އިމާރާތްކުރުމާއި ގޭޔަށް ބޭނުންވާ ސާމާނުގައި ހަރަކާތްތެރިވާ ވިޔަފާރިތަކާއި އާންމުން އެއްތަނަކަށް އެއްވެ މައުލޫމާތު ބަދަލުކުރުމުގެ ބޭނުމުގައި ހައިރައިޒް އިން އިންތިޒާމުކޮށްގެން ބާއްވާ ލިވިން އެކްސްޕޯ ހުޅުމާލޭ ސެންޓްރަލް ޕާކުގައި ފަށައިގެން ކުރިޔަށް އެބަދެ އެވެ.
އެހެން އަހަރުތަކެކޭ އެއްފަދައިން މި އަހަރުގެ އެކްސްޕޯގައި ވެސް ރާއްޖެ އާއި ބޭރުގެ ކުންފުނިތަކުން ބައިވެރިވި އެވެ.
މިގޮތުން ރިއަލް އެސްޓޭޓް އާއި ފިނިޝިން އާއި އިމާރާތްކުރުމާއި ފަރުނީޗަރުގެ އިތުރުން ގޭތެރޭގައި ހިފާ ގެންގުޅޭ ސާމާނު ވިއްކާ 35 އެގްޒިބިޓަރަކު މި އަހަރުގެ ޝޯގައި ބައިވެރިވެ އެވެ. އަދި އެލައިޑް އިންޝުއަރެންސާއި އުރީދޫ ހިމެނޭ ގޮތަށް ތަފާތު ހިދުމަތްތައްދޭ ވިޔަފާރިތައް ވެސް ބައިވެރިވެ އެވެ.
ލިވިން އެކްސްޕޯގައި ބައިވެރިވާ ބޭރު ކުންފުނިތައް
- މޯހަން މުތާ އެކްސްޕޯޓް - އިންޑިއާ
- ސެންޑަލް މޮރިޝަސް - އިންޑިއާ
- ލިންބަކް - މެލޭޝިއާ
- ރެނެކޮން - އިންޑިއާ
ހައިރައިޒުން ބުނި ގޮތުގައި ލިވިން އެކްސްޕޯއިން އާންމުންނާއި ވިޔަފާރިތަކަށް އެއް ފުރާޅެއްގެ ދަށުން ބައްދަލުވެ، ބޭނުންވާ މައުލޫމާތު ބަދަލުކުރުމުގެ ފުރުސަތު ލިބޭނެ އެވެ. އަދި އިމާރާތެއްގެ މަސައްކަތް ފަށަން ބޭނުންވާ މީހުންނަށާއި ގޭގެ ފިނިޝިން މަސައްކަތް ކުރަން ބޭނުންވާ މީހުންނަށް ވެސް އެއް ތަނަކުން ހުރިހާ މައުލޫމާތެއް ލިބޭނެ ފަހި އިންތިޒާމުތަކެއް ހަމަޖެހިފައިވާ ކަމަށް ބުންޏެވެ.
ކޮންމެ އަހަރެއްގެ އެކްސްޕޯގައި ވެސް ޒިޔާރަތްކުރާ މީހުންނަށް ހާއްސަ އޮފާތަކާއި އިނާމުތައް ލިބެ އެވެ. މި އަހަރު ވެސް އެގްޒިބިޓަރުންނާއި ޕާޓްނަރުންގެ ހާއްސަ އިނާމުތައް ލިބޭނެ ކަމަށް ހައިރައިޒުން ބުންޏެވެ.
ލިވިން އެކްސްޕޯގެ ރިއަލް އެސްޓޭޓް އެގްޒިބިޓަރުން
- އަކުއާ ވީޓާ ރެޒިޑެންސީސް (އެންޕީއެޗް އިންވެސްޓްމަންޓްސް)
- ސޮލްޓެއާ (ސެންޑަލް މޮރިޝަސް)
- ދަ ކްރީކް ވިޔު (ސަސޭ-ގްލެޓް ޖޮއިންޓް ވެންޗާ)
- ބްލޫހޭވަން (އާރްސީސީ)
މިއީ ލިވިން އެކްސްޕޯ ބާއްވާ ނުވަ ވަނަ އަހަރެވެ. ހައިރައިޒުން ބުނީ މި އަހަރުގެ އިވެންޓަށް ވެސް އާންމުންގެ ފަރާތުން ބޮޑު ތަރުހީބެއް ލިބެމުން އަންނަ ކަމަށާއި އިއްޔެ އެކަނި ވެސް ގިނަ އަދަދެއްގެ ބަޔަކު ޒިޔާރަތްކުރި ކަމަށެވެ.
މިއަދަކީ އެކްސްޕޯ ކުރިޔަށްދާ ފަހު ދުވަހަށް ވާއިރު، މިއަދު ވެސް ބޮޑު ތަރުހީބެއް ލިބޭނެ ކަމަށް ހައިރައިޒުން ބުންޏެވެ. މި އެކްސްޕޯ ކުރިޔަށްދާނީ ހަވީރު 4:00 އިން ރޭގަނޑު 10:00 އަށެވެ.
ލިވިން އެކްސްޕޯގެ ފާހަގަކޮށްލެވޭ އެގްޒިބިޓަރުން
ރެއިންބޯ އެންޓަޕްރައިސަސް
- ހައި އެންޑް ފާނިޗާ
- އެސްޓީއޯ ހޯމް އިމްޕްރޫވްމަންޓް
- އެޕިކް ޝެލްޓާ ބައި ލަކްސް
- ވިލާ ހަކަތަ
ލިވިން އެކްސްޕޯ 2021 ގެ ޕްލެޓިނަމް ޕާޓްނަރަކީ މޯހަން މުތާ އެވެ. ގޯލްޑް ޕާޓްނަރަކީ ސެންޑަލް މޮރިޝަސް އެވެ. ސަޕޯޓިންގް ޕާޓްނަރުންގެ ތެރޭގައި ހިމެނެނީ ހައުސިން މިނިސްޓްރީ އާއި އެޗްޑީސީގެ އިތުރުން މެޑްޓެކާއި އެޕިކް ޝެލްޓާ ބައި ލަކްސް އެވެ.
މިއީ 2013 ވަނަ އަހަރު ބާއްވަން ފެށި ލިވިން އެކްސްޕޯގެ ނުވަ ވަނަ އެޑިޝަނެވެ. މި އެކްސްޕޯއަކީ ގެދޮރާއި ދިރިއުޅުމުގެ ކަންކަމަށް ހާއްސަކޮށްގެން ރާއްޖޭގައި ބާއްވާ އެންމެ ބޮޑު އަދި އެންމެ ކާމިޔާބު އެކްސްޕޯ އެވެ.
