ވަޒަން ބޭރު ކުރަން އުޅުނު މީހާ ދޫކޮށްލައި ޑީޕޯޓް ކުރަނީ

އޭވިއޭޝަން ސެކިއުރިޓީ ކޮމާންޑުން އެއާޕޯޓުގައި މީހެއްގެ ދަބަހެއް ފާސް ކުރަނީ: ނެމީބިޔާ މީހާގެ މައްޗަށް ދައުވާ ނުއުފުލާ ސަބަބެއް ނުބުނެދޭ -- ފޮޓޯ: އޭއެސްސީ

އޭވިއޭޝަން ސެކިއުރިޓީ ކޮމާންޑުން އެއާޕޯޓުގައި މީހެއްގެ ދަބަހެއް ފާސް ކުރަނީ: ނެމީބިޔާ މީހާގެ މައްޗަށް ދައުވާ ނުއުފުލާ ސަބަބެއް ނުބުނެދޭ -- ފޮޓޯ: އޭއެސްސީ

ވެލާނާ އިންޓަނޭޝަނަލް އެއާޕޯޓުން ވަޒަންތަކެއް ހިފައިން ރާއްޖެއިން ފުރުމަށް މަސައްކަތް ކުރި ނެމީބިޔާގެ މީހާ ފުލުހުންގެ ބަންދުން ދޫކޮށްލައި ޑީޕޯޓް ކުރުމަށް ނިންމައިފި އެވެ.

އުމުރުން 60 އަހަރުގެ އެ މީހާގެ އަތުން ވަޒަން ފެނުނީ މި މަހުގެ 10 ވަނަ ދުވަހުގެ ހެނދުނެވެ. ވަޒަންތައް ފެނުނީ ފުރަން ދާ މީހުން ޗެކް ކުރުމުގެ ތެރޭގައި އޭވިއޭޝަން ސެކިއުރިޓީ ކޮމާންޑަށެވެ. އެ މީހާގެ އަތުން ފެނުނީ ކޮން ބާވަތެއްގެ، ކިހާ އަދަދެއްގެ ވަޒަންތަކެއްކަން މިހާތަނަށް ހާމަކޮށްފައެއް ނުވެ އެވެ.

އޭވިއޭޝަން ސެކިއުރިޓީ ކޮމާންޑުން އެމީހާ ހަވާލުކޮށްފައި ވަނީ ފުލުހުންނާ އެވެ. ފުލުހުންގެ ބެލުމުގެ ދަށުން އެ މީހާ ކޯޓަށް ހާޒިރުކޮށް ތިން ދުވަހުގެ މުއްދަތައް ބަންދު ކުރި އެވެ. އެ މުއްދަ މި މަހުގެ 14 ވަނަ ދުވަހު ހަމަވުމުން އޭނާ ފުލުހުން ބަންދުން ދޫކޮށްލައި ޑީޕޯޓް ކުރުމަށްޓަކައި އިމިގްރޭޝަން ޑިޕާޓްމަންޓާ ވަނީ ހަވާލުކޮށްފަ އެވެ.

ނެމީބިޔާ މީހާގެ އަތުން ފެނުނު ވަޒަންތަކަކީ އޭނާ އެތެރެ ކުރި އެއްޗެހިކަން ނުވަތަ ނޫންކަން ކަމާބެހޭ އިދާރާތަކުން ކޯޓުގައި ބުނެފައެއް ނުވެ އެވެ. އަދި ރާއްޖޭގައި އޭނާ އުޅުނު މުއްދަތުގައި ވަޒަނެއް އިތުރު މީހަކަށް ދިންކަން ނުވަތަ ނޫންކަން ވެސް ކަށަވަރުވެފައެއް ނުވެ އެވެ.

ވަޒަނަކީ ރާއްޖޭއަށް އެތެރެ ކުރުން މަނާ އެއްޗެއްގެ އިތުރުން ރާއްޖޭގައި ގެންގުޅުން ވެސް މަނާ އެއްޗަކަށްވާއިރު އަދި މީގެ ކުރިން ވަޒަން ފެނިގެން ދިވެހިން ހައްޔަރުކޮށް ދައުވާ ވެސް އުފުލާފައިވާއިރު ނެމީބިޔާގެ މީހާގެ މައްޗަށް ދައުވާނުކޮށް ދޫކޮށްލަނީ ކީއްވެގެންކަން ފުލުހުން ނުބުނެ އެވެ.

މީގެ ކުރިން އެއާޕޯޓުން ފުރަން ދިޔަ ދިވެއްސެއްގެ އަތުން ބްލޭންކް ވަޒަނެއް ފެނިގެން އޭނާ ހައްޔަރުކޮށް ބޮޑު ޖިނާއީ ދައުވާއެއް ވަނީ އުފުލައިފަ އެވެ. ރ. އަލިފުށީ ފެހިގޭ އަހުމަދު އަފްލާހު 2008 ވަނަ އަހަރު އެއާޕޯޓަށް ފުރަން ދިޔައިރު އޭނާ އަތުން ވަޒަނެއް ފެނިގެން ދައުލަތުން އޭނާގެ މައްޗަށް އުފުލީ ހަނގުރާމަވެރި ހަތިޔާރު އަތުގައި ބެހެއްޓި ކަމުގެ ދައުވާ އެވެ.

އަފްލާހު ބުނެފައި ވަނީ އެ ވަޒަނަކީ ސިފައިންގެ ތަމްރީނުތަކެއް ކުރިއަށް ގެންދިޔަ ކ. ކުޑަވިލިނގިއްޔަށް ދިޔަ ދަތުރެއްގައި އެ ރަށުން ހޮވި އެއްޗެއް ކަމަށެވެ.

އޭގެ އިތުރުން 2016 ވަނަ އަހަރު ފުލުހުން ހިންގި ޑްރަގް އޮޕަރޭޝަނެއްގެ ތެރެއިން ރ. ދުވާފަރުން، ސިފައިން ތަމްރީނުތަކުގައި ގެންގުޅޭ ބާވަތުގެ ވަޒަނެއް ފެނިގެން ހަތަރު މީހަކު ހައްޔަރު ކުރި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox