ޖާނުންފިދާވެގެން ވެސް ނަޝީދު އަވަހާރަކޮށްލަން ތިބީ ތައްޔާރަށް!

ނަޝީދު: އެމަނިކުފާނު އަވަހާރަކޮށްލަން އެކި ފަހަރު މަތިން ބޮން ގޮއްވާލަން އުޅުނު ކަމަށް ފުލުހުން ބުނޭ.

ނަޝީދު: އެމަނިކުފާނު އަވަހާރަކޮށްލަން އެކި ފަހަރު މަތިން ބޮން ގޮއްވާލަން އުޅުނު ކަމަށް ފުލުހުން ބުނޭ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ލޭ ހުއްދަވެއްޖެ ކަމަށް ކަނޑައަޅައި ބޮމެއް ގޮއްވާލިއިރު, ޖާނުންފިދާވުމުގެ ހަމަލާއަކުން ވެސް އެމަނިކުފާނު އަވަހާރަކޮށްލަން ތިބީ ތައްޔާރަށް ކަމަށް ފުލުހުން މިރޭ އާއްމުކުރި މައުލޫމާތުތަކުން ހާމަވެއްޖެ އެވެ.

ހަމަލާއާ ގުޅޭ ގޮތުން ބޭއްވި ނިއުސް ކޮންފަރެންސްގައި ޕޮލިސް ކޮމިޝަނަރު މުހައްމަދު ހަމީދު ވިދާޅުވި ގޮތުގައި ނަޝީދަށް އަމާޒުކޮށް ނީލޯފަރުމަގުގައި ބޮމެއް ގޮއްވާލީ އަވަހާރަކޮށްލަން ހަމަލާތައް ރާވައި ތިން ވަނަ ފަހަރަށް ކުރި މަސައްކަތުންނެވެ. އެމަނިކުފާނު އަވަހާރަކޮށްލުމުގެ ރޭވުންތައް 2019 ގައި ފަށައި އެކި ފަހަރުމަތިން ހަމަލާއަކަށް މަސައްކަތްކޮށްފައިވެ އެވެ.

Advertisement

މެއި ހަ ވަނަ ދުވަހުގެ ރޭ ނަޝީދު ކެނެރީގެއިން ނުކުމެވަޑައިގެން މަޖީދީ މަގުގައި އޮތް ކާރުކޮޅާ އަރާ ހަމަވިތަނާ ދިން ހަމަލާއާ ގުޅިގެން މިހާތަނަށް ވަނީ 10 މީހަކު ހައްޔަރުކޮށްފަ އެވެ. އޭގެތެރޭގައި, ހަމަލާ ރާވައި ހިންގި އިސް މީހުންނާއި އަމަލީ ގޮތުން ބައިވެރިވި މީހުން ހިމެނޭ ކަމަށް ޕޮލިސް ކޮމިޝަނަރު ވިދާޅުވި އެވެ.

މި މީހުންގެ ތެރެއިން ޖާނުންފިދާވެގެން ވެސް ނަޝީދު އަވަހާރަކޮށްލަން ތައްޔާރުވެ ހުރީ ބޮން ގޮއްވާލި އަހްމަދު އަދުހަމް ކަމަށް ފުލުހުން ބުންޏެވެ. އެކަމަށް ހިތްވަރުދީ, ސެލް އޮޕަރޭޓްކުރުމުގައި އެންމެ އިސްކޮށް އުޅުނު އެކަކީ ހއ. ހޯރަފުށީ, އަލަނާސިގޭ, މުހައްމަދު ތަސްލީމް ކަމަށް ފުލުހުން އާއްމުކުރި މައުލޫމާތުގައި ބުންޏެވެ.

ނަޝީދަކީ މަރާލަން ޖެހޭ މީހެއް ކަމަށް ބުނެ އެކަމަށް ވަކާލާތުކޮށް ސެލްއަށް މީހުން ވެއްދި ކަމުގެ ތުހުމަތު ވެސް ތަސްލީމަށް ކުރެ އެވެ.

ނިއުސް ކޮންފަރެންސްގައި އެސިސްޓެންޓް ޕޮލިސް ކޮމިޝަނަރު މުހައްމަދު ރިޔާޒް ވިދާޅުވީ ނަޝީދު އަވަހާރަކޮށްލަން ރޭވީ އެމަނިކުފާނުގެ ދީނުން ބޭރުވެފައިވާ ކަމަށާއި ލޭ ހުއްދަވެފައިވާ ކަމަށް އަމިއްލައަށް ނިންމައިގެން ކަމަށެވެ. އެ ހަމަލާ ދިނުމުގެ ބައިވެރިންގެ ގޮތުގައި ތިބީ ދީނުގެ ނަމުގައި ހައްދުފަހަނައަޅާފައިވާ ފިކުރާއި ވިސްނުން ކުރިއަށް ނެރޭ މީހުން ކަން ތަހުގީގުން އެނގިފައިވާ ކަމަށް ވެސް އޭނާ ވިދާޅުވި އެވެ.

"ހަމަލާގެ މޯޓިވްއަކީ ހަރުކަށި ފިކުރުގެ ވިސްނުމުގެ ސަބަބުތަކަށްޓަކައި ރައީސް ނަޝީދު އަވަހާރަކޮށްލުން," ރިޔާޒް ވިދާޅުވި އެވެ.

ރިޔާޒް ވިދާޅުވި ގޮތުގައި ހައްޔަރުކުރި ބައެއް މީހުން, ނަޝީދު ދައްކަވާ އެކި ވާހަކަފުޅުތަކާ ގުޅިގެން ދީނީ ހިޔާލުތަފާތުވުމުގައި އެމަނިކުފާނާ މެދު ރުޅިވެރިކަމާއި ނަފްރަތާއި އަދާވާތްތެރިކަން އުފެދިފައިވެ އެވެ. ނަޝީދަށް ދިން ހަމަލާއަކީ އެ މީހުންގެ އަމިއްލަ މަގްސަދެއް ހާސިލްކުރަން ހިންގި ކަމެއް ކަމަށް ފުލުހުން ތުހުމަތު ކުރެ އެވެ.

"އެކަމަކު ފުލުހުން އަދި އެއްވެސް ކަމެއް ރޫލް އައުޓްކޮށްފައެއް ނުވޭ," ރިޔާޒް ވިދާޅުވި އެވެ.

އެ ހަމަލާއަކީ, ފުލުހުން ބުނިގޮތުގައި, ބަދަލުގައި ފައިސާ ހުށަހަޅައިގެން ހިންގި ކަމެއް ކަމަށް ނުބެލެވެ އެވެ.

ފުލުހުން ބުނީ ނަޝީދަށް ހަމަލާދިން އެންމެންނަކީ ވެސް އައިސިސްގެ ހިލާފަތަށް ތަބާވާ މީހުން ކަމަށެވެ. އެކަމަކު އެ މީހުންނާ އެ ޖަމާއަތާ ސީދާ ގުޅުމެއް އޮތް ކަމުގެ ހެއްކެއް މިހާތަނަށް ނުލިބޭ ކަމަށް ރިޔާޒް ވިދާޅުވި އެވެ.

ބޮން ގޮއްވާލުމުގައި އަމަލީ ގޮތުން ބައިވެރިވި މީހުންގެ އިތުރުން ހަމަލާ ރޭވި މީހުންގެ ވަނަވަރު ވެސް ފުލުހުން އާއްމުކޮށްފައިވެ އެވެ.

އޭގެ ތެރޭގައި ގއ. ވިލިނގިލީ ހުދުރުވާގެ, ފަހުމީ އަލީ އާއި ހއ. މުޅަދޫ, ބަހާރުގޭ, އަބްދުالله އަލި މަނިކާއި ނ. މަނަދޫ, ނޫރާނީގެ އަލީ ހައިޝަމާއި ކ. ކުދެހިގެ, އިސްހާގާއި އއ. މާޅޮސް އަސަރީގެ މުހައްމަދު ނާޒިމް އާއި ހއ. ހޯރަފުށީ އަލާނާސިގެ މުހައްމަދު ތަސްލީމް ހިމެނެ އެވެ.

ރިޔާޒް ވިދާޅުވި ގޮތުގައި ނަޝީދު އަވަހާރަކޮށްލަން ސައިކަލް ގޮއްވާލަން ކުރިން ވެސް މަސައްކަތްކޮށްފައިވެ އެވެ. އޭގެ ތެރޭގައި ޔާގޫތުގެ ސަރަހައްދާއި މޭރީ ބްރައުން ސަރަހައްދު ހިމެނޭ ކަމަށް ވިދާޅުވި އެވެ.

ހުރިހާ ރޭވުންތައް ފެއިލްވުމުން ދެން ނިންމީ, ނަޝީދުގެ ގެކޮޅު ކައިރީގައި ގޮއްވާލަން ކަމަށް ރިޔާޒް ވިދާޅުވި އެވެ.

އޭނާ ވިދާޅުވި ގޮތުގައި ހަމަލާގައި ގޮއްވާލި ސައިކަލް 18,000ރ. އަށް ގަތީ 2019 ގަ އެވެ. ބޮން ގޮއްވާލުމަށް އެ ސައިކަލް ގަރާޖަކުން މަރާމާތު ވެސް ކޮށްފައިވެ އެވެ.

ރައީސް ނަޝީދު ދިރިއުޅުއްވަމުން ގެންދެވި ކެނެރީގެ ހުންނަ ނީލޯފަރު ހިނގުމުގައި ސައިކަލް ބަހައްޓައިގެން ގޮއްވާލި ބޮން ތައްޔާރު ކުރުމުގެ މަޝްވަރާތައް ފެށީ މާޗް މަހުގެ ތެރޭގަ އެވެ.

ރިޔާޒް ވިދާޅުވީ ސައިކަލްގައި ބޮން ހަރުކުރުމުގެ މަސައްކަތް ފެށީ މެއި 3 ގައި ކަމަށެވެ. ސައިކަލްގައި ބޮން ހަރުކުރީ ހުޅުމާލެ 106 ނަމްބަރު ފްލެޓް ކައިރީގަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox