ބީއެޗްއެމްއިން އޭބްލް ފާމް ކިރު ރާއްޖޭގެ ބާޒާރަށް ތައާރަފުކޮށްފި

Oct 13, 2026, 6:59 AM
އޭބްލް ފާމް މަރުކާގެ ކިރު

އޭބްލް ފާމް މަރުކާގެ ކިރު

ދިވެހިންގެ ކެއިންބުއިމުގެ ވައްޓަފާޅިއަށް އާ ފުރިހަމަ އިހުތިޔާރެއް ލިބިގެންގޮސްފި އެވެ.

ރާއްޖޭގެ ބާޒާރުގައި ފުޅާދާއިރާއެއްގައި ކާބޯތަކެތީގެ ވިޔަފާރިކުރަމުން އަންނަ ބީއެޗްއެމް ޓްރޭޑާސްއިން ވަނީ ދުނިޔޭގެ ފެންވަރުގެ މަގުބޫލު "އޭބްލް ފާމް" ބްރޭންޑުގެ ކިރު ރާއްޖޭގެ ބާޒާރަށް ރަސްމީކޮށް ތައާރަފްކޮށްފަ އެވެ. މިއީ ދުނިޔޭގެ ފެންވަރުގެ ފެންވަރު ރަނގަޅު އުފެއްދުންތައް ދިވެހި ކަސްޓަމަރުންނާ ހަމައަށް ފޯރުކޮށްދިނުމަށް އެ ކުންފުނިން އަބަދުވެސް އިސްކަންދޭ އުސޫލުގެ ދަށުން ގެނައި އިތުރު ބޮޅެކެވެ.

އާއިލާގެ ކޮންމެ މެންބަރަކަށް، ކޮންމެ ބޭނުމަކަށް

އޭބްލް ފާމް ކިރު ބާޒާރަށް ނެރެފައިވަނީ ތަފާތު ބޭނުންތަކާއި ދިރިއުޅުމުގެ ވައްޓަފާޅިތަކަށް ފެތޭނެހެން ތަފާތު ވައްތަރުތަކަކާ އެކުގަ އެވެ. އޭގެ ތެރޭގައި؛

ފުލް ކްރީމް މިލްކް: މީރު ރަހައަކާއި ފުރިހަމަ ކްރީމް އެކުލެވިގެންވޭ

ލޯ ފެޓް މިލްކް: ސިއްހަތަށް ސަމާލުކަންދޭ ފަރާތްތަކަށް ހާއްސަ 

ކުޑަކުދިންނަށް ހާއްސަ ކިރު: ހެދިބޮޑުވަމުން އަންނަ ކުދިންގެ ބޭނުންތަކަށް ފެތޭގޮަށް ތައްޔާރުކޮށްފައިވާ އުފެއްދުމެއް

މި ހުރިހާ ބާވަތްތަކެއް މިހާރު ބީއެޗްއެމް ފިހާރަތަކާއި ރާއްޖޭގެ ރަށްރަށުގައި ހުރި ރީޓެއިލް ފިހާރަތަކުން ލިބެން ހުންނާނެ އެވެ.

ޒަމާނީ އެންމެ ފަހުގެ ވަސީލަތްތައް ބޭނުންކޮށްގެން، ސިއްހީ ރައްކާތެރިކަމުގެ އެންމެ މަތީ މިންގަނޑުތަކަށް ފެތޭގޮތަށް އުފައްދާފައިވާ އޭބްލް ފާމް ކިރަކީ ހަށިގަނޑަށް ފައިދާހުރި ކެލްސިއަމާއި ވިޓަމިން ފަދަ މުހިންމު މާއްދާތައް އެކުލެވިގެންވާ މަތީ ފަންތީގެ އުފެއްދުމެކެވެ. މިއީ ހެދިބޮޑުވަމުން އަންނަ ކުދިންނަށާއި ދުޅަހެޔޮ ސިއްހަތެއްގައި ތިބެން ބޭނުންވާ ފަރާތްތަކަށް ވަރަށް އެކަށީގެންވާ ކިރެކެވެ.

މީގެ ރަހަޔާއި ތާޒާކަމުގެ ސަބަބުން، ދިވެހި ކާބޯތަކެތީގެ މޭޒުން މި އުފެއްދުމަށް ބޮޑު މަގުބޫލުކަމެއް ލިބިގެންދާނެ ކަމަށް ބީއެޗްއެމްއިން ޔަގީންކުރެ އެވެ.

އަގު އަތްފޯރާ ފަށުގައި

ނާސްތާ އަދި އާއިލީ ކެއުންތަކުގައި ކިރަކީ މުހިއްމު އެއްޗެކެވެ. އެހެންކަމުން، މި އުފެއްދުން ތައާރަފުކުރުމުގެ އެންމެ ބޮޑު އެއް މަގުސަދަކީ ކޮންމެ ގެއަކަށްވެސް ކަމުދާނެ ހެޔޮ އަގެއްގައި މަތީ ފެންވަރުގެ ކިރު ފޯރުކޮށްދިނުން ކަމަށް ބީއެޗްއެމްއިން ބުނެއެވެ.

"އަޅުގަނޑުމެންގެ އަބަދުގެވެސް އަމާޒަކީ ދުނިޔޭގެ އެކި ކަންކޮޅުތަކުން އެންމެ ފެންވަރު ރަނގަޅު ތަކެތި ހޯދައި، އެންމެ އެކަށީގެންވާ އަގުތަކުގައި ދިވެހި ރައްޔިތުންނަށް ފޯރުކޮށްދިނުން. އޭބްލް ފާމްއާއެކު އަޅުގަނޑުމެންގެ ކަސްޓަމަރުންނަށް އާއިލާގެ ބޭނުންތަކަށް އިތުރު އިހުތިޔާރެއް މިވަނީ ލިބިގެންގޮސްފައި،" ބީއެޗްއެމްގެ މާކެޓިން މެނޭޖަރު ބުންޏެވެ.

ދިވެހިންގެ ފުރިހަމަ އިތުބާރު ލިބިފައިވާ ކުންފުންޏެއް

ކޯސްޓް ކިރު ފަދަ ދުނިޔޭގެ މަޝްހޫރު ބްރޭންޑުތައް ރާއްޖެއަށް ތައާރަފްކޮށް، ގިނަ އަހަރުތަކެއް ވަންދެން ކަސްޓަމަރުންގެ އިތުބާރު ހޯދާފައިވާ ބީއެޗްއެމް ޓްރޭޑާސްއިން ގެނައި މި ބަދަލާއެކު ކަސްޓަމަރުންނަށް އިތުރު ފަސޭހަތަކެއް ލިބިގެންދާނެ އެވެ.

މިހާރު ހޯލްސޭލްކޮށް އަދި ރީޓެއިލްކޮށް ލިބެން ހުރި މި އުފެއްދުން މާލެއިން ފެށިގެން ރާއްޖޭގެ ހުރިހާ އަތޮޅުތަކަކަށް ފޯރުކޮށްދިނުމަކީ ބީއެޗްއެމްގެ އަމާޒެވެ. އަދި ކުރިއަށް އޮތް ތަނުގައި އޭބްލް ފާމްގެ އިތުރު އުފެއްދުންތައްވެސް ބާޒާރަށް ނެރުމަށް ރާވާފައިވެ އެވެ.

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox