ކ. މާފުށީ ޖަލުގައި މިއަދު ހެނދުނު ފުލުހުން ހިންގި އޮޕަރޭޝަނެއްގައި ޖަލަަށް އެތެރެކުރަން އުޅުނު ގިނަ އަދަދެއްގެ މަނާތަކެތި އަތުލައިގެންފި އެވެ.
އެ އޮޕަރޭޝަން ހިންގާފައި ވަނީ ރޭގެ ވަގުތެއްގައި ލޯންޗެއްގައި އައިސް މާފުށީ ޖަލަށް ގިނައަދަދެއްގެ މަނާތަކެތި ވައްދަން އުޅޭ ކަމަށް ލިބުނު މައުލޫމަތަކާއި ގުޅިގެންނެވެ. މާފުށީ ޖަލުގައި އެ އޮޕަރޭޝަން ހިންގާފައިވަނީ ފުލުހުންނާއި ސިފައިން އަދި ކަރެކްޝަންސް ގުޅިގެންނެވެ.
އެ އޮޕަރޭޝަން ނިންމާލުމަށްފަހު ސީޕީ ވިދާޅުވީ އެމައްސަލާގައި އެކަކު ހައްޔަރުކޮށްފައިވާ ކަމަށެވެ.
ބަލާފާސްކުރި ގޮޅިތަކުން ހޯދި ތަކެތީގެ ތެރޭގައި 50 ސްމާޓް ފޯނާއި 42 ފީޗާ ފޯނާއި 109 ފޯނު ޗާޖަރާއި 77 ޔޫއެސްބީ ހިމެނެ އެވެ. އަދި 65 ހެޑްސެޓާއި 49 ދިރާގު ސިމާއި 12 އުރީދޫ ސިމްކާޑާއި 2 ޕެކެޓް ކަޓާ ބްލޭޑާއި 10 މިސްވާކް (އިރާކް ސްޓިކް) ހިމެނެ އެވެ.
ދޭތެރެ ދޭތެއިން ފުލުހުންނާއި ކަރެކްޝަނުން ހިންގާ މިފަދަ އޮޕަރޭޝަންތަކުގައި ޖަލުތަކަށް އެތެރެކުރަން މަސައްކަތް ކުރާ އެއްޗެހި އަންނަނީ އަތުލަމުންނެވެ. އަދި ޖަލު ގޮޅިތައްބަލާ ފާސްކޮށްވެސް ބައެއް ސާމާނު އަތުލަ އެވެ.
