ތާރީހީ ޕާލިމަންޓަރީ އިންކުއަރީ ހަދަން މުޅި މަޖިލިސް އިގުރާރުވެއްޖެ

މަޖިލީހުގެ މި އަހަރުގެ ދެވަނަ ދައުރުގެ ފުރަތަމަ ޖަލްސާ މިއަދު ބާއްވާފައިވަނީ ވަރުގަދަ ސަލާމަތީ ފިޔަވަޅުތަކާއެކު. -ފޮޓޯ: ހުސެއިން ވަހީދު/ އަދަދު

މަޖިލީހުގެ މި އަހަރުގެ ދެވަނަ ދައުރުގެ ފުރަތަމަ ޖަލްސާ މިއަދު ބާއްވާފައިވަނީ ވަރުގަދަ ސަލާމަތީ ފިޔަވަޅުތަކާއެކު. -ފޮޓޯ: ހުސެއިން ވަހީދު/ އަދަދު

ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު އަވަހާރަކޮށްލަން ޓެރަރިސްޓު ހަމަލާއާ ގުޅިގެން ރާއްޖޭގެ ތާރީހުގައި ފުރަތަމަ ފަހަރަށް މަޖިލީހުން ހިންގާ ތަހުގީގެއް ނޫނީ ޕާލިމަންޓްރީ އިންކުއަރީއަށް ބާރުދޭން މުޅި މަޖިލިސް މިރޭ އިގުރާރުވެއްޖެ އެވެ.

ރައީސް ނަޝީދަށް ދިން ހަމަލާއާގުޅޭ ހާއްސަ މައްސަލަ ދިރާސާ ކުރުމަށްފަހު މަޖިލީހުގެ ސަލާމަތީ ހިދުމަތްތަކާބެހޭ (241) ކޮމިޓީން ނިންމީ ހަމަލާދިން އިރު ރައީސް ނަޝީދަށް ދެމުންދިޔަ ސެކިޔުރިޓީ ބްރީޗުވި ގޮތުގެ އިންކުއަރީއެއް، ބޭރުގެ މާހިރުންގެ އެހީތެރިކަމާއެކު އެންމެ ފުޅާމިނެއްގައި ހެދުމަށެވެ.

އެ ރިޕޯޓު މިއަދުގެ ޖަލްސާގައި ފާސްވުމުން މިރޭ ބޭއްވި ޖަލްސާގައި މަޖިލީހުގެ ރައީސްގެ މޭޒުން ހުށަހެޅި އިގުރާރު ތަޅުމަށް ހުށަހަޅައި ދެއްވަމުން 241 ކޮމިޓީގެ މުގައްރިރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވިދާޅުވީ މި އިންކުއަރީގެ ބޭނުމަކީ ރައީސް ނަޝީދަށް ދިން ހަމަލާގައި ކަންކަން ހިނގާދިޔަ ގޮތް ދެނެގަނެ، ކުރިއަށް އޮތް ތަނުގައި އެފަދަ ހަމަލާއެއް ތަކުރާރުވިޔަ ނުދިނުމަށް އަޅަންޖެހޭ ފިޔަވަޅުތަކާއި ގެންނަންޖެހޭ ބަދަލުތައް ދެނެގަތުން ކަމަށެވެ.

Advertisement

އެއާ ގުޅިގެން ކުރިއަށް ދިޔަ ބަހުސްގައި ވާހަކަ ދެއްކެވި ހުރިހާ މެމްބަރުން ވެސް ވަނީ އެފަދަ އިންކުއަރީ އެއްގެ މުހިއްމުކަން ފާހަގަކުރައްވައި އެ އިގުރާރަށް ތާއީދުކުރައްވާކަން ހާމަކުރައްވައިފަ އެވެ.

މިގޮތުން، 241 ކޮމިޓީގައި ވެސް ހިމެނިވަޑައިގަންނަވާ ހުޅުމާލެ ދާއިރާގެ މެމްބަރު އަލީ ނިޔާޒް ވިދާޅުވީ އެ އިންކުޔަރީ ކޮމިޓީން ކުރިއަށް ގެންދާނެ ގޮތްތައް ކަނޑައަޅައި، އެ މަސައްކަތް ނިންމާނެ ތާރީހެއް ވެސް ކަނޑައަޅާނެ ކަމަށެވެ.

"ތާ އަބަދަށް ބަލަންޖެހޭ މައްސަލައެއްގެ ގޮތުގައި އޮވެގެން ނުވާނެ. މިކަހަލަ މައްސަލަތައް ބެލުމަށް ހޭދަވާ ވަގުތަކީ ރައްޔިތުންގެ މެދުގައި އޮންނަ ކަންބޮޑުވުމެއް. އެހެންވީމާ އަޅުގަނޑުމެން މި މަސައްކަތް ކުރިއަށް ގެންދާނެ ޓައިމްލައިނެއް އެކުލަވާލާނަން،" އަލީ ނިޔާޒް ވިދާޅުވި އެވެ.

އަދި ދުނިޔޭގެ އެހެން ގައުމުތަކުގައި ވެސް ޕާލިމަންޓަރީ އިންކުއަރީތައް ގެންދާ އުސޫލުތައް ބަލައި، ރައީސް ނަޝީދަށް ދިން ހަމަލާއާ ގުޅިގެން ކޮންމެ ފަރާތަކާ ވެސް ސުވާލުކޮށް ތެދުވެރިކަމާއި އެކު ނަތީޖާ ނެރެވޭނެ މަސައްކަތެއް ކޮމިޓީން ކުރާނެ ކަމުގެ ޔަގީންކަން އޭނާ ދެއްވި އެވެ.

އިދިކޮޅުން ތާއީދުކުރީ ސުވާލުތަކަކާ އެކު

އެ ބަހުސްގައި ވާހަކަ ދައްކަވަމުން، މަޑުއްވަރީ ދާއިރާގެ އިދިކޮޅު މެމްބަރު އާދަމް ޝަރީފް ވިދާޅުވީ ރައީސް ނަޝީދަށް ހަމަލާ ދެވުނީ ސެކިޔުރިޓީ ބްރީޗްވެގެން ކަމަށް ގަބޫލު ކުރައްވާ ކަމަށެވެ.

އެހެންކަމުން އަސްކަރިއްޔާގެ ތެރެއިން އެވަރުގެ ކަމެއް ހިނގައި ދިޔަ އިރު، އެކަން ބަލަންޖެހޭ ކަމަށް އެންމެ ބޮޑަށް ގަބޫލުކުރެވެނީ ޕްރެޒިޑެންޝަލް އިންކުއަރީއަކުން ނަމަވެސް، އެ މަގުން އެކަން ނުދިޔުމުން ޕާލިމަންޓަރީ އިންކުއަރީއެއް ކޮންމެހެން ހަދަންޖެހޭ ކަމަށް އާދަމް ޝަރީފް ވިދާޅުވި އެވެ.

ނަމަވެސް، އެފަދަ އިންކުއަރީއެއް ހެދުމުގެ ކުރިން މެމްބަރުން ސަމާލުވުމަށްޓަކައި ކުރީ ސަރުކާރުގައި ޑިފެންސް މިނިސްޓަރުކަން ކުރެއްވި އާދަމް ޝަރީފް ވަނީ ތަޅުމަށް ބައެއް ސުވާލުތައް ހުށަހަޅުއްވައިފަ އެވެ.

މިގޮތުން، އޭނާ ވިދާޅުވި ގޮތުގައި އެ އިންކުއަރީގެ ތެރެއިން ޑިފެންސް މިނިސްޓަރާއި ޗީފް އޮފް ޑިފެންސް ފޯސްގެ އިތުރުން ސިފައިންގެ އިސްވެރިންނަށް މަސްއޫލިއްޔަތާއި ޒިންމާ އަދާކުރެވުނުތޯ ސާފުކުރުމުން ދެން ނުކުންނާނެ ނަތީޖާތަކާ މެދު ވިސްނާލަންޖެހޭ ކަމަށެވެ.

"އެ އިންކުއަރީއަށް ފަހު ދިފާއީ ބާރުގެ އިސްވެރިން އެނބުރި ވަޑައިގެންނެވީމަ ގާނޫނީ ޒިންމާ އަދާކުރަން ހުރަސްތަކެއް ކުރިމަތިވެދާނެތޯ މިއީ ކުރަންޖެހޭ ސުވާލެއް. އެ ބޭފުޅުން އެނބުރި ވަޑައިގެންނެވީމާ ދަށުން ތިއްބެވި އޮފިސަރުންނާއި ރައްޔިތުން ކުރިން ކުރަމުން ދިޔަ އިތުބާރު ދެމި އޮންނާނެތޯ،" އާދަމް ޝަރީފް އެއްސެވި އެވެ.

އާދަމް ޝަރީފް ވިދާޅުވީ ދިފާއީ ބާރުގެ އިސްވެރިންނަށް އިތުބާރު ގެއްލޭ ހިސާބަށް ސުވާލުތަކެއް ކުރުމަށްފަހު، ކުރިއަށްއޮތް ތަނުގައި އެ ބޭފުޅުންގެ އަމުރު މައުރޫފު ހިނގުމާއި ގާނޫނީ ވާޖިބު އަދާކުރެވޭނެ ކަމާމެދު ސުވާލު އުފެދޭ ކަމަށެވެ.

އެހެން ނަމަވެސް، އެ އިގުރާރަށް ތާއީދުކުރައްވާ ކަމަށް ވިދާޅުވި އެވެ. އާދަމް ޝަރީފް ނުސީދާ ގޮތުން އިޝާރާތް ކުރެއްވީ އިންކުއަރީއަށް ފަހު ޑިފެންސް މިނިސްޓަރު މާރިޔާ އަހުމަދު ދީދީ އާއި ދިފާއީގެ ބާރު އިސްވެރިން އިސްތިއުފާ ދެއްވަން ނޫނީ މަގާމުން ދުރުކުރަންޖެހޭ ހާލަތަކަށެވެ.

މިރޭގެ ޖަލްސާގައި އެ އިންކުއަރީ ހެދުމަށް ހުށަހެޅުނު އިގުރާރު ފާސްވީ އެކަމަށް ނެގުނު ވޯޓުގައި ބައިވެރިވެވަޑައިގެންނެވި 49 މެމްބަރުންގެ އިއްތިފާގުންނެވެ.

އިންކުއަރީއެއް ހަދަން މަޖިލީހުން އިސްނަގާފައި މިވަނީ ރައީސް ނަޝީދަށް ދިން ހަމަލާއާ ގުޅޭ ސާފު މައުލޫމާތުތައް ސަލާމަތީ ބާރުތަކުން ހާމަނުކުރާކަމަށް ބުނެ ބައެއް މެމްބަރުން ތުހުމަތު ކޮށްފައިވަނިކޮށެވެ.

އަދި ރައީސް ނަޝީދަށް އެ ހަމަލާ ދެވުނީ އިންޓެލިޖެންސް ފެއިލްވެ، އެމަނިކުފާނަށް ދެމުންދިޔަ ސެކިޔުރިޓީގެ ދޯހަޅިކަމުންކަމުގެ ފާޑުކިޔުންތައް ވަނީ ސަލާމަތީ ބާރުތަކަށް އަމާޒުވެފަ އެވެ.

ވަކިން ހާއްސަކޮށް ރައީސް ނަޝީދަށް ހަމަލާއެއް ދޭން އުޅޭކަމުގެ މައުލޫމާތު ޑިފެންސް މިނިސްޓަރު މާރިޔާ އަހުމަދު ދީދީ އާ ހިއްސާ ކުރެއްވި ކަމަށް ހުޅުދޫ ދާއިރާގެ މެމްބަރު އިލްޔާސް ލަބީބު ހާމަކުރެއްވުމުން ފާޑުކިޔުންތައް ވަނީ ބޮޑުވެފަ އެވެ.

އިލްޔާސް ލަބީބް އެކަން ހާމަކުރައްވާފައިވަނީ، ރައީސް ނަޝީދަށް ހަމަލާއެއް ދޭން އުޅޭކަމުގެ އެއްވެސް އިންޓެލިޖެންސް މައުލޫމާތެއް ލިބިފައިނުވާކަމަށް ފުލުހުންގެ އިތުރުން އެމްއެންޑީއެފުން ވެސް ބުނެފައިވަނިކޮށެވެ.

ރާއްޖޭގެ ތާރިހުގައި ފުރަތަމަ ޕާލިމަންޓަރީ އިންކުއަރީއެއް ހިންގާއިރު، ރައީސް ނަޝީދު އަވަހާރަކޮށްލަން ދިން ޓެރަރިސްޓު ހަމަލާއާ ގުޅިގެން އިންޓެލިޖެންސް މައުލޫމާތާގުޅޭ އޮޑިޓު ހަދަން ރައީސް އިބްރާހިމް މުހައްމަދު ސޯލިހު އެކުވަލާލެއްވި ހާއްސަ ކޮމިޓީއން ދަނީ އެ މަސައްކަތް ކުރަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox