އެވަރެޖް އެރައިވަލްސް ދަށަށް, އެކަމަކު ބައި ލައްކަ ފަތުރުވެރިން އަންނާނެ

އެއާޕޯޓު ޓާމިނަލުން ފަތުރުވެރިންތަކެއް ނިކުންނަނީ: ކުރިން އުއްމީދު ކުރީ ރެކޯޑް ލޯ ސީޒަނަކަށް ވާނެ ކަމަށް -- ފޮޓޯ: ހުސެއިން ވަހީދު/އަދަދު

އެއާޕޯޓު ޓާމިނަލުން ފަތުރުވެރިންތަކެއް ނިކުންނަނީ: ކުރިން އުއްމީދު ކުރީ ރެކޯޑް ލޯ ސީޒަނަކަށް ވާނެ ކަމަށް -- ފޮޓޯ: ހުސެއިން ވަހީދު/އަދަދު

އުއްމީދު ކުރި ގޮތާ ހިލާފަށް ރާއްޖެއަށް ދުވާލެއްގެ މައްޗަށް އަންނަ ޓޫރިސްޓުންގެ އަދަދު މަދުވެ، އެވަރެޖްކޮށް ރާއްޖެއަށް އަންނަ ފަތުރުވެރިންގެ އަދަދު 2،296 އަށް ވެއްޓިއްޖެ އެވެ.

ޓޫރިޒަމް މިނިސްޓްރީން އެންމެ ފަހުން އާންމުކުރި ހިސާބުތައް ދައްކާ ގޮތުން، މި ހިނގާ މޭ މަހުގެ 21 ވަނަ ދުވަހާ ހަމައަށް ރާއްޖެއަށް 437,995 ފަތުރުވެރިން ޒިޔާރަތްކުރި އެވެ. މީގެ ތެރެއިން މި މަހު ޒިޔާރަތް ކުރި މީހުންގެ އަދަދަކީ 48،225 އެވެ.

ކޮވިޑުގެ ހާލަތު ގޯސްވުމާއި، މުހިއްމު މާކެޓްތައް ބަންދުކުރުން

ޓޫރިޒަމް މިނިސްޓްރީން ލަފާކުރި މި އަހަރުގެ ލޯ ސީޒަންގައި ރާއްޖެއަށް ރެކޯޑް އަދަަދަކަށް ފަތުރުވެރިން އަންނާނެ ކަމަށެވެ. ނަމަވެސް, އިންޑިއާގައި ކޮވިޑުގެ ހާލަތު ގޯސްވެ އެ ގައުމުން ޓޫރިސްޓުން އައުން މަނާކުރުމާއި، ރާއްޖޭގައި ކޮވިޑު ބަލިމަޑުކަން ހަލުވިކަމާ އެކު ފެތުރޭތީ، ޓޫރިޒަމަށް ބޮޑު ލޮޅުމެއް އައެވެ.

އިންޑިއާ ފަތުރުވެރިން އައުން މަނާކުރެވުނު އިރު އެ ގައުމަކީ ރާއްޖޭގެ ޓޮޕް ސޯސް މާކެޓެވެ. އެންމެ ފުރަތަމަ އެ ގައުމުގެ މީހުންނަށް މަނާވީ ރާއްޖޭގެ މީހުން ދިރިއުޅޭ ރަށްތަކެވެ. އެކަމަކު ކޮވިޑް އިންތިހާއަށް އިންޑިއާގައި ފެތުރޭތީ ރިސޯޓްތަކަށް އައުން ވެސް މަނާ ކުރި އެވެ.

ހަމަ މި ދަނޑިވަޅުގައި ރާއްޖޭގައި ވެސް ނުރައްކާތެރި މިންވަރަކަށް ކޮވިޑް ފެތުރި، ރާއްޖޭގެ ހާލަތު ގޯސްވެގެން ދިޔަ އެވެ. އޭގެ ސަބަބުން، ބައެއް ގައުމުތަކުގެ ޓްރެވަލް ވޮޗް ލިސްޓަށް ރާއްޖޭގެ ނަން އިތުރުވެ، ބައެއް ގައުމުތަކުން ރާއްޖެ އަންނަން ހުރި ފްލައިޓްތައް ކެންސަލް ކުރި އެވެ.

މަހުގެ ނިޔަލަށް 60،000 ފަތުރުވެރިން އަންނާނެ ކަމަށް ލަފާކުރެވޭ

މޭ މަހުގެ ތެރޭގައި ރާއްޖެއަށް އަންނަ ފަތުރުވެރިންގެ އަދަދުތައް ދަށްވި ނަމަވެސް، މަހުގެ ނިޔަލަށް 60،000 ފަތުރުވެރިން އަންނާނެ ކަމަށް ބެލެވެ އެވެ.

މިހާރުގެ އެވަރެޖުން ހިސާބު ހަދާ ނަމަ، އެ އަދަދު 70،000 އަށް ވުރެ އިތުރެވެ. ކޮވިޑް ބަލިމަޑުކަން ލައިގަތުމުގެ ކުރިން، 2019 ވަނަ އަހަރުގެ މޭ މަހު ރާއްޖެއަށް ޒިޔާރަތްކުރި 73،086 ޓޫރިސްޓުންނާ އަޅާ ބަލާއިރު މާ ބޮޑު ތަފާތެއް ނެތެވެ.

މި އަހަރުގެ ތެރޭގައި ރާއްޖެއަށް މިލިއަން ޓޫރިސްޓުން އަންނާނެ ކަމަށް ސަރުކާރުން އަންދާޒާކުރެ އެވެ. އަހަރުގެ މިހާތަނަށް ޓޫރިޒަމުން ލިބޭ އާމްދަނީ އާއި އަންނަ ޓޫރިސްޓުންގެ އަދަދުތައް ލަފާކުރި ވަރަށް ވުރެ އިތުރެވެ.

އެކަމަކު މި ހާލަތު ދެމިގެން ގޮސްފިނަމަ، އެ ލަނޑުދަނޑިއާ ހަމައަށް ވާސިލު ނުވެ ދައުލަތުގެ އާމްދަނީއަށް ލޮޅުމެއް އައުމުގެ ފުރުސަތު ބޮޑެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox