ފުލުހުން ގަސްތުގައި އިޖުރާއަތާ ހިލާފުނުވާނެކަން ސީޕީއަށް ޔަގީން

މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ސީޕީ ހަމީދު ނޫސްވެރިންނަށް މައުލޫމާތު ދެއްވަނީ. -ފޮޓޯ: ހުސެއިން ޝަޔާހް/ އަދަދު

މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ސީޕީ ހަމީދު ނޫސްވެރިންނަށް މައުލޫމާތު ދެއްވަނީ. -ފޮޓޯ: ހުސެއިން ޝަޔާހް/ އަދަދު

އެކި ކުށްތަކާ ގުޅިގެން ފުލުހުން ހިންގާ އޮޕަރޭޝަންތަކުގައި ކަނޑައަޅާފައިވާ އިޖުރާއަތްތަކާ ގަސްތުގައި ހިލާފުނުވާނެކަމުގެ ޔަގީންކަން ޕޮލިސް ކޮމިޝަނަރު މުހައްމަދު ހަމީދު މިއަދު ދެއްވައިފި އެވެ.

ހަމީދު އެގޮތަށް ވިދާޅުވެފައިމިވަނީ ހެކި ހޯދުމުގައި ކަނޑައެޅިފައިވާ އިޖުރާއަތާ ހިލާފުވާ 10 ފުލުހެއް ފާހަގަކުރެވިފައިވާ ކަމަށާއި، އެކަން ފުލުހުންގެ އިދާރާގެ ސަމާލުކަމަށް ގެނެވިފައިވާކަމަށް ޕްރޮސެކިޔުޓާ ޖެނެރަލް (ޕީޖީ) ހުސެއިން ޝަމީމް ދާދި ފަހުން ވިދާޅުވެފައިވަނިކޮށެވެ.

މަސްތުވާތަކެތީގެ ފަރުވާ ފޭލްވެފައިވާ ކަމަށް ނޭޝަނަލް ޑްރަގް އެޖެންސީ (އެންޑީއޭ) އާ މެދު ކަންބޮޑުވުންފާޅުކޮށް "ޗޭންޖް އެންޑީއޭ"ގެ ނަމުގައި އަމިއްލަ ޖަމިއްޔާއަކުން ހުށަހަޅާފައިވާ ޕެޓިޝަނާ ގުޅޭގޮތުން، މަޖިލީހުގެ ޕެޓިޝަން ކޮމިޓީގެ މެމްބަރުންގެ ސުވާލުތަކަށް ޖަވާބު ދެއްވަމުން ހަމީދު ވިދާޅުވީ ހާއްސަކޮށް މަސްތުވާތަކެތީގެ މައްސަލަތަކުގައި ފުލުހުން ގަސްތުގައި އިޖުރާއަތްތަކާ ހިލާފަށް އަމަލުކުރާ ކަމުގެ ތުހުމަތު ކުރެވޭ ކަމަށެވެ.

Advertisement

އަދި އެކަމުގެ ސަބަބުން މަސްތުވާތަކެތީގެ ވިޔަފާރި ކުރާ މީހުން ޝަރީއަތުގެ މަރުހަލާއިން ދޫވަމުންދާކަމުގެ ތުހުމަތު ފުލުހުންނަށް އަމާޒުވާ ކަމަށެވެ.

ނަމަވެސް، ސީޕީ ވިދާޅުވި ގޮތުގައި ފުލުހުން ގަސްތުގައި އެފަދަ އަމަލެއް ނުހިންގާނެ އެވެ.

ގިނަ ފަހަރު އިޖުރާއަތާ ހިލާފަށް އަމަލުކުރެވެނީ ލިބޭ މައުލޫމާތެއްގެ ދަށުން ހަގީގީ އިހުތިސޯސް އޮންނަ ކޯޓަކުން އަމުރު ހޯދުމުގައި ކަމަށް އޭނާ ވިދާޅުވި އެވެ. އަދި އެކަން އެގޮތަށް ކުރަންޖެހެނީ ވަގުތު ފާއިތުވުމުގެ ކުރިން މަސްތުވާތަކެތި އަތުލައިގަތުމުގެ ބޭނުމުގައިކަން ސީޕީ ފާހަގަކުރެއްވި އެވެ.

"އަޅުގަނޑުމެން އިސްކޮށްފައި ހުންނާނީ ރައްޔިތުންގެ މަސްލަހަތު. އަޅުގަނޑުމެންގެ އިޖުރާއަތެއް ގޯސްވެގެން ހަ މީހަކު ދޫވެގެން ދިޔުންތޯ ނޫނީ 170 ކިލޯގެ މަސްތުވާތަކެތި އެތެރެވެގެން އޭގެ ސަބަބުން މުޖުތަމައުގެ ތެރޭގައި ބަޔަކު ހަލާކުވެގެން ދިޔުންތޯ (ރަނގަޅީ)؟،" އިޖުރާއަތްތަކާ ހިލާފުވާއިރު ފުލުހުންގެ ގެންގުޅޭ ވިސްނުން ސާފުކޮށް ދެއްވަމުން ހަމީދު ވިދާޅުވި އެވެ.

ފާއިތުވި ހަ މަސް ދުވަހުގެ ތެރޭގައި އިޖުރާއަތާ ހިލާފުވެފައިވާ 10 ފުލުހެއްގެ މައްސަލަ ފާހަގަކުރެވިގެން، އެކަން ފުލުހުންނާ ހިއްސާކުރެވިފައިވާކަން ޕީޖީ ވަނީ ހާމަކުރައްވައިފަ އެވެ.

ނަމަވެސް، ފުލުހުންނާ ދެކޮޅަށް އާންމުންގެ ތެރޭގައި ތުހުމަތުތައް ކުރެވުނު ނަމަވެސް، ވަކި ބަޔަކަށް ފައިދާއެއް ހޯދައިދޭން ފުލުހުން އަމަލުނުކުރާނެ ކަމުގެ ޔަގީންކަން އެބައޮތް ކަމަށް ޕީޖީ ޝަމީމް ވެސް ބައިވެރިވެވަޑައިގެންނެވި ކޮމިޓީ ބައްދަލުވުމުގައި ހަމީދު މިއަދު ވިދާޅުވި އެވެ.

ސީޕީ ވިދާޅުވި ގޮތުގައި މަސްތުވާތަކެއްޗާ ދެކޮޅަށް ފާއިތުވި ދެ އަހަރެއްހާ ދުވަހުގެ ތެރޭގައި ފުލުހުންނަށް ބޮޑެތި ކުރިއެރުންތައް ވަނީ ހޯދިފަ އެވެ.

ނަމަވެސް، ޒަމާނުއްސުރެ ރާއްޖޭގައި އޮތް މަސްތުވާތަކެތީގެ މައްސަލައަށް ދާއިމީ ހައްލެއް ލިބިގެންދާނީ ކަމާގުޅުން ހުރި ހުރިހާ މުއައްސަސާތަކެއް އެކުގައި، އެއް އަމާޒަކަށް މަސައްކަތްކޮށްގެން ކަމަށް ހަމީދު އިތުރަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox