ރައްޔިތުންގެ މަޖިލިސް އެކުލަވާލެވޭ ގޮތް ބަދަލުވާންޖެހޭ: ނަޝީދު

May 5, 2021, 12:02 PM
ރައްޔިތުންގެ މަޖިލިސް އެކުލަވާލެވޭ ގޮތް ބަދަލުވާންޖެހޭ: ނަޝީދު

ރާއްޖޭގެ ރައްޔިތުންގެ މަޖިލިސް އެކުލެވިގެން ވާގޮތް ބަދަލުވާން ޖެހޭކަމަށް ދެކުން މަޖުބޫރުވެއްޖެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.

"އަދަދު" އަށް ލިޔުއްވި ކޮލަމެއްގައި ނަޝީދު ލިޔުއްވާފައިވަނީ ޒަމާނުއްސުރެ ރާއްޖޭގެ ރައްޔިތުންގެ މަޖިލިސް އެކުލަވާލުމުގައި ރަދުން އައްޔަނުކުރާ މެންބަރުން ތިބޭކަމަށާއި، ޖުމްހޫރިއްޔަތަކަށް ބަދަލުވުމުންވެސް ރައީސް އައްޔަނުކުރާ އަށް މެންބަރަކު މަޖިލީހުގައި ތިބޭ ކަމަށެވެ. އެ މެންބަރުން ހިމާޔަތްކޮށްދެއްވަމުން ގެންދެވީ ވެރިކަމުގެ މަސްލަހަތުކަމުގައި ނަޝީދު ލިޔުއްވާފައިވެ އެވެ.

ގާނޫނުއަސާސީއަށް ގެނެވުނު ބަދަލާއެކު ރައްޔިތުންގެ މަޖިލީހަށް މެންބަރުން އައްޔަނުކުރަން ފެށުނީ ދާއިރާތަކަށް ނިސްބަތްކުރެވޭ ގޮތަށް ކަމަށާއި، އޭގެ ސަބަބުން، ދާއިރާއާ ރަށުގެ ތަރައްގީގެ ވާހަކަ އެކަނި ދެއްކުމަށް މެންބަރުންނަށް މަޖުބޫރުވާކަމަށް ވެސް ނަޝީދު ލިޔުއްވާފައިވެ އެވެ.

ވަކި ސަރަހައްދެއްގެ ވޯޓު ލިބި، އެ ސަރަހައްދެއް ތަމްސީލު ކުރުމަށް މަޖިލީހަށް އިންތިހާބުވާ މެންބަރުންގެ އެންމެ އަސާސީ މަސައްކަތަކީ އެ މެންބަރެއްގެ ސަރަހަދުގެ ފަރާތުން ވަކާލާތު ކުރެއްވުމެވެ. ސަރަހައްދީ ވަކާލާތުގައި މެންބަރުން ބަނދެވުމުން، މުޅި ރާއްޖޭގެ ފަރާތުން ވަކާލާތު ކުރާނެ މެންބަރުން މަދުވެ އެވެ،" އެމަނިކުފާނު ލިޔުއްވި އެވެ.

ރައްޔިތުންގެ މަޖިލީހުގެ މެންބަރުން އިންތިހާބުވަނީ ވަކި ދާއިރާއަކުން ކަމަށްވާތީ އެ މެންބަރުން ނިސްބަތްވާ ދާއިރާއަށް ރަނގަޅު ގޮތް ހޯދުމަށް ބާރު އެޅުއްވުމަކީ މިހާރު މަޖިލިސް އިންތިހާބު ކުރަން އޮންނަ ގޮތުގެ ސަބަބުން ނުކުންނަ މައްސަލައެއްގެ ގޮތުގައި ނަޝީދު ފާހަގަކުރައްވަ އެވެ.

ވަކިވަކި ދާއިރާތަކަށް ވަކާލާތު ކުރައްވާ މެންބަރުން އެކަނި އެކުލެވޭ މަޖިލީހުގައި، ކޮންމެ މެންބަރަކުވެސް ބާރު އަޅުއްވާނީ އެމެންބަރެއްގެ ދާއިރާއަށް ރަގަޅު ގޮތް ހޯދުމަށެވެ. މައްޗަންގޯޅި މެދަށް އެއާޕޯޓެއް ބޭނުންވާކަމަށް އެ ދާއިރާގެ މެންބަރަށް ވަކާލާތު ކުރާން ޖެހުމަކީ އެކަށީގެންވާ ކަމެކެވެ.

މިއީ ބަދަލުވާންޖެހޭކަމެއް ކަމަށް ވިދާޅުވަމުން މިކަމުގެ ހައްލެއްގެ ގޮތުގައި ނަޝީދު ހުށަހަޅުއްވަނީ މުޅި ރާއްޖެ ތަމްސީލު ކުރުމަށް މަޖިލީހުގައި މެންބަރުން ތިއްބެވުމެވެ. އެ މެންބަރުން އިންތިހާބުކުރާނޭ ގޮތެއް ކަނޑައަޅަންޖެހޭ ކަމަށް ވެސް ނަޝީދުގެ ލިޔުއްވުމުގައި ވެ އެވެ.

"އެތައް ގައުމެއްގެ ޕާލިމަންޓްތައް އެކުލެވިގެންވަނީ ގައުމީ ލިސްޓެއްގެ މެންބަރުން ހިމެނޭ ގޮތަށެވެ. އެފަދަ މެންބަރުން އިންތިހާބު ކުރުމުގައި އެކި ގޮތްގޮތް ބޭނުން ކުރެ އެވެ. ގިނަ ގައުމު ތަކުގައި ގެންގުޅޭ އެއް ހަމައަކީ މެންބަރުން ހަމަވެގެން ރަޖިސްޓްރީ ވެފައިވާ ކޮންމެ ސިޔާސީ ޕާޓީއަކަށް ގޮނޑިއެއް ދީ އަދި ސިޔާސީ ޕާޓީ ތަކުން ކާމިޔާބު ކުރާ ކޮންމެ މިތައް ގޮނޑިއަކަށް އެޕާޓީއަކުން މެންބަރެއް ކަނޑައެޅުމުގެ ފުރުސަތު ދިނުމުގެ އުސޫލެވެ." ނަޝީދު ލިޔުއްވި އެވެ.

މުޅި ރާއްޖޭގެ ވަކާލާތަށް ފަހިކަން ލިބެން އަންނަނީ ރައްޔިތުންގެ މަޖިލީހުގައި ސިޔާސީ ޕާޓީތައް ތަމްސީލުވާން ފެށިގެން ކަމަށާއި، މިއަދުގެ ދިވެހިރާއްޖެ އަށް ބޭނުން ވެފައިވާ އެއްކަމަކީ ވެސް، މުޅި ރާއްޖޭގެ ފަރާތުން ވަކާލާތު ކުރާނެ މެންބަރުން ރައްޔިތުންގެ މަޖިލީހުގައި ތިބުންކަމަށް ނަޝީދު ލިޔުއްވާފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox