ޖާގަ: 70،000
ހުޅުވުނު ތާރީހު: 2006
ސިޓީ: މިއުނިކް، ޖާމަނީ
އަލިއާންޒް އެެރީނާ އަކީ ޖަރުމަނުގައި 2006 ވަނަ އަހަރުގެ ފީފާ ވޯލްޑް ކަޕް ބާއްވަން ވެގެން އެޅި ސްޓޭޑިއަމެކެވެ. މި ދަނޑު 2006 ވަނަ އަހަރު ރަސްމީކޮށް ހުޅުވިއިރު، ދަނޑުގެ ނޭމިން ރައިޓްސް ވަނީ އަލިއާންޒަށް 30 އަހަރަށް ވިއްކާލައިފަ އެވެ. އެކަމަކު ފީފާ އާއި ޔުއެފާގެ މެޗުތައް ކުޅޭއިރު އެ ދަނޑަށް އެ ގޮތަށް މުހާތަބު ނުކުރެވެ އެވެ. އެެއީ ޔުއެފާގެ ސްޕޮންސަރުންގެ ގައިޑްލައިންގައިވާ ގޮތަށް ބަލާއިރު އެ ގޮތަށް ކިޔެން ނެތުމުންނެވެ. ބައިނަލްއަގުވާމީ މުބާރާތްތަކުގެ މެޗުތައް ކުޅޭއިރު އަލިއާންޒް އެރީނާ އަށް ކިޔަނީ މިއުނިކް ސްޓޭޑިއަމް އެވެ. މި ދަނޑަކީ ބަޔާން މިއުނިކްގެ ރަސްމީ ސްޓޭޑިއަމް އެވެ. ޖަރުމަނުގެ މުބާރާތްތަކުގެ މެޗުތަކަށް މި ދަނޑަށް 75000 މީހުންނަށް ވަދެވެ އެވެ. އެކަމަކު ބައިނަލްއަގުވާމީ މިންގަނޑަށް ބަލާއިރު އެ ދަނޑުގެ ޖާގަ އަކީ 70،000 އެވެ.
