"ހަންގޭރީ އަށް ޕޮއިންޓެއް ވެސް ނުލިބޭނެ ކަމަށް ބުނި މީހުން ގިނަވާނެ"

Jun 24, 2021, 5:00 AM
ިމި ފަހަރުގެ ޔޫރޯގެ މެޗެއްގެ ތެރެއިން ހަންގޭރީ ކުޅުންތެރިން.

ިމި ފަހަރުގެ ޔޫރޯގެ މެޗެއްގެ ތެރެއިން ހަންގޭރީ ކުޅުންތެރިން.

މިއުނިކް (ޖޫން 24) - މި ފަހަރުގެ ޔޫރޯ ފުޓްބޯޅަ މުބާރާތުގައި ހަންގޭރީ "މަރު"ގެ ގްރޫޕްގައި އޮތުމުން އެ ޓީމަށް ޕޮއިންޓެއް ވެސް ނުލިބޭނެ ކަމަށް ބުނި މީހުން ގިނަވާނެ ކަމަށް ހަންގޭރީގެ ކޯޗު އިޓަލީގެ މާކޯ ރޮސީ ބުނެފި އެވެ.

އެންމެ ފަހުން ނެރުނު ފީފާ ރޭންކިންގައި ހަންގޭރީ އޮތީ 37 ވަނައިގަ އެވެ. ހަންގޭރީއާ އެއް ގްރޫޕެއްގައި އޮތީ ފީފާ ވޯލްޑް ކަޕްގެ އެންމެ ފަހު ދެ މުބާރާތުގެ ޗެމްޕިއަން ފްރާންސް އާއި ޖަރުމަނު އަދި ޔޫރޯގެ އެންމެ ފަހުގެ ޗެމްޕިއަން ޕޯޗުގަލް އެވެ. މި ތިން ޓީމު މި ވަގުތު ވެސް އޮތީ ދުނިޔޭގެ ރޭންކިންގެ އެންމެ ވަރުގަދަ 12 ޓީމުގެ ތެރޭގަ އެވެ. ފްރާންސް ދެ ވަަނައިގައި އޮތްއިރު، ޕޯޗުގަލް އޮތީ ފަސް ވަނައިގަ އެވެ. އަދި ޖަރުމަނު އޮތީ 12 ވަަނައިގަ އެވެ.

ކޮލިފައިންގައި ހަންގޭރީ ކުޅުނު ފުރަތަަމަ މެޗުގައި 83 ވަނަ މިނިޓްގެ ފަހުން ޕޯޗުގަލް އިން ޖެހި ތިން ގޯލާ އެކު އެ ޓީމު މޮޅުވީ 3-0 އިންނެވެ. އޭގެ ފަހުން ހަންގޭރީން ވަނީ 1-1 އިން ފްރާންސާއި އެއްވަރުކޮށް ރޭ 84 ވަނަ މިނިޓާ ހަަމަ އަށް ޖަރުމަނާ ދެކޮޅަށް ލީޑުކޮށްފަ އެެވެ. ޖަރުމަނާ ދެކޮޅަށް ކުޅުނު އެ މެޗު ނިމުނީ 2-2 އިން އެއްވަރުވެގެންނެވެ.

Advertisement

ހަންގޭރީން ގްރޫޕް ނިންމާލީ ތިން މެޗުން ދެ ޕޮއިންޓާ އެކު ގްރޫޕްގެ އެންމެ ފުލުގައި އޮވެގެންނެވެ. ރޭ ޖަރުމަނާ އެއްވަރުވި މެޗަށް ފަހު ހަންގޭރީގެ ކޯޗު ރޮސީ ބުނީ މުބާރާތުން ކެޓި ނަމަވެސް ހަންގޭރީން އެނބުރި ގައުމަށް ދަނީ އިސް އުފުލައިގެން ކަމަށެވެ.

"އަހަންނަށް ޗެލެންޖް ކޮށްފައި ބުނަން ކެރިދާނެ އަހަރެމެން މި ޓީމުތަކާ ދެކޮޅަށް ކުޅެގެން އެންމެ ޕޮއިންޓެއް ވެސް ލިބޭނެ ކަމަށް ބުނި މީހެއް ނުހުންނާނެ. ގިނަ ވާނީ ޕޮއިންޓެއް ވެސް ނުހޯދޭނެ ކަމަށް ބުނި މީހުން،" ރޮސީ ބުންޏެވެ. "އެކަމަކު އަހަރެމެން މި ވަނީ ފްރާންސާއި ޖަރުމަނާ އެއްވަރުކޮށްފައި މިއީ ހަންގޭރީގެ ފުޓްބޯޅަ ތާރީހުގައި ރަނގަޅަށް ލިޔެވޭނެ ކަމެއް،"

ހަންގޭރީގެ ކޯޗު ރޮސީ: އޭނާ ވަނީ ކުޅުންތެރިންނާ މެދު ފަހުރުވެރިވާ ކަމަށް ބުނެފައި.

ރޮސީ ބުނީ ހަންގޭރީގެ ކުުޅުންތެރިން މި ވަގުތަށް ބަލާއިރު ތިބީ ވަރަށް މާޔޫސްވެފައި ކަމަށާއި އެއީ ޖަރުމަނު އަތުން މޮޅުވެ، އަނެއް ބުރަށް ދިއުމާ އެހާ ގާތުގައި ވަނިކޮށް ގޯލެއް ވަދެގެން ހުރިހާ ކަމެއް ބަދަލުވެގެން ދިއުމުން ކަމަށެވެ.

"އަހަރެމެން އަނެއް ބުރަށް ދިޔަ ނަަމަ އޭ ވާނީ އާދަޔާހިލާފު ކާމިޔާބީ އަކަށް. އެކަމަކު ގަބޫލުކުރަން ޖެހޭ ކަމަކީ އެންމެ ފުރިހަމަ ވާހަކަތަކުގައި ވެސް ނިމުން އުފާވެރި ނުވެދާނެ ކަން. އެ ހަގީގަތާ ކުރިމަތިލާން ޖެހޭނީ،" ރޮސީ ބުންޏެވެ.

މި ގްރޫޕްގައި އޮތް ޕޯޗުގަލް އާއި ފްރާންސް އަދި ޖަރުމަނަކީ ޓީމުގެ ކުޅުންތެރިން ރޮޓޭޓް ކޮށްލައިގެން ވެސް އެއް ފެންވަރެއްގައި ކުޅުން ހިފަހައްޓައިލެވޭނެ ޓީމުތަކެއް ކަމަށާއި އެކަމަކު ހަންގޭރީ އަށް އޮތް ގޮތަކީ ތިބި ރަނގަޅު ކުޅުންތެރިން ރިކަވާ ކޮށްގެން މެނޭޖް ކުރުން ކަމަށް ރޮސީ ވަނީ ބުނެފަ އެވެ.

"ހަންގޭރީގެ ހުރިހާ ކުޅުންތެރިން ކުރި މަސައްކަތަށް އަހަރެން ތައުރީފު ކުރަން. އަހަރެން ފަހުރުވެރިވޭ މި ޓީމާ މެދު. އަހަރެމެން ތިބެން ޖެހޭނީ އިސް އުފުލައިގެން. މިއީ މާޔޫސްވާން ޖެހޭ ނަތީޖާތަކެއް ނޫން. ފުޓްބޯޅައިގެ ގިނަ ބަޔަކު ކުރިއަށް އޮތް އަހަރުތަކުގައި އަހަރެމެންގެ ވާހަކަ ދައްކާނެ،" ރޮސީ ބުންޏެވެ.

ހަންގޭރީ ޓީމާ 2018 ވަަނަ އަހަރު ހަވާލުވެ، ރަނގަޅު މަސައްކަތް ތަކެއް ކުރަމުން އަންނަ ރޮސީ ބުނީ އުއްމީދަކީ ވޯލްޑް ކަޕް ކޮލިފައިންގައި ރަނގަޅު ނަތީޖާތަކެއް ނެރެ އަންނަ އަހަރު ގަތަރުގައި ބާއްވާ ވޯލްޑް ކަޕްގެ ޖާގައެއް ހޯދުން ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox