މެންޗެސްޓާ (11 ސެޕްޓެމްބަރު) - މެންޗެސްޓާ ޔުނައިޓަޑަށް އެނބުރި އައިސް، ކުޅުނު ފުރަތަމަ މެޗުގައި ކްރިސްޓިއާނޯ ރޮނާލްޑޯ ޖެހި ދެ ލަނޑާއެކު، އިނގިރޭސި ޕްރިމިއާ ލީގުގައި މިރޭ ނިއުކާސަލް ޔުނައިޓަޑް އަތުން 4-1 އިން ޔުނައިޓަޑް މޮޅުވެއްޖެ އެވެ.
ޔުނައިޓަޑްގެ ދަނޑުގައި ކުޅުނު މެޗުގެ ފުރަތަމަ ހާފު ނިމެނިކޮށް، ޔުނައިޓަޑަށް ލީގު ހޯދައިދިނީ ޔުވެންޓަސް ދޫކޮށް މި ސީޒަންގައި އެ ޓީމާ އަލުން ގުޅުނު ރޮނާލްޑޯ އެވެ. ޕެނަލްޓީ އޭރިޔާ ބެރޭން މޭސަން ގްރީންވުޑް ފޮނުވާލި ޝޮޓް ނިއުކާސަލްގެ ގޯލްކީޕަރު އަތުގައި ޖެހިފައި ނިކުތް ވަގުތު، ރޮނާލްޑޯ ވަނީ ހުށިހާރުކަމާއެކު ގޯލުގެ ތެރެއަށް ބޯޅަ ވައްދާލައިފަ އެވެ.
ޔުނައިޓަޑް ސިއްސުވާލުމަށް ފަހު، މެޗުގެ 56 ވަނަ މިނިޓުގައި ނިއުކާސަލް އިން މެޗުގެ ނަތީޖާ އެއްވަރުކުރީ ހަވިއޭ މަންކީލޯ ކާމިޔާބުކުރި ލަނޑާއެކު އެވެ.
އެކަމަކު މެޗުގެ 52 ވަނަ މިނިޓުގައި ނިއުކާސަލްގެ ޕެނަލްޓީ އޭރިޔާ ތެރެއިން ލިބުނު ފުރުސަތުގެ ބޭނުން ހިފައި، ރޮނާލްޑޯ ވަނީ ޔުނައިޓަޑަށް އަލުން ލީޑު ހޯދައިދީފަ އެވެ.
މެޗުގެ ބާކީ އޮތް ބައިގައި ޔުނައިޓަޑުން ތަފާތު ބޮޑުކުރީ ބްރޫނޯ ފެނާންޑޭސް އާއި ޖެސީ ލިންގާޑް ޖެހި ލަނޑުތަކުންނެވެ. -- އޭއެފްޕީ
