އެސްއޯއީތަކުން 14،000 އަށްވުރެ ގިނަ މުވައްޒަފުން ކަނޑާނެ، އޭގެ އަސަރު 50،000 މީހުންނަށް ކުރާނެ: ފައްޔާޒު

އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް: އެސްއޯއީތަކުން މުވައްޒަފުން ކަނޑާލުމުން އޭގެ އަސަރު 50،000 އަށްވުރެ ގިނަ މީހުންނަށް ކުރާނެ ކަމަށް އޭނާ ވިދާޅުވި -- ފޮޓޯ: އާދަމް ޒަރީރު / އަދަދު

އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް: އެސްއޯއީތަކުން މުވައްޒަފުން ކަނޑާލުމުން އޭގެ އަސަރު 50،000 އަށްވުރެ ގިނަ މީހުންނަށް ކުރާނެ ކަމަށް އޭނާ ވިދާޅުވި -- ފޮޓޯ: އާދަމް ޒަރީރު / އަދަދު

ސަރުކާރު ހިއްސާވާ ކުންފުނި (އެސްއޯއީ) ތަކުން 14،733 މުވައްޒަފުން ކަނޑާލަން ނިންމާފައިވާ ކަމަށާއި، އޭގެ އަސަރު 50،000 އަށްވުރެ ގިނަ މީހުންނަށް ކުރާނެ ކަމަށް އިދިކޮޅު އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް މިއަދު ވިދާޅުވެއްޖެ އެވެ. 

އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި ފައްޔާޒު ވިދާޅުވީ އެސްއޯއީތަކުން ވަކިކުރާ 14،733 މީހުންގެ އާމްދަނީ 50،000 އަށްވުރެ ގިނަ މީހުންނާ ގުޅުން އޮތް ކަމަށާއި އޭގެ ސަބަބުން އެ އެންމެންނަށް އޭގެ އަސަރުކުރާނެ ކަމަށެވެ. 

"އެނގިވަޑައިގަންނަވާނެ ޕީސީބީގެ ފަރާތުން ރައިޓްސައިޒް ކުރަންށޭ ކިޔާފައި 33 ޕަސަންޓް އެސްއޯއީތަކުން މަދުކުރަން ކުއްލިއަކަށް އިއުލާން މިކުރީ.  33 ޕަސަންޓޭ ބުނީމާ އެއީ ގާތްގަނޑަކަށް 14،733 މީހުން. ނަންބަރަށް ބަލަންޠާމުން. އެނގޭތޯ،" ފައްޔާޒް ވިދާޅުވި އެވެ. 

"14،733 މީހުންވީމަ އެމީހުންތައް ކަނޑާ ނަގާ މަގުމައްޗަށް މި އެއްލާލަނީ. އެއްލާލާއިރުގައި ބައްލަވާ އެއީ ކިތައް މީހުންނަށް ބަރޯސާވާ އާމްދަނީ ހޯދާ ބައެއްތޯ. 14،000 މީހުންގެ އާމްދަނީ މަދުވެގެން 50،000 މީހުންގެ ދިރިއުޅުމާ ގުޅުންއެބަހުރި." 

އެސްއޯއީތަކުން 14،733 ވަކިކުރުމުން އެސްއޯއީތަކުގައި ތިބި މުވައްޒަފުން މަދުވާނީ އެމްޑީޕީ ސަރުކާރުގައި ތިބި މުވައްޒަފުންނާ އެއް އަދަދަށްކަން ފާހަގަކުރައްވާ ފައްޔާޒް ވިދާޅުވީ އޭގެ ސަބަބުން އެސްއޯއީތައް "ރައިޓް ސައިޒް" ވާނަމަ އެއީ ސަރުކާރުން ކަންކަން އޮޅުވާލާފައިވާވަރު ހާމަވާ ކަމެއް ކަމަށެވެ. 

އެސްއޯއީތަކުން މިހާ ގިނަ މުވައްޒަފުން އެއްފަހަރާ ކަނޑާލުމަކީ ކުޑަކަމެއް ނޫން ކަމަށް ފައްޔާޒް ވިދާޅުވި އެވެ. އޭނާ ވިދާޅުވީ އެސްއޯއީތައް "ރޯންގް ސައިޒް" ވީ ގޮތެއްވެސް ޕީސީބީން ހޯދަން ޖެހޭ ކަމަށާއި އިހުމާލުވި މީހުންނާ ދޭތެރޭގައި ފިޔަވަޅުވެސް އަޅަން ޖެހޭ ކަމަށެވެ. 

ފައްޔާޒް ވިދާޅުވީ ކޮވިޑުގެ ތެރޭގައި އެމްޑީޕީގެ ސަރުކާރުން ވަޒީފާ ގެއްލުނު 22،000 އަށް ގިނަ މުވައްޒަފުން ބަލަހައްޓައި، 419 މިލިއަން ރުފިޔާ އެކަމަށް ހިންގި ޕްރޮގްރާމަށް ހަރަދުކުރި ކަމަށެވެ. އޭގެ ސަބަބުން އެތައް އާއިލާތަކެއް އަދި އެތައް ވިޔަފާރިއެއް ސަލާމަތްވި ކަމަށް އޭނާ ވިދާޅުވި އެވެ. 

ޕީސީބީން ނެރެފައިވާ ސާކިއުލާއެއްގައި ބުނެފައި ވަނީ 33 ޕަސެންޓު މުވައްޒަފުން މަދުކުރަނީ ކުންފުނިތަކުގެ މުވައްޒަފުންގެ އަދަދު ކުންފުންޏާ އެކަށީގެންވާ މިންވަރަކަށް ކަނޑައެޅުމުގެ ސިޔާސަތުގެ ދަށުން ކަމަށެވެ. 

ޕީސީބީން މިދިޔަ އެޕްރީލް 18 ގައި ނެރެފައިވާ ސާކިއުލާއަކާ ހަވާލާދީ، މި ހިނގާ ޖުލައި 13، ވަނަ ދުވަހުން ފެށިގެން ކުރިއަށް އޮތް ތިން މަސްދުވަހުގެ ތެރޭގައި މި ލަނޑުދަނޑި ހާސިލުކުރުމަށް ސަރުކާރު ހިއްސާވާ ހުރިހާ ކުންފުނިތަކަށް މިހާރު ވަނީ އަންގާފަ އެވެ.

މި ނިންމުމާ އެއްގޮތަށް ކުންފުނިތަކުން އަމަލުކުރަމުންދާ ގޮތް ވަރަށް ގާތުން މޮނިޓަ ކުރުމަށް ޕީސީބީން ވަނީ ނިންމާފަ އެވެ. އެގޮތުން، ކުންފުނިތަކުގެ ސައިޒަށް އަންނަ ބަދަލުތައް ކޮންމެ ހަފްތާއެއްގެ އާދިއްތަ ދުވަހު ފޮނުވަމަށް ވެސް ޕީސީބީގެ ސާކިއުލަގައި ބުނެފައިވެ އެވެ. 

މި ފިޔަވަޅަކީ ސަރުކާރު ކުންފުނިތަކުގެ ހަރަދުތައް ކުޑަކޮށް، ހިންގުން ހަރުދަނާކުރުމުގެ ގޮތުން އަޅަމުންދާ ފިޔަވަޅެއް ކަމަށް ސަރުކާރުން ބުނެ އެވެ. 

ބައެއް ކުންފުނިތަކުން މުވައްޒަފުން މަދުކުރަން މިހާރު ވަނީ ފަށައިފަ އެވެ. އެކަމަކު އަމިއްލައަށް ވަކިވުމުގެ ފުރުސަތު ދިން ނަމަވަސް އެ ފުރުސަތު ހޯދުމަށް ހުށަހަޅާފައިވަނީ މަދު ބަޔެއްކަން އެނގިފައިވެ އެވެ.  

ވަޒީފާއިން ވަކިކުރާ މީހުންގެ ތެރޭގައި ގިނައީ އެމްޑީޕިއަށް ނިސްބަތްވާ މީހުންނާއި އަދި އެ ޕާޓީއަށް ތާއީދުކުރާ މީހުން ހިމެނޭ ކަމަށް އެ ޕާޓީން ވަނީ ބުނެފަ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox