މާޒިޔާ އިން ސައުދީގެ އަލް ވަހްދާއާ އެއްވަރުކޮށްފި

މިރޭގެ މެޗަށް ފަހު މާޒިޔާގެ ހުރިހާ ކުޅުންތެރިން ފޮޓޯ އަކަށް ހުއްޓިގެން.

މިރޭގެ މެޗަށް ފަހު މާޒިޔާގެ ހުރިހާ ކުޅުންތެރިން ފޮޓޯ އަކަށް ހުއްޓިގެން.

އޭއެފްސީ ކަޕްގެ ދެކުނު އޭޝިއާގެ ގްރޫޕް މެޗުތަކަށް ތައްޔާރުވާން ސައުދީ އަރަބިއްޔާގައި ޓްރެއިނިން ކޭމްޕްގެ ތެރެއިން މާޒިޔާ ކުޅުނު ދެ ވަނަ މެޗުގައި ސައުދީގެ ޕްރޯ ލީގުގެ ކްލަބް އަލް ވަހްދާއާ ލަނޑެއް ނުޖެހި އެއްވަރުވެއްޖެ އެވެ.

މި މަހު ދެ ވަނަ ދުވަހު މާޒިޔާ އިން ވަނީ ޓްރެއިނިން ކޭމްޕްގައި ކުޅުނު ފުރަތަމަ މެޗުން އަލް އިއްތިހާދުގެ 19 އަހަރުން ދަށުގެ ޓީމު އަތުން ފަހަތުން އަރައި 2-1 އިން މޮޅުވެފަ އެވެ. މިރޭ އެއްވަރުކުރި އަލް ވަހްދާ އަކީ ސައުދީ ޕްރޮފެޝަނަލް ލީގުގައި ވާދަކުރި ޓީމެކެވެ.

ޖިއްދާގެ ކިންގް އަބްދުﷲ ސްޕޯޓްސް ސިޓީގައި މިރޭ ކުޅުނު މެޗަށް މާޒިޔާ އިން ނެރުނު ފުރަތަަމަ އެގާރައިގައި ހިމެނެނީ އުޒްބެކިސްތާންގެ ގޯލްކީޕަރު މިރްޒޮހިދު މަމަކްތޯނޯފް (މިރްޒޯ)، ސަމޫހު އަލީ (ސަމުއްޓޭ)، ސްޕެއިނުގެ ހެސޫސް ޕޯޒޯ، އަހުމަދު އަބްދުﷲ (ލިލީ)، މޫސާ ޔާމީން (ޔާމްބެ)، ހުސެއިން ނިހާން (ނިހާޓް)، ޖަޕާންގެ ޓަކާޝީ އޮޑަވާރާ (ޓަކާ)، އިބްރާހިމް އައިސަމް، ހަމްޒާ މުހައްމަދު (ހަމްޕު)، ނާއިޒް ހަސަން (ދާދު) އަދި ކޯނޭލިއަސް ސްޓެވާޓް (ކޯނޭ) އެވެ.

މި މެޗުގައި މާޒިޔާ އިން ވަނީ މުހައްމަދު އިރުފާން (އިރޭ) އާއި އަމްދާން އަލީ (އެންޑީ) ފިޔަވައި ދެން ތިބި ކުޅުންތެރިންނަށް ފުރުސަތު ދީފަ އެވެ. އަނިޔާ އިން އެއްކޮށް ރިކަވާނުވާތީ އެ ދެ ކުޅުންތެރިންނަށް ނުކުޅެވުނެވެ.

މާޒިޔާ އިން މި މެޗުގައި ދެއްކި ކުޅުމަށް އެ ޓީމުގެ ކޯޗު ރިސްޓޯ ވިޑަކޮވިޗް ވަނީ ތައުރީފުކޮށްފަ އެވެ.

މެޗާ ބެހޭގޮތުން "އަދަދު" އަށް ދިން އިންޓަވިއުއެއްގައި ވިޑަކޮވިޗް ބުނީ ފުރަތަމަ މެޗުގައި އަލް އިއްތިހާދުގެ ޒުވާން ޓީމާ ދެކޮޅަށް ދެެއްކި ކުޅުމަށް ވުރެ ރަނގަޅަށް މި މެޗުގައި މާޒިޔާ އިން ކުޅުނު ކަމަށާއި ކުޅުންތެރިން ފެނުނީ ވެސް ވަރަށް މޯޓިވޭޓްކޮށް ކަމަށެވެ.

"ފުރަތަމަ މެޗާ (އަލް އިއްތިހާދު މެޗު) އަޅާކިޔާއިރު މި މެޗު ކުޅުނު ހާލަތު ވެސް ވަރަށް ރަނގަޅު. ވަރަށް ވަރުގަދަ ޓީމަކާ ދެކޮޅަށް އަހަރެމެން މި ކުޅުނީ. ޓީމުގެ ފަރާތުން ކުރިއެރުން ފެނުނު. މިއީ ވަރުގަދަ ޓީމަކާ ދެކޮޅަށް ދެއްކި ވަރަށް ރަނގަޅު ކުޅުމެއް. މީގެ ސަބަބުން ކުޅުންތެރިންގެ ކޮންފިޑެންސް ރަނގަޅުވާނެ،" ކުރިން ރެއާލް ބެޓިސް އަށް ކުޅުނު ވިޑަކޮވިޗް ބުންޏެވެ.

މާޒިޔާގެ ކޯޗު ވިޑަކޮވިޗް (ކ.5) އެ ޓީމުގެ އޮފިޝަލުންނާ އެކު ފޮޓޯ އަކަށް ހުއްޓިގެން.-- ފޮޓޯ: މާޒިޔާ

މީގެ ހަ ދުވަސް ފަހުން މާޒިޔާ ޓްރެއިނިން ކޭމްޕްގައި ކުޅޭ ފަހު މެޗު އޮންނާނެ އެވެ. މި މަހު 12 ވަނަ ދުވަހު ކުޅޭ އެ މެޗުގައި މާޒިޔާ ނުކުންނާނީ ޖިއްދާ އެފްސީއާ ދެކޮޅަށެވެ.

އޭއެފްސީ ކަޕަށް ތައްޔާރުވާން އެފްއޭއެމުން ދިން ފުރުސަތެއްގައި މާޒިޔާ އިން ސައުދީގައި ކޭމްޕް ފުރިހަމަކުރަމުން އަންނައިރު، މިއީ މި މަހު މާލޭގައި ކުޅޭ އޭއެފްސީ ކަޕުގެ މެޗުތަކަށް ތައްޔާރުވެލަން މާޒިޔާ އަށް ލިިބުނު ރަނުގެ ފުރުސަތެކެވެ.

އޭއެފްސީ ކަޕްގެ ދެކުނު އޭޝިއާގެ ގްރޫޕްގެ މެޗުތަކުގެ ތެރެއިން މާޒިޔާ ކުޅޭ ފުރަތަމަ މެޗުގައި މި މަހުގެ 18 ވަނަ ދުވަހު ކުޅޭނީ ބަންގްލަދޭޝްގެ ޗެމްޕިއަން ބަޝުންދުރާ ކިންގްސްއާ އެވެ. ދެ ވަނަ މެޗުގައި މި މަހުގެ 21 ވަނަ ދުވަހު އޭޓީކޭ މޯހަން ބަގާންއާ ބައްދަލުކުރުމަށް ފަހު އޭގެ ތިން ދުވަސް ފަހުން އަންނަ މަހުގެ 24 ވަނަ ދުވަހު ކުޅޭނީ ޕްލޭއޮފްގައި އީގަލްސް އާއި ބެންގަލޫރު ކުޅެގެން މޮޅުވާ ޓީމަކާ އެވެ.

މިދިޔަ ދެ ސީޒަނުގައި ރާއްޖޭގެ ޗެމްޕިއަންކަން ހޯދި މާޒިޔާގެ އަމާޒަކީ މި ފަަހަރުގެ އޭއެފްސީ ކަޕްގެ ގްރޫޕް ސްޓޭޖު ފަހަނައަޅައި ދިއުމެވެ. ގްރޫޕުން އަނެއް ބުރަށް ދެވޭނީ އެއް ވަނަ ޓީމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox