މާޒިޔާ ބަލިކޮށް ބަޝުންދަރާ އަށް ރަނގަޅު ފެށުމެއް

ލަނޑު ޖެހުމަށް ފަހު ބަޝުންދަރާ ކުޅުންތެރިން އުފާފާޅުކުރަނީ.-- ފޮޓޯ: އޭއެފްސީ

ލަނޑު ޖެހުމަށް ފަހު ބަޝުންދަރާ ކުޅުންތެރިން އުފާފާޅުކުރަނީ.-- ފޮޓޯ: އޭއެފްސީ

އޭއެފްސީ ކަޕްގެ ގްރޫޕް ޑީގައި މިރޭ ރާއްޖޭގެ މާޒިޔާ އަތުން 2-0 އިން މޮޅުވެ، ބަންގްލަދޭޝްގެ ޗެމްޕިއަން ބަޝުންދަރަ ކިންގްސް އިން މުބާރާތުގެ ފެށުން ރަނގަޅުކޮށްފި އެވެ.

މިއީ ނިއު ރޭޑިއަންޓަށް ކުރިން އިރުޝާދުދިން ސްޕެއިންގެ ކޯޗު އޮސްކާ ބްރުޒޮންގެ ކޯޗުކަމުގައި ކުޅޭ ބަޝުންދަރާ އިން އޭއެފްސީ ކަޕްގައި ކުޅުނު ދެ ވަނަ މެޗެވެ. ފުރަތަމަ މެޗުގައި މިދިޔަ އަހަރުގެ އޭއެފްސީ ކަޕްގައި ބަންގްލަދޭޝްގައި ކުޅުނު މެޗުން ރާއްޖޭގެ ޓީސީ އަތުން ބަޝުންދަރާ މޮޅުވީ 5-1 އިންނެވެ. މިދިޔަ އަހަރުގެ އޭއެފްސީ ކަޕް ކެންސަލް ކޮށްލުމުން ޓީސީ މެޗަށް ފަހު ބަޝުންދަރާ އޭއެފްސީ ކަޕްގެ މެޗެއް ނުކުޅެ އެވެ.

މިރޭ ބަޝުންދަރާ މޮޅުވިއިރު، މިއީ އޭއެފްސީ ކަޕްގައި ބަންގްލަދޭޝްގެ ޓީމެއް އަތުން މާޒިޔާ ބަލިވި ފުރަތަމަ ފަހަރެވެ. މީގެ ކުރިން ބަންގްލަދޭޝްގެ ޑާކާ އަބަހާނީއާ ދެކޮޅަށް ކުޅުނު ހަތަރު މެޗުން ވެސް ބަލިވެފައިނުވެ އެވެ.

Advertisement

ގަލޮޅު ދަނޑުގައި މިރޭ ކުޅުނު މެޗަށް މާޒިޔާ އިން ނުކުތްއިރު އެ ޓީމުގެ ފަހަތުގައި އާންމުކޮށް ކުޅޭ ސަމޫހު އަލީ (ސަމުއްޓެ)ގެ ބަދަލުގައި އެ މަގާމުގައި ފެށީ އާންމުކޮށް މެދުތެރެއަށް ކުޅޭ މުހައްމަދު އިރުފާން (އިރޭ) އެވެ.

މެޗު ފަށައިގެން ފުރަތަމަ 10 މިނިޓް ތެރޭގައި ދެ ޓީމުގެ ފަރާތުން ވެސް ގިނަ ހަމަލާތަކެއް ފެނިގެންދިޔަ އެވެ. އެ ގޮތުން މާޒިޔާގެ އިބްރާހިމް އައިސަމް އޭރިއާ ރޮނގުކައިރިން ޖެހި ބޯޅަ ދިޔައީ ހުރަސްދަނޑިމަތިންނެވެ. އޭގެ ފަހުން އެ ޓީމުގެ ކޮނޭލިއަސް ސްޓެވާޓް (ކޯނޭ) ފޮނުވާލި ބޯޅައެއްގައި ބާރު ނެތްއިރު، އާނިސުރް ރަހްމާން ޒީކޯ ވަނީ ބޯޅައަތަށް ނަަގައިފަ އެވެ. އަދި ނާއިޒު ހަސަން (ދާދު) ބޮލުން ޖެހި ބޯޅަ ވެސް ކީޕަރު އާނިސުރް ވަނީ މަތަކޮށްފަ އެވެ.

ބަޝުންދަރާގެ ބްރެޒިލް ފޯވާޑް ރޮބީނިއޯ ފޮނުވާލި ބޯޅަ މާޒިޔާގެ ގޯލުގައި ހުރި އުޒްބެކިސްތާން ގޯލުކީޕަރު މިރްޒޮހިދު މަމަކްތޯނޯފް ވަނީ އަތަށް ނަގައިފަ އެވެ. އެ ބޯޅައިގައި މާ ބާރެއް ވެސް ނެތުމުން މިރްޒޮހިދަށް މާ ބޮޑު ނުރައްކަލެއް ވެސް ނެތެވެ.

ބަޝުންދަރަގެ ދެ ޑިފެންޑަރުން ކައިރިން މާޒިޔާގެ ކޯނޭ (މ) ބޯޅަ ހިފައިގެންދެވޭތޯ މަސައްކަތްކުރަނީ.-- ފޮޓޯ: އޭއެފްސީ

މާޒިޔާ އިން ބޯޅަ ހިފަަހައްޓައިގެން ކުޅެމުން ދަނިކޮށް އެ ޓީމަށް މައްސަލަ ދިމާވީ ފުރަތަމަ ވަން ގޯލުގެ ސަބަބުންނެވެ. މެޗުގެ 26 ވަނަ މިނިޓްގައި މާޒިޔާގެ ފަހަތަށް ދިޔަ ބޯޅައެއް ސާފުކޮށްލަން އިރޭ ފޮނުވާލި ބޯޅައެއް ކީޕަރު މިރްޒޮހިދު ކުރިއަށް އަރައި ހުރި ވަގުތު އޮއްސިގެން ބޯޅަ ވެއްޓުނީ ގޯލުގެ ތެެރެއަށެވެ.

އެ ގޯލާ އެކު ބަޝުންދަރާގެ ކުޅުން ރަނގަޅުވިއިރު، މާޒިޔާ އިން ދައްކަމުން އައި ރަނގަޅު ކުޅުން ނުދެމެހެއްޓި، ކޮންފިޑެންސަށް އަސަރުކުރި އެވެ. ބަޝުންދަރާ އިން އެ ހިސާބުން މެޗުގެ ކޮންޓްރޯލް ނަގައި މާޒިޔާ ފަހަތަށް ބާރުބޮޑުކުރަން ފެށި އެވެ.

ބަޝުންދަރާގެ ކުރިއަށް ކުޅޭ ރޮބީނިއޯގެ އިތުރުން އާޖެންޓީނާގެ ފޯވާޑް ރައުލް ބަސޭރާ އަދި ބްރެޒިލްގެ މިޑްފީލްޑަރު ފެނާންޑޭސް އަށް ލިބޭ ބޯޅަތަކުގައި މާޒިޔާ ފަހަތަށް ވަރަށް ބާރުބޮޑުވާން ފެށި އެވެ. ނަތީޖާ އަކަށްވީ މެޗުގެ 39 ވަނަ މިނިޓްގައި ބަޝުންދަރާ އިން މާޒިޔާ އޭރިއާ ކައިިރިން ހޯދި ބޯޅައެއް އޭރިއާތެރެއަށް ހިފައިގެން ވަދެ ވަނީ ދެ ވަނަ ގޯލެއް ޖަހައިފަ އެވެ. ރޮބީނިއޯ ފޮނުވާލި ބޯޅަ ވަނީ ގޯލުގެ ކައިރީ ކަނަށެވެ.

ދެ ވަނަ ހާފަށް ނުކުމެ މާޒިޔާ އިން ވަނީ ވަރަށް އަވަހަށް ބަދަލެއް ކޮށްފަ އެވެ. އައިސަމްގެ ބަދަލުގައި އިބްރާހިމް މަހުދީ (ފޭދޫ އިއްބެ) ކުޅެން އަރުވައިފަ އެވެ. މާޒިޔާ އިން ބަޝުންދަރަ ހާފްގެ ތެރޭގައި ބޯޅަ ހިފަހައްޓައިގެން ކުޅުނު ނަމަވެސް އެ ޓީމުގެ ޑިފެންސްލައިން ރޫޅާލެވޭ ގޮތެއްނުވި އެވެ. މާޒިޔާގެ ޕާސްތައް ހުއްޓުވުމުގައި ބަޝުންދަރާ އިން ދިޔައީ ކުރި ހޯދަމުންނެވެ.

މެޗުގެ 71 ވަނަ މިނިޓްގައި މާޒިޔާގެ ކޯނޭ ބަޝުންދަރަގެ އޭރިއާތެެރެއިން ޖެހި ބޯޅަ ކީޕަރު އާނިސުރް ވަނީ މަތަކޮށްފަ އެވެ. ކައުންޓަ އެޓޭކުގައި މެޗުގެ 75 ވަނަ މިނިޓްގައި ބަޝުންދަރަގެ ބަސޭރާ ޖެހި ބޯޅަ ބޭރުވީ މާޒިޔާ ޑިފެންޑަރަކު ގައިގައި ޖެހިފަ އެވެ.

އޭގެ ފަހުން އޭރިއާތެރެއިން ކޯނޭ އަށް ލިބުނު ބޯޅައެއް ރަނގަޅަށް ފޮނުވާނުލެވުނެވެ. އަދި ފަހު ވަގުތު ބަދަލުތަކެއް ގެެނެސްގެން މާޒިޔާ އިން ގޯލެއް ޖެހޭތޯ ކުރި މަސައްކަތް ވެސް ކާމިޔާބެއްނުވި އެވެ.

މިއީ މާޒިޔާ އިން މިދިޔަ އަހަރުގެ ޑިސެމްބަރު މަހުގައި އެފްއޭ ޗެރިޓީ ޝީލްޑް މެޗުގައި އީގަލްސް އަތުން ބަލިވި ފަހުން މެޗަކުން ނާކާމިޔާބީއާ ކުރިމަތިލާން ޖެހުނު ފުރަތަމަ ފަހަރެވެ. އަދި މާޒިޔާގެ ކޯޗުކަމާ ޖެނުއަރީ މަހު ހަވާލުވި ރިސްޓޯ ވިޑަކޮވިޗްގެ ކޯޗުކަމުގައި ވެސް ބަލިވި ފުރަތަމަ މެެޗެވެ. ވިޑަކޮވިޗްގެ ކޯޗުކަމުގައި ކުޅުނު 11 މެޗުގެ ތެރެއިން އަށް މެޗުން މޮޅުވިއިރު، ދެ މެޗުން އެއްވަރު އަދި އެއް މެޗުން މި ވަނީ ބަލިވެފަ އެވެ.

މި މުބާރާތުގައި މިއަދު ހަވީރު ކުޅުނު މެޗުން އޭޓީކޭ މޯހަން ބަގާން އިން ވަނީ ބެންގަލޫރުގެ މައްޗަށް 2-0 އިން ކުރިހޯދައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox