ލަންޑަން (11 ސެޕްޓެމްބަރު) - އިނގިރޭސި ޕްރިމިއާ ލީގުގައި މިއަދު ޓޮޓެންހަމް ހޮޓްސްޕާ އަތުން 3-0 އިން އަމިއްލަ ދަނޑުގައި މޮޅުވެ، ކްރިސްޓަލް ޕެލެސް އިން ލީގުގައި ފުރަތަމަ މޮޅު ހޯދައިފި އެވެ.
ޕެލެސްގެ ދަނޑުގައި ކުޅުނު މެޗުގެ 75 ވަނަ މިނިޓުގައި އެ ޓީމަށް ލިބުނު ޕެނަލްޓީއަކުން ލީޑު ނަގައިދިނީ ވިލްފްރެޑް ޒަހާ އެވެ. ޕެލެސް އަށް ޕެނަލްޓީ އެއް ލިބުނީ ޓޮޓެންހަމްގެ ޕެނަލްޓީ އޭރިޔާ ތެރެއިން އެ ޓީމުގެ ބެން ޑޭވީސްގެ އަތުގައި ބޯޅަ ޖެހުމުންނެވެ.
މެޗުގެ ފަހުކޮޅު، ބަދަލު ކުޅުންތެރިއެއްގެ ގޮތުގައި ކުޅެން އެރި އޮޑްސޯނޭ އެޑުއާޑް ވަނީ ދެ ލަނޑު ޖަހައިފަ އެވެ.
މިއީ ޓްރާންސްފާ ބާޒާރުގެ ފަހު ދުވަހު، ޕެލެސްއާ ގުޅުނު އެޑުއާޑް އެ ޓީމަށް ކުޅުނު ފުރަތަމަ މެޗެވެ.
މެޗުގެ ދެވަނަ ހާފުގައި ޓޮޓެންހަމްގެ ޑިފެންޑަރު ޖާޕެޓް ޓަންގާނާ އަށް ފަސް މިނިޓުގެ ތެރޭގައި ދެއްކި ދެ ރީނދޫ ކާޑާއެކު، އޭނާ ވަނީ ރަތް ކާޑު ދައްކައިފަ އެވެ. އެކަމަކު ޓޮޓެންހަމް 10 މީހުންނަށް މަދުވުމުގެ ކުރިން ވެސް، ރަނގަޅު ކުޅުމެއް ދައްކައި، ގިނަ ފުރުސަތުތަކެއް ތަނަވަސްކުރީ ޕެލެސްއިންނެވެ.
މި ނަތީޖާއާއެކު، މި ސީޒަންގެ ޕްރިމިއާ ލީގުގައި ޓޮޓެންހަމް އިން ދަމަހައްޓަމުންދިޔަ ސައްތައިން ސައްތަ ރެކޯޑް ވަނީ ނިމިފަ އެވެ. -- ބީބީސީ
