ޔޫއެންޑަބްލިޔުޓީއޯގެ ރީސްޓާޓް ޓޫރިޒަމް ކެމްޕެއިނުގެ ތެރެއިން 2000 ސްކޮލާޝިޕް ދެނީ

ޔޫއެންޑަބްލިޔުޓީއޯގެ ބައްދަލުވުމެއްގެ ތެރެއިން: މި ޖަމިއްޔާއިން އަންނަނީ ޓޫރިޒަމް އަލުން ދިރުވަން ގިނަ މަސައްކަތްތަކެއް ކުރަމުން. -- ފޮޓޯ: ޔޫއެންޑަބްލިޔުޓީއޯ

ޔޫއެންޑަބްލިޔުޓީއޯގެ ބައްދަލުވުމެއްގެ ތެރެއިން: މި ޖަމިއްޔާއިން އަންނަނީ ޓޫރިޒަމް އަލުން ދިރުވަން ގިނަ މަސައްކަތްތަކެއް ކުރަމުން. -- ފޮޓޯ: ޔޫއެންޑަބްލިޔުޓީއޯ

ކޮވިޑު ބަލިމަޑުކަމާ ގުޅިގެން ހީނަރުވެފައިވާ ޓޫރިޒަމް ދާއިރާއަށް އެހީތެރިވެދިނުމުގެ ގޮތުން އދ. ގެ ޓޫރިޒަމާ ބެހޭ ޖަމިއްޔާ, ޔޫއެންޑަބްލިޔުޓީއޯ އިން 2000 ސްކޮލާޝިޕް ފުރުސަތު ހުޅުވާލަން ނިންމައިފި އެވެ.

މިކަން އިއުލާނުކުރަމުން ޔޫއެންޑަބްލިޔުޓީއޯއިން ބުނީ އެ ޖަމިއްޔާގެ "ރީސްޓާޓް ޓޫރިޒަމް" ކެމްޕެއިނުގެ ދަށުން ދޫކުރާ ސްކޮލާޝިޕްތައް ހާއްސަވަނީ ކުދި ޖަޒީރާ ގައުމުތަކާއި، އެންމެ ކުޑަކޮށް ތަރައްގީވެފައިވާ ގައުމުތަކަށް ކަމަށެވެ. އެ ޖަމިއްޔާގެ މެމްބަރު ގައުމުތަކަށް ގިނަ ސްކޮލާޝިޕް ފުރުސަތު ދޫކުރުމަށް ވަނީ ހަމަޖެހިފަ އެވެ.

މިއީ ކުދި ޖަޒީރާ ގައުމުތައް ހިމެނޭ ގޮތަށް ހުޅުވާލާފައިވާ ފުރުސަތެއް ކަމުން، ޓޫރިޒަމް ދާއިރާއިން މަތީ ތައުލީމު ހާސިލުކުރަން ބޭނުންވާ ދިވެހިންނަށް ވެސް މި ސްކޮލަޝިޕްތަކަށް އެދެވޭނެ އެވެ. އަދި މެމްބަރު ގައުމުތަކަށް ލިބޭ އިތުރު ފުރުސަތުތަކުގެ ތެރެއިން ލިބޭ ފުރުސަތުތައް ވެސް ދިވެހިންނަށް ލިބޭނެ އެވެ.

މި ސްކޮލާޝިޕްގެ ފުރުސަތު އިއުލާނުކުރި ނަމަވެސް، އަދި ސްކޮލާޝިޕްތައް އެދެން ހުޅުވާލާފައެއް ނުވެ އެވެ. އެކަމަކު ދާދި އަވަހަށް މި ސްކޮލާޝިޕްއަށް އެދެން ފުރިހަމަ ވާން ޖެހޭ ޝަރުތުތަކާއި ކިޔެވޭނެ ދާއިރާތައް އިއުލާނުކުރާނެ އެވެ.

ޔޫއެންޑަބްލިޔުޓީއޯގެ ރީސްޓާޓް ޓޫރިޒަމް ކެމްޕެއިނަކީ ކޮވިޑާ ގުޅިގެން މަޑުޖެހިފައި ނުވަތަ ހުއްޓިފައި އޮތް ޓޫރިޒަމް ސިނާއަތް އަލުން ފެށުމަށް ނުވަަތަ ދިރުވަން އަމާޒުކޮށްގެން ހިންގާ ހާއްސަ ކެމްޕެއިނެކެވެ. މި ކެމްޕެއިނުގެ މައިގަނޑު އަމާޒަކީ ހުރިހާ ގައުމުތައް ގުޅިގެން އެއްހަމަ އުސޫލުތަކެއްގެ ތެރެއިން ޓޫރިޒަމް ހުޅުވާލާ، ކުރިން ޓޫރިޒަމުން ލިބުނު މަންފާ ލިބޭނެ ހިސާބަަކަށް ޓޫރިޒަމް ސިނާއަތް އަލުން ގެންދިޔުމެވެ.

ޔޫއެންޑަބްލިޔުޓީއޯއިން އަންނަނީ ރާއްޖެއާާ ގުޅިގެން ވެސް ހާއްސަ މަސައްކަތްތަކެއް ކުރަމުންނެވެ. އެގޮތުން އެ ޖަމިއްޔާއިން ބާއްވާ ޓޫރިޒަމް އެގްޒެކެޓިވް ޓްރޭނިން ޕްރޮގްރާމު ކުރިޔަށްދާނީ ރާއްޖޭގަ އެވެ. އަދި ރާއްޖޭގެ ޓޫރިޒަމް ދުވަހާ ގުޅުވާ، އެ ޖަމިއްޔާގެ ސެކެޓްރީ ޖެނެރަލް ޒޫރަބް ޕޮލޮލިކާޝްވިލީ ރާއްޖެ އައުމަށް ވަނީ ހަމަޖެހިފަ އެވެ.

ރާއްޖެއިން ޓޫރިޒަމް ދުވަހުގެ ގޮތުގައި ފާހަގަކުރަނީ އޮކްޓޫބަރު 3 އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox