މުބާރާތުގެ އެންމެ ވަރުގަދަ ޓީމަކީ ބަންގަލްދޭޝް: އޮސްކާ

Oct 3, 2021, 12:34 PM
ބަންގްލަދޭޝްގެ ކޯޗު އޮސްކާ ބްރުޒޮން: ލަންކާއާ ދެކޮޅަށް ކުޅުނު މެޗުގެ ތެރެއިން.-- ފޮޓޯ: ހުސެއިން ވަހީދު/ އަދަދު

ބަންގްލަދޭޝްގެ ކޯޗު އޮސްކާ ބްރުޒޮން: ލަންކާއާ ދެކޮޅަށް ކުޅުނު މެޗުގެ ތެރެއިން.-- ފޮޓޯ: ހުސެއިން ވަހީދު/ އަދަދު

އުރީދޫ ސާފް ޗެމްޕިއަންޝިޕްގައި މާދަމާ ހަވީރު އިންޑިއާއާ ދެކޮޅަށް ބަންގްލަދޭޝް ނުކުންނައިރު، މި މުބާރާތުގައި އޮތް އެންމެ ވަރުގަދަ ޓީމަކީ ބަންގްލަދޭޝް ކަމަށް އެ ޓީމުގެ ކޯޗު އޮސްކާ ބްރުޒޮން ބުނެފި އެވެ.

މި މުބާރާތުގައި ކުޅުނު ފުރަތަމަ މެޗުގައި ސްރީ ލަންކާ އަތުން ބަންގްލަދޭޝްް މޮޅުވީ 1-0 އިންނެވެ. އެ މެޗުގައި ބަންގްލަދޭޝުން ލަނޑު ޖެހީ ދެ ވަނަ ހާފުގައި ލިބުނު ޕެނަލްޓީ އަކުންނެވެ.

މުބާރާތުގެ އެންމެ ކާމިޔާބު ޓީމު ކަމަށްވާ އިންޑިއާއާ ދެކޮޅަށް މާދަމާ ބަންގްލަދޭޝް ނުކުންނައިރު، އޮސްކާ ބުނީ މި ފަހަރުގެ ސާފް ޗެމްޕިއަންޝިޕްގައި މި ވަގުތު އޮތް އެންމެ ވަރުގަދަ ޓީމަކީ ބަންގްލަދޭޝް އެވެ. އެއީ ކޮންފިޑެންސާ ޓީމު ރޫހަށް ބަލާނަމަ އެ ޓީމަކީ ދުނިޔޭގެ ވެސް އެއް ވަނަ ކަމަށް އޮސްކާ ވަނީ ބުނެފަ އެވެ.

"މި މުބާރާތުގެ ތާރީހަށް ބެލިޔަސް، ރޭންކިން އަށް ބެލިޔަސް، ލީގަށް ބެލިޔަސް އިންޑިއާ މި ފެންނަނީ ވަރުގަދަކޮށް،" ސާފް ޗެމްޕިއަންޝިޕް ގާތްވެފައިވަނިކޮށް ބަންގްލަދޭޝްގެ ޗެމްޕިއަން ކްލަބް ބަޝުންދުރާ ކިންގްސްގެ ކޮންޓްރެކްޓުން ލުޔެއް ހޯދައި ދެ މަހަށް ބަންގްލަދޭޝް ގައުމީ ޓީމާ ހަވާލުވި އޮސްކާ ބުންޏެވެ.

"އެކަމަކު، މި މުބާރާތުގައި މިހާތަނަށް ފެނުނު ކުޅުމަށް ބަލާއިރު، އެންމެ ވަރުގަދަ ޓީމަކަށް އޮތީ ބަންގްލަދޭޝް. އެއީ އަހަރެން ގަބޫލްކުރާ ގޮތަކީ."

ސާފް ޗެމްޕިއަންޝިޕްގައި އިންޑިއާ އަތުން ބަންގްލަދޭޝް އަދި މޮޅެއް ނުވެ އެެވެ. މި ދެ ޓީމު އެންމެ ފަހުން ބައްދަލުކުރީ މި އަހަރުގެ ޖޫން މަހު ކުޅުނު ވޯލްޑް ކަޕް ކޮލިފައިންގެ މެޗެއްގަ އެވެ. އެ މެޗު 2-0 އިން ކާމިޔާބުކުރީ އިންޑިއާ އެވެ. އޭގެ ކުރިން 2019 ވަނަ އަހަރު ސޯލްޓް ލޭކްގައި ކުޅުނު މެޗު ނިމުނީ 1-1 އިން އެއްވަރުވެގެންނެވެ.

އޮސްކާ ބުނީ އިންޑިއާ ޓީމު ފީފާ ރޭންކިންގައި ކުރީގައި އޮތް ނަމަވެސް، ފަހަކަށް އައިސް އިންޑިއާގެ ޓީމަށް މާ ބޮޑެތި ކުރިއެރުންތަކެއް ލިބިފައިނުވާ ކަމަށެވެ. އަދި މެޗުގެ ކުރިން އިންޑިއާ އިން ބަންގްލަދޭޝްގެ ކުޅުންތެރިންގެ "ސިކުނޑިއާ ކުޅެން މަސައްކަތްކުރިޔަސް"، ބަންގްލަދޭޝްގެ ކުޅުންތެރިން ތިބީ ނަފްސާނީ ގޮތުން މާ ރަނގަޅަށް ތައްޔާރުވެފައި ކަމަށެވެ.

"އަހަންނަށް އެނގޭ އިންޑިއާ އިން މައިންޑް ގޭމްސް ކުޅޭނެކަން. އަހަރަމެންގެ ކުޅުންތެރިން ސިކުނޑިއާ ކުޅެން އުޅޭނެ. އެކަމަކު ބަންގްލަދޭޝްގެ ކުޅުންތެރިން ތިބީ ނަފްސާނީ ގޮތުން މާ ވަރުގަދަކޮށް،" އޮސްކާ ބުންޏެވެ.

"އިންޑިއާ ރޭންކިންގައި ކުރިއަށް ޖެހިލި. އެކަމަކު ފާއިތުވި ދެ ތިން އަހަރަށް ބަލާއިރު މާ ބޮޑު ކުރިއެރުމެއް ނެތް. އޮތީ އޮތް ހިސާބުގައި ތާށިވެފައި. އިންޑިއާގެ ގައުމީ ޓީމުގެ ނަތީޖާތައް މި ފަހަކަށް އައިސް ރަނގަޅެއް ނޫން."

އިންޑިއާގެ ކޯޗު އީގޯ ސްޓިމަކް ވަނީ ބަންގްލަދޭޝް އިން ފުރަތަމަ މެޗު ހޯދި ޕެނަލްޓީ އަކީ ޖޯކެއް ގޮތަށް ސިފަކޮށްފަ އެވެ. އެކަމާ ބެހޭގޮތުން އޮސްކާ ބުނީ އިންޑިއާ އިން މަސައްކަތް ކުރަނީ މެޗުގެ ކުރިން ވެސް ބަންގްލަދޭޝް ބަލިކަށިކަން ސާބިތުކޮށްދޭން ކަމަށާއި އެކަމަށް ސަމާލުވާނެ ކަމަށެވެ.

މެޗަށް ނުކުންނައިރު ބަންގްލަދޭޝްގެ ތިން ޕޮއިންޓް އޮތްއިރު، އިންޑިއާ އިން މި ނުކުންނަނީ މުބާރާތުގެ ފުރަތަމަ މެޗަށެވެ. އޮސްކާ ބުނީ ހާލަތަށް ބަލާއިރު މެޗުން މޮޅުވުމުގެ "ޕްރެޝަރު" އޮތީ ހަގީގަތުގައި އިންޑިއާ އަށް ކަމަށާއި ފުރަތަމަ މެޗުން ބަލިވެގެން ހާސްވާން ޖެހޭނީ އިންޑިއާ ކަމަށެވެ.

"އަހަރެމެންގެ ތިން ޕޮއިންޓް އެބައޮތް. އިންޑިއާގެ ސުން ޕޮއިންޓް. އެހެންވީމަ މެޗުގެ ޕްރެޝަރު އޮތް ބައެއް ސާފު އެބަވޭ،" ރާއްޖޭގެ ނިއު ރޭޑިއަންޓަށް ވެސް ކޯޗުކޮށްދީފައިވާ އޮސްކާ ބުންޏެވެ.

ޗެތުރީ ހުއްޓުވާނެ ގޮތް އެނގޭ

ކުރިން އިންޑިއާގެ ސްޕޯޓިން ގޯއާ އާއި މުމްބާއީ އެފްސީގައި އޮސްކާ މަސައްކަތްކުރިއިރު، އިންޑިއާގެ ކެޕްޓަން ސުނިލް ޗެތުރީ އެއް ސީޒަނުގައި ކްލަބަަށް ކުޅުނެވެ. އެހެންކަމުން، އިންޑިއާގެ ފުޓްބޯޅައިގެ ތަޖުރިބާ އޮސްކާ އަށް ވަނީ ލިބިފަ އެވެ. އަދި އިންޑިއާގެ ކެޕްޓަން ޗެތުރީ އަކީ އޮސްކާ ވަރަށް ރަނގަޅަށް ދަންނަ ކުޅުންތެރިއެކެވެ.

އޮސްކާ ބުނީ ޗެތުރީ އަކީ ފުރުސަތު ލިބިއްޖެނަމަ، ނުރައްކާ ކުރާނެ ކުޅުންތެރިއެއް ކަމަށެވެ. އެކަމަކު މާދަމާގެ މެޗުގައި ޗެތުރީ ހުއްޓުވާނެ "ޕްލޭނެެއް" އެބައޮތް ކަމަށެވެ.

"ޗެތުރީ އަކީ މޮޅު ކުޅުންތެރިއެއް. އޭނަ އަށް ފުރުސަތެއް ލިބިއްޖެނަމަ، ކިތަންމެ ކުޑަ ވަގުތުކޮޅެއްގައި ވެސް ނަތީޖާ ބަދަލުކޮށްލަފާނެ. އެކަމަކު އަހަރަމެެންނަށް އެނގޭ ޗެތުރީ ހުއްޓުވާނެ ގޮތެއް. ރޭވުމެއް އެބައޮތް. އަނެއްކާ ބަންގްލަދޭޝްގެ ޓީމުގައި މޮޅެތި ޑިފެންޑަރުން އެބަތިބި،" އޮސްކާ ބުންޏެވެ.

ލަންކާ މެޗުގައި ބަންގްލަދޭޝަށް ގިނަ ގޯލު ޖަހަން ފުރުސަތު ލިބި އެކަން ނުކުރެވުނު ނަމަވެސް އެއީ މާ ބޮޑު ކަމަކަށް ނުވިސްނާނެ ކަމަށް އޮސްކާ ބުންޏެވެ. އަދި އެ ޓީމު ކުރިއަށް ހުރި މެޗުތަކުގައި ލިބޭ ފުރުސަތުތަކުގައި ގޯލު ޖަހާ މިންވަރު އިތުރުވާނެ ކަމުގެ ޔަގީންކަން އޮސްކާ ވަނީ ދީފަ އެެވެ.

އިންޑިއާ އާއި ބަންގްލަދޭޝް ބައްދަލުކުރާ މެޗު ފާށާނީ މާދަމާ ހަވީރު 16:00ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox