ވައިގެ މަގުން ބޭރު ކުރި ކަމަށް ސަރުކާރުން ބުނާ މުދަލުގެ އަދަދު ދިމާނުވޭ: ފިރާގު

Jul 8, 2026, 7:59 AM
މުހައްމަދު ފިރާގު -- ފޮޓޯ: ކޯޕަރޭޓް މޯލްޑިވްސް

މުހައްމަދު ފިރާގު -- ފޮޓޯ: ކޯޕަރޭޓް މޯލްޑިވްސް

އެމްޕީއެލްއިން އާންމުކޮށްފައިވާ މިދިޔަ ޖޫން މަހުގެ އެއާ ކާގޯ އެކްސްޕޯޓްގެ ތަފާސްހިސާބުތަކާއި އެއާލައިންތަކުގެ ރެކޯޑުތަކާ ދިމާނުވާ ކަމަށް، ރާއްޖޭގައި އެންމެ ގިނަ އެއާލައިންގެ އެޖެންޓުކަން އޮންނަ އޭސް ޓްރެވަލްގެ ސީއީއޯ މުހައްމަދު ފިރާގު ވިދާޅުވެއްޖެ އެވެ.

އެމްޕީއެލްއިން އާންމުކޮށްފައިވާ "ސީ ޓު އެއާ ކާގޯ" ތަފާސްހިސާބުތަކަށް ބަލާއިރު، ޖޫން މަހު ރާއްޖެއިން ބޭރުކޮށްފައި ވަނީ 335 މެޓްރިކް ޓަނުގެ މުދަލެވެ.  މި މުދާ އުފުލާފައިވަނީ ގަތަރު އެއާވޭސް، ޓާކިޝް އެއާލައިންސް، އެމިރޭޓްސް އަދި ސައުދިއާ ފަދަ އެއާލައިންތަކުން އިޓަލީ، އެމެރިކާ، ޖަރުމަނު އަދި ފްރާންސް ފަދަ މަންޒިލްތަކަށެވެ.

ނަމަވެސް، އެންމެ އެއާލައިނެއް މެދުވެރިކޮށް ބޭރުކުރި އަދަދުވެސް 398 ޓަނަށް އަރާ ކަމަށާއި އެހެންކަމުން، ރާއްޖޭގައި ހަރަކާތްތެރިވާ އެހެން ހުރިހާ ފްރެއިޓް ފޯވާޑަރުންނާއި، އެއާލައިންތަކާއި ޖީއެސްއޭތަކުން ހޭންޑްލްކުރި އެކްސްޕޯޓްގެ އަދަދުތައް އެއްކޮށްލުމުން، ޖޫން މަހު ސަރުކާރުން އާންމުކުރި އަދަދަށް ވުރެ މާ މަތިވާނެ ކަމަށް ފިރާގު ވިދާޅުވި އެވެ. 

ކާގޯ ހެންޑްލިން ދާއިރާގައި ހަރަކާތްތެރިވާ ބައެއް މީހުން ބުނި ގޮތުގައި އަސްލު ބޭރުކުރި މިންވަރަށް ވުރެ އާންމުކުރި މިންވަރު ދަށް ކަމަށް ރަސްމީކޮށް އިއުލާނު ކުރުމުން، އޭގައި ބޮޑެތި މައްސަލަތަކެއް އުޅޭކަން ފާހަގަވެ އެވެ. 

"ބޭރުކުރި އަސްލު އަދަދު މަދުވެގެން 600، 700 ޓަނަށް އަރާނެ ކަމަށް ބެލެވޭ. އެހެންވީމަ، ބެލެވެނީ މިއޮތީ ހެންޑްލިން ފީއަށް މަކަރު ހަދަންވެގެން އެކްސްޕޯޓްކުރި މިންވަރު އޮޅުވާލާފައި ކަމަށް،" އަދަދު ނޫހާ ވާހަކަ ދެއްކި އިތުބާރު ކުރެވޭ މަސްދަރަކުން ބުންޏެވެ. 

އެހެންކަމުން، އެއާޕޯޓުން ހަގީގަތުގައި ބޭރުވި މުދަލުގެ ސައްހަ އަދަދު ކަށަވަރުކުރުމަށްޓަކައި، އާންމުކޮށްފައިވާ ތަފާސްހިސާބުތައް މުރާޖައާކޮށް ވެރިފައި ކުރުމަށް ފިރާގު ވަނީ ގޮވާލައްވާފައެވެ.

އޭނާ ވިދާޅުވީ، ރާއްޖޭގެ އެކްސްޕޯޓް ދާއިރާ ކުރިއެރުވުމަށްޓަކައި ހިދުމަތްތައް ފެންވަރު ރަނގަޅުކޮށް، އަގުތައް އެހެން މަންޒިލްތަކާ ވާދަވެރި ފެންވަރެއްގައި ހިފެހެއްޓުން ކަށަވަރު ކުރަން ޖެހޭ ކަމަށެވެ.

މިވަގުތު ރާއްޖެއަށް މައިގަނޑު ގޮތެއްގައި ފައިދާ ލިބެމުންދަނީ މި ސަރަހައްދުގެ އެހެން ގައުމުތަކުގެ އޯވަފްލޯ ޓްރެފިކްގެ ސަބަބުން ކަމަށާއި، ވާދަވެރި އެހެން މަންޒިލްތަކުން ދަނީ އެ ގައުމުތަކުގެ ހެންޑްލިން ކެޕޭސިޓީ ފުޅާކޮށް، ހިދުމަތްތައް ހަރުދަނާ ކުރަމުން ކަމަށްވެސް ވިދާޅުވިއެވެ.

"އަޅުގަނޑުމެންގެ ވިސްނުން މިހުރީ ދިމާ އިދިކޮޅަށް. ޕްލޭނެއް ނެތި ނެގުނުހާ ޗާޖުތައް އިތުރުކުރަމުން ނަގަމުން ދިއުން. ނަތީޖާއެއްގެ ގޮތުން އަޅުގަނޑުމެންގެ ވާދަވެރިކަން ކުޑަވެގެން ގޮސް މާކެޓު ގެއްލިދާނެ،" ފިރާގު ކުރެއްވި ޕޯސްޓެއްގައި ލިޔުއްވާފައިވެ އެވެ.

މިއީ ހުރިހާ މަސްލަހަތުވެރިން ސީރިއަސްކޮށް މަޝްވަރާކުރަންޖެހޭ މައްސަލައެއް ކަމަށާއި ރާއްޖޭގެ މަގާމު ހަރުދަނާކޮށް، އެކްސްޕޯޓް ދާއިރާގެ ފުރިހަމަ ފުރުސަތު ހުޅުވާލުމަށްޓަކައި، ދިގުމުއްދަތުގެ ރަނގަޅު ސިޔާސަތުތަކެއް ކަނޑައަޅަންޖެހޭ ކަމަށް އޭނާ ވިދާޅުވި އެވެ. 

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox