އޮޅުވާލައިގެން ހޯދި އިންކަމް ސަޕޯޓް އެލަވަންސްގެ އަދަދު 5 މިލިއަން ރުފިޔާއަށް

ލޯކަލް މާރުކޭޓުގައި ދެ މީހަކު ފައިސާ ބަދަލުކުރަނީ: އޮޅުވާލައިގެން ހޯދި ފައިސާގެ ތެރެއިން މިހާތަނަށް ހޯދުނީ އެންމެ ހަތަރު ޕަސެންޓު. -- ފޮޓޯ: ހުސެއިން ވަހީދު/އަދަދު

ލޯކަލް މާރުކޭޓުގައި ދެ މީހަކު ފައިސާ ބަދަލުކުރަނީ: އޮޅުވާލައިގެން ހޯދި ފައިސާގެ ތެރެއިން މިހާތަނަށް ހޯދުނީ އެންމެ ހަތަރު ޕަސެންޓު. -- ފޮޓޯ: ހުސެއިން ވަހީދު/އަދަދު

ކޮވިޑާ ގުޅިގެން ވަޒީފާ ގެއްލުނު މީހުންނަށާއި އާމްދަނީއަށް އަސަރުކުރި މީހުންނަށް ސަރުކާރުން ދޫކުރި އިންކަމް ސަޕޯޓް އެލަވަންސް ޕްރޮގްރާމަށް ދޮގު މައުލޫމާތު ހުށަހަޅައިގެން ހޯދި ފައިސާގެ އަދަދު ގާތްގަނޑަކަށް ފަސް މިލިއަން ރުފިޔާއަށް އަރާކަމަށް އޮޑިޓު ރިޕޯޓަކުން ދައްކައިފި އެވެ.

އޮޑިޓާ ޖެނެރަލް އޮފީހުން އާންމުކުރި "ކޮވިޑް-19 އެމަޖެންސީ އިންކަމް ސަޕޯޓް އެލަވަންސް ޕްރޮޖެކްޓް" އޮޑިޓް ރިޕޯޓުގައި ބުނީ، އެ އޮފީހުން ހެދި އޮޑިޓު ދައްކާ ގޮތުގައި އޮޅުވާލައިގެން 4،974،477ރ. ހޯދާފައިވާ ކަމަށެވެ.

ނެޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) މެދުވެރިކޮށް ހިންގި އެ ޕްރޮގްރާމުގެ އޮޑިޓުގެ މުއްދަތާ ހަމައަށް އެ ފައިސާގެ ތެރެއިން އަނބުރާ ހޯދުނީ 213،884ރ. އެވެ. އެއީ ޖުމްލަ އަދަދުގެ ގާތްގަނޑަކަށް ހަތަރު ޕަސެންޓެވެ.

ކޮވިޑް 19 ގެ ބަލިމަޑުކަމާ ގުޅިގެން ގިނަ ބައެއްގެ ވަޒީފާތައް ގެއްލުމާއި އާމްދަނީ ލިބުން ހުއްޓުމާ ގުޅިގެން ސަރުކާރުން މާލީ އެހީތެރިކަމެއް ފޯރުކޮށް ދިނުމަށް ފެށި މި ޕްރޮގްރާމުގެ ދަށުން މިދިޔަ އަހަރުގެ ޑިސެމްބަރު މަހުގެ ނިޔަލަށް، 421 މިލިއަން ރުފިޔާއަށް ދޫކޮށްފައި ވެ އެވެ.

މީގެ ކުރިން އޮޑިޓް އޮފީހުން ހެދި އިންކަމް ސަޕޯޓް ޕްރޮޖެކްޓުގެ ޕާފޯމަންސް އޮޑިޓުގައި، އޮޅުވާލައިގެން ހޯދި ކަމަށް ފާހަގަކުރެވުނީ ހަތަރު ލައްކައެއްހާ ރުފިޔާ އެވެ. ނަމަވެސް އެ ފަހަރު އޮޑިޓާ ޖެނެރަލް އޮފީހުން އެ އަދަދު ބިނާކުރީ، އެހާތަނަށް އިކޮނޮމިކް މިނިސްޓްރީން ހެދި ރިވިއުއަކުން ފާހަގަކުރެވުނު އަދަދުތަކަށެވެ.

އޮޅުވާލައިގެން ހޯދި ފައިސާގެ މައްސަލައިގައި އެފަހަރުވެސް އޮޑިޓް އޮފީހުން ވަނީ، އެ ފައިސާ ހޯދުން އަވަސް ކުރަން އިކޮނޮމިކް މިނިސްޓްރީއަށް އަންގާފަ އެވެ.

އެ އެންގުމާ ގުޅިގެން މިނިސްޓްރީން އޭރު ބުނީ އެ ފައިސާ ހޯދަން އަޅަން ޖެހޭ ފިޔަވަޅުތައް އަޅަން ފަށާފައިވާ ކަމަށެވެ. އެގޮތުން އޮޅުވާލި ކަމަށް ފާހަގަކުރެވުނު މީހުންނަށް، އެ ފައިސާ އަނބުރާ ރައްދުކޮށްދޭން އަންގާ، އެއްބާރުލުން ނުލިބޭ މީހުންނަށް ދައުވާ ކުރާނެ ކަމަށް ބުންޏެވެ.

މިހާތަނަށް އެއްވެސް އިދާރާއަކުން މި އޮޅުވާލުންތަކުގައި ޝާމިލުވީ މީހުންގެ ސީދާ އަދަދެއް ހާމަކޮށްފައެއް ނުވެ އެވެ.

ކުރިން އިކޮނޮމިކް މިނިސްޓްރީން އާންމުކުރި އަންދާޒާގައި ބުނީ އެޕްރޫވް ކުރި 80،000 އަށް ވުރެ ގިނަ އެޕްލިކޭޝަނުގެ ތެރެއިން 217 އެޕްލިކޭޝަނެއްގައި ނުބައި މައުލޫމާތު ހުރިކަމަށް ފާހަގަކުރެވުނު ކަމަށެވެ.

އެކަމަކު މިހާރު ބުނާ އަދަދަށް އޮޅުވާލައިގެން ފައިސާ ހޯދާފައިވާނަމަ، މި އަދަދު މާ ބޮޑަށް ވެސް އިތުރުވާނެ ކަމަށް ބެލެވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox