އިސްލާހުން އެއާޓްރެފިކް ކޮންޓްރޯލް ކުރުމުގެ ބާރު ލިބޭ ކަމަށް މާނަ ކުރެވޭތީ އިބާރާތް ބަދަލު ކުރަނީ

އިކޮނޮމިކް މިނިސްޓަރު ފައްޔާޒް: އިސްލާހުގެ އިބާރާތް އިސްލާހުގެ ކުރުމުގެ މަސައްކަތް ކުރިއަށްދާ ކަމަށް މިނިސްޓްރީން ބުނޭ -- ފޮޓޯ: އަދަދު ފައިލް

އިކޮނޮމިކް މިނިސްޓަރު ފައްޔާޒް: އިސްލާހުގެ އިބާރާތް އިސްލާހުގެ ކުރުމުގެ މަސައްކަތް ކުރިއަށްދާ ކަމަށް މިނިސްޓްރީން ބުނޭ -- ފޮޓޯ: އަދަދު ފައިލް

ބިދޭސީ ކުންފުނިތަކަށް ދިވެހިރާއްޖޭގެ އެއާޕޯޓުތައް ހިންގުމުގެ ފުރުސަތު ކުރިން ފެށިގެން ވެސް ފަހިވެފައި އޮންނަ ކަމަށާއި އިއްޔެ އިސްލާހު ކުރި ގަވާއިދުގެ ދަށުން އެއާ ޓްރެފިކް ކޮންޓްރޯލް ކުރުމުގެ އެއްވެސް ބާރެއް ބިދޭސީންނަށް ނުލިބުނު ނަމަވެސް އެގޮތަށް މާނަ ކުރެވޭތީ އިބާރާތް އިސްލާހު ކުރުމަށް މަސައްކަތް ކުރަމުންދާ ކަމަށް އިކޮނޮމިކް މިނިސްޓްރީން މިރޭ ބުނެފި އެވެ.

ފޮރިން ޑައިރެކްޓް އިންވެސްޓްމަންޓް ޕޮލިސީ އަށް މިނިސްޓްރީން އިއްޔެ ގެނައި އިސްލާހުން 100 ޕަސެންޓު ބިދޭސީ ހިއްސާ އޮންނަ ކުންފުނިތަކަށް، ވައިގެ ދަތުރުފަތުރާ ގުޅިފައިވާ ބައެއް ހިދުމަތްތައް ފޯރުކޮށްދެވޭނެ މަގު ވަނީ ތަނަވަސްކޮށްފަ އެވެ.

ސާވިސާސް އިންސިޑެންޓަލް ޓު އެއާ ޓްރާންސްޕޯޓޭޝަންގެ ދަށުން އެއާޕޯޓުތައް އޮޕަރޭޓްކޮށް ހިންގުމުގެ އިތުރުން "އެއާޕޯޓް އެންޑް އެއާ ޓްރެފިކް ކޮންޓްރޯލް އެކްޓިވިޓީސް" ގެ މަސައްކަތް ވެސް 100 ޕަސެންޓު ބިދޭސީ ކުންފުނިތަކަށް ކުރެވޭނެ ކަމަށް ފޮރިން އިންވެސްޓްމަންޓް ޕޮލިސީއަށޤ އިއްޔެ ގެނައި އިސްލާހުގައި ބުނެފައިވެ އެވެ.

ފޮރިން އިންވެސްޓްމަންޓު ޕޮލިސީއަށް ގެނައި އިސްލާހާއެކު އެއާ ޓްރެފިކް ކޮންޓްރޯލް ކުރުމުގެ ބާރު ބިދޭސީންނަށް ލިބި ގައުމީ ސަލާމަތަށް ނުރައްކާވާނެ ކަމަށް ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީ އާއި އިދިކޮޅު ކޯލިޝަނުން ދިޔައީ ބުނަމުންނެވެ.

އެކަމަކު އިކޮނޮމިކް މިނިސްޓްރީން މިރޭ ނެރުނު ބަޔާނުގައި ބުނެފައި ވަނީ އިއްޔެ ގެނައި އިސްލާހުގެ ސަބަބުން އެއާ ޓްރެފިކް ކޮންޓްރޯލް ކުރުމުގެ ބާރު ބިދޭސީ ކުންފުނިތަކަށް ނުލިބޭނެ ކަމަށެވެ. ނަމަވެސް އިސްލާހު އިބާރާތް ކޮށްފައިވާ ގޮތުން އެގޮތަށް މާނަ ކުރެވޭ ކަމަށާއި އެހެންވެ އިބާރާތް އިސްލާހު ކުރުމުންދާ ކަމަށް އިކޮނޮމިކް މިނިސްޓްރީން ބުންޏެވެ.

"އެއަރ ޓްރާންސްޕޯޓް ސަރވިސަސް އާއި ގުޅުންހުރި ހިދުމަތްތަކުގެ ތެރޭގައި އެއަރ ޓްރެފިކް ކޮންޓްރޯލް އެކްޓިވިޓީޒެއް ނުހިމެނޭނެއެވެ. އެއަރ ޓްރާންސްޕޯޓް ސަރވިސަސްއާ ގުޅުންހުރި ހިދުމަތްތަކުގެ ތެރޭގައި ހިމެނޭ ދާއިރާތަކުގެ ތެރެއިން، އެއަރ ޓްރެފިކް ކޮންޓްރޯލް އެކްޓިވިޓީސް ހިމެނޭގޮތަށް މާނަ ކުރެވޭގޮތަށް އޮތްކަމަށް ފެންނާތީ، އެކަން ސާފުކޮށް އިސްލާޙުކުރުމުގެ މަސައްކަތް ކުރިއަށް އެބަ ގެންދަން،" މިނިސްޓްރީގެ ބަޔާނުގައިވެ އެވެ.

އިސްލާހާއެކު އެއާ ޓްރެފިކް ކޮންޓްރޯލް ކުރުމުގެ ބާރު ބިދޭސީންނަށް ނުލިބޭ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވެސް މިއަދު ވަނީ ވިދާޅުވެފަ އެވެ.

އޭގެ އިތުރުން އެ ބަޔާނުގައި ބުނެފައި ވަނީ އެއާޕޯޓް ހިންގުން 100 ޕަސެންޓު ބިދޭސީ ކުންފުނިތަކަށް ކުރިން ފެށިގެން ދީފައިވާ ކަމަށެވެ. އެގޮތުން 2014 ވަނަ އަހަރު ކޫއްޑޫ އެއާޕޯޓާއި 2017 ވަނަ އަހަރު މާފަރު އެއާޕޯޓް ހިންގުން ބިދޭސީ ކުންފުނިތަކަށް ސަރުކާރުން ހަވާލުކޮށްފައިވާ ކަމަށް އެ ބަޔާނުގައި ބުނެފައިވެ އެވެ.

ބިދޭސީން ރާއްޖޭގައި އިންވެސްޓު ކުރެވޭނެ ގޮތް ސާފުކޮށް ފެންނަން މީގެ ކުރިން ނޯންނަ ކަމަށް ވެސް އިކޮނޮމިކް މިނިސްޓްރީން ބުންޏެވެ. ނަމަވެސް ހާމަކަންބޮޑު ގޮތަކަށް ކަންތައް ގެންދިއުމަށް ފެބްރުއަރީ، 2020، ގައި މި ސަރުކާރުން ފޮރިން އިންވެސްޓްމަންޓު ޕޮލިސީއެއް ހާމަ ކުރި ކަމަށް މިނިސްޓްރީން ބުނެފައިވެ އެވެ.

އެ ޕޮލިސީ ފުރަތަމަ ޝާއިއު ކުރިއިރު އެއާ ޓްރާންސްޕޯޓް ސާވިސާސް ފީލްޑުގައި ހަރަކާތްތެރިވެވޭ ގޮތަށް ހެދީ އެންމެ ގިނަވެގެން 75 ޕަސެންޓު ބިދޭސީން ހިއްސާވާ ކުންފުނިތަކަށް ކަމަށް މިނިސްޓްރީން މިރޭ ނެރުނު ބަޔާނުގައި ބުނެފައިވެ އެވެ.

"އެފްޑީއައި ޕޮލިސީއަށް 13 ޖޫން 2021 ގައި ގެނެވިފައިވާ އިސްލާހަކީ، މިދާއިރާގައި އިންވެސްޓްކުރުމަށް ޝައުޤުވެރިކަން ފާޅުކޮށްފައިވާ ބައެއް ފަރާތްތަކަށް 75 ޕަސެންޓް ތްރެޝްހޯލްޑް އޮތުމުން އިންވެސްޓްކުރުމަށް ހުރަސްތަކެއް އޮތުމުން، އެކަމަށް މަގުފަހިކުރުމަށް ގެނެވުނު ބަދަލެއް،" އެ ބަޔާނުގައި ބުނެފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox