ރައީސް ނަޝީދުގެ ގަލަމުން: ރާއްޖޭގެ ފަރާތުން ކުރާ ވަކާލާތު

ރައީސް ނަޝީދުގެ ގަލަމުން: ރާއްޖޭގެ ފަރާތުން ކުރާ ވަކާލާތު

ރައްޔިތުންގެ މަޖިލީސް އެކުލެވިގެން ވަނީ ރާއްޖޭގައި މީހުން ދިރުއުޅޭ ސަރަހައްދު ތަކުން ކޮންމެ 5000 މީހަކު ތަމްސީލު ކުރާނެ މެންބަރަކު ހުންނަވާ ގޮތަށެވެ. ކޮންމެ މެންބަރަކު ވެސް ތަމްސީލު ކުރައްވަނީ ވަކި ސަރަހައްދެކެވެ. ނުވަތަ ވަކި ރަށްތަކެކެވެ. މި ހަމައިގައި މަޖިލިސް އެކުލެވިގެން ވާގޮތް ބަނދެލެވުނީ އަސާސީ ދެތިން ބަހުސެއްގެ ތެރެއިންނެވެ.

ދެ ހާސް އަށް ވަނަ އަހަރުގެ ކުރީގައި އަމަލު ކުރެވެމުން ދިޔަ ހުރިހާ ގާނޫނު އަސާސީއެއްގައި ވެސް މަޖިލީހުގައި ތިއްބަވާ މެންބަރުންގެ ތެރެއިން އަށް މެންބަރުންނަކީ، ރަސްކަމުގެ ދުވަހުގައި ރަދުން އައްޔަނު ކުރެއްވި އަށް މެންބަރުންނެވެ. ޖުމްހޫރިއްޔަތަކަށް ބަދަލުވިފަހުން ރައީސް އައްޔަނު ކުރެއްވި އަށް މެންބަރުންވެ. ތެދުފުޅެކެވެ. އަތޮޅުތަކާއި އަދި މާލޭގެ ހަތަރު އަވަށު ގޮނޑިތައް ތަމްސީލް ކުރައްވާން އިހުގައި ތިއްބެވި މެންބަރުންނަކީ ސީދާ ރައްޔިތުންގެ ސައްހަ ވޯޓަކުން އައްޔަނުކުރާ މެންބަރުންގެ ގޮތުގައި ހިމެނިގެން މެންބަރު ކަމުގައި ތިއްބެވި ބޭފުޅުންނެއްނޫނެވެ. އެހެންނަމަވެސް އެ އުސޫލަށް ބަދަލުވަމުން އައިބާވަތުގެ މެންބަރުންނެވެ. އަތޮޅު ނުވަތަ ރަށްތަކެއްގެ ރުހުން ލިބިގެން އެ އަތޮޅެއް ނުވަތަ ރަށްތަކެއް ތަމްސީލު ކުރުމުގެ ހަމަ އަށް އެނބުރެމުން އައި މެންބަރުންނެވެ.

އަމަލު ކުރާތާ 13 އަހަރު ވެފައި މިވާ މިއަދުގެ ގާނޫނު އަސާސީ އުފަން ވެގެން އައީ ރައީސް މައުމޫނު އަބްދުލް ގައްޔޫމްގެ ހުދުމުހުތާރު ވެރިކަން ނިންމުމުގެ ވަރުގަދަ އަޒުމުގަ އެވެ. އައު ގާނޫނު އަސާސީ ގައި ރައީސް އައްޔަނު ކުރައްވާ މެންބަރުންނަށް ޖާގަ ނުދިނުން ވެގެން ދިޔައީ މުޅި މަޖިލިސް ގުގުމާލި އިހްތިޖާޖަކަށެވެ.

Advertisement

ވަކި ސަރަހައްދެއްގެ ވޯޓް ލިބި، އެ ސަރަހައްދެއް ތަމްސީލު ކުރުމަށް މަޖިލީހަށް އިންތިހާބުވާ މެންބަރުންގެ އެންމެ އަސާސީ މަސައްކަތަކީ އެ މެންބަރެއްގެ ސަރަހަދުގެ ފަރާތުން ވަކާލާތު ކުރެއްވުމެވެ. ސަރަހައްދީ ވަކާލާތުގައި މެންބަރުން ބަނދެވުމުން، މުޅި ރާއްޖޭގެ ފަރާތުން ވަކާލާތު ކުރާނެ މެންބަރުން މަދުވެ އެވެ.

ރައްޔިތުންގެ މަޖިލީހަށް ހުށަހަޅޭ ގިނަ ބިލް، ގަރާރު އަދި މައްސަލަ ވެސް ހުށަހެޅެނީ މުޅިރާއްޖެ އަށް ނިސްބަތް ކޮށެވެ. ވަކި ރަށަކަށް ނިސްބަތް ކޮށް ހުށަހަޅާ ގިނަ ކަންކަމަކީ އެ ރަށެއްގެ މައްސަލަ އެއްގެ ގޮތުގައި ހުށަހެޅޭ ކަންކަމެއް ނޫނެވެ. އެރަށެއްގައި އެކަން ހިނގީތީ އެރަށަކަށް ނުވަތަ ސަރަހައްދަކަށް ނިސްބަތް ވަނީ އެވެ. މެންބަރުން އިންތިހާބު ވެފައިވަނީ ސަރަހަދުތަކުން ކަމުން، މެންބަރުން ވަކާލާތު ކުރައްވަނީ، ރަށަށް އަތޮޅަށް ފަހިވާގޮތަށެވެ.

ރަދުންގެ އަށް މެންބަރުންވެސް އަދި ރައީސްގެ އަށް މެންބަރުން ވެސް ވަކާލާތުކުރެއްވީ ރަދުންގެ ފަރާތްޕުޅުންނެވެ. ނުވަތަ ރައީސްގެ ފަރާތްޕުޅުންނެވެ. މަޖިލީހުގެ އެއްވެސް މެންބަރަކީ އިންތިހާބަކާ ނުލާ އައްޔަނު ވާ މެންބަރެއްގެ ގޮތުގައި އޮތުމަކީ، ޑިމޮކްރަޓިކް މަޖިލީހެއްގެ އަސާސީ އުސޫލާއި މުޅިން ހިލާފު ކަމެކެވެ. ދުރޫސުލްއަހުލާގާ ވެސް ނުބައްދަލުކަމެކެވެ. މުޅި ރާއްޖެ ތަމްސީލު ކުރުމަށް މަޖިލީހުގައި މެންބަރުން ތިއްބެވުން ބޭނުން ތެރިއެވެ. އަދި އެ މެންބަރުން އިންތިހާބު ކުރާނެ ގޮތެއް ކަނޑައަޅާން ޖެހެ އެވެ.

އެތައް ގައުމެއްގެ ޕާލިމަންޓްތައް އެކުލެވިގެންވަނީ ގައުމީ ލިސްޓެއްގެ މެންބަރުން ހިމެނޭ ގޮތަށެވެ. އެފަދަ މެންބަރުން އިންތިހާބު ކުރުމުގައި އެކި ގޮތްގޮތް ބޭނުން ކުރެ އެވެ. ގިނަ ގައުމު ތަކުގައި ގެންގުޅޭ އެއް ހަމައަކީ މެންބަރުން ހަމަވެގެން ރަޖިސްޓްރީ ވެފައިވާ ކޮންމެ ސިޔާސީ ޕާޓީއަކަށް ގޮނޑިއެއް ދީ އަދި ސިޔާސީ ޕާޓީ ތަކުން ކާމިޔާބު ކުރާ ކޮންމެ މިތައް ގޮނޑިއަކަށް އެޕާޓީއަކުން މެންބަރެއް ކަނޑައެޅުމުގެ ފުރުސަތު ދިނުމުގެ އުސޫލެވެ. މި ފަދަ މެންބަރުން ވަކާލާތު ކުރައްވާނީ އެބޭފުޅުން އިންތިހާބު ވެފައިވާ ދާއިރާ، ޔައުނީ: އެބޭފުޅުންގެ ސިޔާސީ ޕާޓީއެއްގެ އުސޫލުތަކާއި ފަލްސަފާތަކުގެ ދިފާއުގަ އެވެ.

ރައްޔިތުންގެ މަޖިލީހުގައި ސިޔާސީ ޕާޓީތައް ތަމްސީލުވާން ފެށުމުން މުޅި ރާއްޖޭގެ ވަކާލާތަށް ފަހިކަން ލިބެ އެވެ. މިއަދުގެ ދިވެހި ރާއްޖޭއަށް ބޭނުން ވެފައިވާ އެއްކަމަކީ، މުޅި ރާއްޖޭގެ ފަރާތުން ވަކާލާތު ކުރާނެ ވެސް ރައްޔިތުންގެ މަޖިލީހުގެ މެންބަރުން ތިބުމަށެވެ. ވަކިވަކި ދާއިރާތަކަށް ވަކާލާތު ކުރައްވާ މެންބަރުން އެކަނި އެކުލެވޭ މަޖިލީހުގައި، ކޮންމެ މެންބަރަކު ވެސް ބާރު އަޅުއްވާނީ އެމެންބަރެއްގެ ދާއިރާއަށް ރަގަޅުގޮތް ހޯދުމަށެވެ. މައްޗަންގޯޅި މެދަށް އެއާޕޯޓެއް ބޭނުންވާކަމަށް އެދާއިރާގެ މެންބަރަށް ވަކާލާތު ކުރާން ޖެހުމަކީ އެކަށީގެންވާ ކަމެކެވެ.

ދިވެހީންގެ އާންމު ހާލަތު ރަގަޅުކޮށް ދިވެހީންނަށް ލިބޭއެއްޗެއް އިތުރުކުރުމަށް، މި ދިވެހިރާއްޖޭގެ ފަރާތުން ކުރާ ވަކާލާތުގެ އަޑު ގަދަވާން ޖެހެ އެވެ. ރާއްޖޭގެ މަޖިލިސް އެކުލެވިގެން ވާގޮތް ބަދަލުވާން ޖެހޭކަމަށް މިއަދު ދެކުން މަޖުބޫރުވެއްޖެ އެވެ.

ކޮމެންޓް

ފަހުގެ ޚަބަރު

ޑިސެންބަރު 2 ގެ ކުރިން މި ފުރުސަތުގެ ބޭނުން ހިފާށެވެ.

ރަސްމާލެ މަޝްރޫއަށް މަގުފަހިކުރާ "ރިއަލް އެސްޓޭޓް ވިޔަފާރީގެ ބިލަށް" އާންމުންގެ ހިޔާލު ހޯދުމަށް ހުޅުވާލާފައިވާ ފުރުސަތުގެ ބޭނުން ހިފުމަށް މި ލިޔުމުގައި ގޮވާލާފައިވެއެވެ. ގައުމުގެ ބިމާއި ސިޔާދަތު ހިމާޔަތްކުރުމަށްޓަކައި، ޑިސެންބަރު 2 ގެ ކުރިން ހުރިހާ ފަންތިއެއްގެ ރައްޔިތުންނާއި ތަޖުރިބާކާރުން މަޖިލީހުގެ ކޮމިޓީއަށް ހިޔާލު ފޮނުވުމަކީ ގައުމީ ވާޖިބެއްގެ ގޮތުގައި ފާހަގަކޮށްފައިވެއެވެ.

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

Newsletter

Get the latest news delivered straight to your inbox