދޭޝް ބަލިކޮށްފަ އެވެ. މިއީ މި ފަހަރުގެ ސާފް ޗެމްޕިއަންޝިޕަށް ބަންގްލަދޭޝް ޓީމާ ހަވާލުވި އޮސްކާ އެ ޓީމު ގޮވައިގެން ބަލިވި ފުރަތަމަ މެޗެވެ. މި މެޗުގެ ކުރިން ބަންގްލަދޭޝް އިން ވަނީ ސްރީލަންކާ 1-0 އިން ބަލިކޮށް އިންޑިއާއާ 1-1 އިން އެއްވަރުކޮށްފަ އެވެ.

ގަލޮޅު ދަނޑުގައި މިރޭ ބަންގްލަދޭޝް އިން ރާއްޖެއާ ދެކޮޅަށް ކުޅުނު މެޗުގައި ވަނީ 30 ފައުލުކޮށްފަ އެވެ. ބަންގްލަދޭޝް ކުޅުންތެރިންނަށް ފަސް ރީނދޫ ކާޑު ދެއްކި އެވެ.

މެޗަށް ފަހު އޮތް ނޫސްވެރިންގެ ބައްދަލުވުމުގައި އޮސްކާ ބުނީ ރާއްޖޭން ހޯދި މޮޅަށް މަރުހަބާ ކިޔާ ކަމަށެވެ.

"އެ މީހުން އަހަރެމެންނަށް ވުރެ މޮޅު މިއަދު. އެއްވެސް ކަމެއް އަހަރެމެންނަށް ރަނގަޅަށް ނުދިޔަ. ބަދަލުގައި އެރި ކުޅުންތެރިން ވެސް ދިޔައީ ހީކުރި ގޮތަކަށް ނޫން. މުޅި 90 މިނިޓްގައި ރާއްޖޭގެ ހިތްވަރު ފެނުނީ ވަރަށް ވަރުގަދަކޮށް،"

އޮސްކާ ވަނީ މިރޭގެ މެޗުގެ ރެފްރީ ހުރި ގޮތް ބުނެގެން އޭނާ އަށް އަދަބެއް އަންނަން ބޭނުމެއް ނުވާ ކަމަށް ބުނެފަ އެވެ. އެހެން ބުނުމަށް ފަހު ވެސް އޮސްކާ ވަނީ ރެފްރީ އަށް ވަރަށް ބޮޑަށް ފާޑުކިޔައިފަ އެވެ.

މިރޭގެ މެޗުގެ ތެރެއިން އޮސްކާ (ކ): އޭނާ ވަނީ މެޗުގެ ރެެފްރީ އަށް ފާޑުކިޔާފައި.-- ފޮޓޯ: ހުސެއިން ވަހީދު/ އަދަދު

"ރެފްރީ މިއަދު ހުރީ ފުރަތަމަ މިނިޓުން ފެށިގެން އެއްކޮޅަށް ޖެހި ހުސްވެފައި. އަހަރެމެންނަށް ވެގެންވާނަމަ ނޫނީ އަހަރެމެން އެދޭ ގޮތްވާނަމަ މި ރެފްރީ މި މުބާރާތުން ބޭރުކުރަން ވެސް ބޭނުން. މި ކަހަލަ ބޮޑެތި މުބާރާތްތަކެއް މިކަހަލަ ރެފްރީން ލައިގެން ކުރިއަށް ނުގެންދެވޭނެ. އެކަމަކު، އަހަންނެއް ނުބުނާނަން ބަލިވީ ރެފްރީގެ ސަބަބުންނޭ. ރާއްޖެ މޮޅަށް ކުޅުނު. އެކަމަކު މި ވަރަށް ރެފްރީގެ އެހީތެރިކަން ނުލިބި ވެސް ރާއްޖެ މޮޅުވާނެ،" ކުރިން ރާއްޖޭގެ ނިއު ރޭޑިއަންޓަށް ކޯޗުކޮށްދިން އޮސްކާ ބުންޏެވެ.

ބަންގްލަދޭޝްގެ ބަޝުންދަރާ ކިންގްސްގެ ކޯޗަކަށް ވެސް މަސައްކަތް ކުރާ އޮސްކާ ބުނީ މިރޭ ފުރަތަމަ ހާފުގައި ބަންގްލަދޭޝް ޓީމު އޮތީ ރަނގަޅަށް ކަމަށެވެ. އެކަމަކު، ހަމްޕުގެ ގޯލުން ހުރިހާ ކަމެއް ބަދަލުކޮށްލި ކަމަށް އޮސްކާ ބުނެފައިވެ އެވެ.

"އެ ގޯލަށް ފަހު އަހަރެމެންނަށް ދެން ހަދާނެ ގޮތެއް ނޭނގުނު. ފަހުން އަހަރެމެން އަތުން މެޗު އޮތީ މުޅިން ދޫވެފައި ކަހަލަ. ހަގީގަތުގައި ރާއްޖެ އަށް ފަހުން ގިނަ ގޯލުތަކެއް ވެސް ޖެހެންދިޔަ،" އޮސްކާ ބުންޏެވެ.

އޮސްކާ ބުނީ ރާއްޖެއާ ދެކޮޅަށް ބަންގްލަދޭޝް ފެނުނީ ވަރަށް ވަރުބަލިކޮށް ކަމަށާއި އޭގެ އެއް ސަބަބަކީ ހަތް ދުވަހުގެ ތެރޭގައި ތިން މެޗު ކުޅުން ކަމަށެވެ. އެކަަމަކު، އޭގެ ޝަކުވާ ވެސް ނުކޮށް އިސް އުފުލައިގެން ބަންގްލަދޭޝް އިން ދެން ހުރި މެޗުތަކަށް ތައްޔާރުވާން ޖެހޭނެ ކަމަށް އޮސްކާ ވަނީ ބުނެފަ އެވެ.

މިއަދުގެ މެޗުތަކަށް ފަހު ސާފް ޗެމްޕިއަންޝިޕްގެ މި ފަހަރުގެ މުބާރާތުގެ ލީގު ބުރުގެ އެއް ވަނައިގައި މި ވަގުތު އޮތީ ދެ މެޗުން ހަ ޕޮއިންޓާ އެކު ނޭޕާލް އެވެ. ތިން މެޗުން ހަތަރު ޕޮއިންޓާ އެކު ބަންގްލަދޭޝް ދެ ވަނައިގައި އޮތްއިރު، ރާއްޖެ ތިން ވަނައިގައި އޮތީ ދެ މެޗުން ތިން ޕޮއިންޓް ހޯދައިގެންނެވެ. އިންޑިއާ އަށް ދެ މެޗުން ދެ ޕޮއިންޓް ލިބިފައިވާއިރު، އެންމެ ފުލުގައި އޮތް ލަންކާ އަށް ތިން މެޗުން ވަނީ އެއް ޕޮއިންޓް ލިބިފަ އެވެ.

މުބާރާތުގެ ފައިނަލަށް ދަނީ އެންމެ ގިނަ ޕޮއިންޓް ހޯދާ ދެ ޓީމެވެ. އޮސްކާ ބުނީ އަންނަ ހަފްތާގެ ބުދަ ދުވަހު ނޭޕާލް ކައިރީ ރަނގަޅު ނަތީޖާއެއް ނެރެ، މުބާރާތަށް ކަނޑައެޅި ޓާގެޓް ހާސިލްކުރާނެ ކަމަށެެވެ.

"އަހަރެމެން އައީ ފައިނަލުގައި ކުޅެން. ދެން އޮތް މެޗަށް ނުކުންނާނީ މިއަށް ވުރެ ރަނގަޅަށް. އެއްބަސްވާންޖެހޭ ފުރުސަތު އޮތްކަމަށް. ދެން ކުރަން ޖެހޭނީ އެކަން ހާސިލްކުރެވޭ ވަރަށް މަސައްކަތް،" އޮސްކާ ބުންޏެވެ.

ރާއްޖޭން ދެން ކުޅޭ މެޗުގައި އާދިއްތަ ދުވަހު ހަވީރު ލަންކާއާ ބައްދަލުކުރާނެ އެވެ. އެރޭ ކުޅޭނީ ނޭޕާލާއި އިންޑިއާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox