ވެލެންސިއާއާ ދެމެދު އޮތް ފަރަގަށް މާޒިޔާ މި ވަގުތު ނުބަލާނެ: ވިޑަކޮވިޗް

މާޒިޔާގެ ކޯޗު ރިސްޓޯ ވިޑަކޮވިޗް މެޗެއްގެ ތެރެއިން.-- ފޮޓޯ: ހުސެއިން ވަހީދު/ އަދަދު

މާޒިޔާގެ ކޯޗު ރިސްޓޯ ވިޑަކޮވިޗް މެޗެއްގެ ތެރެއިން.-- ފޮޓޯ: ހުސެއިން ވަހީދު/ އަދަދު

ދިރާގު ދިވެހި ޕްރިމިއާ ލީގުގެ ދެ ވަނައިގައި އޮތް ކްލަބް ވެލެންސިއާއާ ދެމެދު ޕޮއިންޓް ޓޭބަލްގައި އޮތް ފަރަގަށް ލީގުގެ އެއް ވަނައިގައި އޮތް މާޒިޔާ އިން ނުބަލާނެ ކަމަށް އެ ޓީމުގެ ކޯޗު ސާބިއާގެ ރިސްޓޯ ވިޑަކޮވިޗް ބުނެފި އެވެ.

ދެ ވަނަ ބުރުގައި ވެލެންސިއާ އާއި މާޒިޔާ އަށް ބާކީ އޮތީ ދެ މެޗެވެ. ލީގުގެ އެއް ބުރު ބާކީ އޮތްއިރު، މާޒިޔާ އެއް ވަނައިގައި އޮތީ 12 މެޗުން 28 ޕޮއިންޓާ އެކު އެވެ. ދެ ވަނައިގައި ވެލެންސިއާ އޮތީ 12 މެޗުން 24 ޕޮއިންޓް ހޯދައިގެންނެވެ.

"މި ވަގުތު މި ވިސްނަނީ ހަަމައެކަނި ގްރީން ސްޓްރީޓްސް މެޗަށް. އެއީ މި ވަގުތަށް އެންމެ މުހިއްމު މެޗަކީ. އަހަރެމެން ފޯކަސް ހުރީ އެކަމަށް. އަހަރެމެންނާއި ވެލެންސިއާއާ ދެމެދުގައި އޮތް ފަރަގު މި ވަގުތު އެހާ މުހިއްމެއް ނޫން. މި ވަގުތު މުހިއްމީ ގްރީން ސްޓްރީޓްސް ބަލިކޮށްގެން ތިން ޕޮއިންޓް ހޯދޭނެ ގޮތެއް ވިސްނުން،" މާދަމާރޭ ކްލަބް ގްރީން ސްޓްރީޓްސްއާ ދެކޮޅަށް ކުޅޭ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި މާޒިޔާގެ ކޯޗު ވިޑަކޮވިޗް ބުންޏެވެ.

Advertisement

ލީގުގެ ފުރަތަމަ ބުރުގައި މާޒިޔާ އިން މުހައްމަދު ނިޒާމް (ނިޒާމްބެ)ގެ ކޯޗުކަމުގައި ކުޅުނުއިރު ވަނީ 7-1 އިން ކްލަބް ގްރީން ސްޓްރީޓްސް ބަލިކޮށްފަ އެވެ. ވިޑަކޮވިޗް ބުނީ އެއީ މާޒީ ކަމަށާއި މިހާރު ގްރީން ސްޓްރީޓްސް ކުރިއަށް ވުރެ ވަރުގަދަ ކަމަށެވެ.

"ފުޓްބޯޅައިގައި މި ކަހަލަ ކަންކަމުގައި މާޒީ އަށް ބެލުމެއް ނެތް. ކުރިން ކޮށްފައި ހުރި ކަމަކީ ހަަމަ ވެފައި ހުރި ކަންތައް. މިއީ އާ މެޗެއް. މިއީ މުޅިން ތަފާތު ހާލަތެއް ކުރިން އެ މެޗު ކުޅުނުއިރާ އަޅާކިޔާއިރު. ގްރީން ސްޓްރީޓްސް އަކީ ލީގުގެ ތިން ވަނައިގައި އޮތް ޓީމު. އެހެންވީމަ އެ މީހުން ވަރަށް އިމްޕްރޫވްކޮށްފި އެންމެ ފަހުން ކުޅުނު މެޗުތަކުގައި،" ވިޑަކޮވިޗް ބުންޏެވެ.

ވިޑަކޮވިޗް ބުނީ ގްރީން ސްޓްރީޓްސް އަކީ ވެސް މާޒިޔާ ކަހަލަ ބޯޅަ ހިފަހައްޓައިގެން މި ކުޅޭ ގޮތަށް ކުޅެން ޝައުގުވެރިވާ ޓީމެއް ކަމަށެވެ. އެ ވިސްނުމުގައި މި މެޗަށް ބަލާނަމަ މި މެޗަކީ ރަނގަޅު ފައިޓަކަށްވާނެ ކަމަށާއި ގްރީން ސްޓްރީޓްސް އަކީ ސްކޮޑަށް ބަލާއިރު ވެސް ރަނގަޅު ޓީމެއް ކަމަށެވެ.

އެންމެ ފަހުން ޓީސީ ސްޕޯޓްސް ކްލަބް އަތުން މާޒިޔާ މޮޅުވި މެޗުގައި ލިބުނު އަނިޔާގެ ސަބަބުން މޫސާ ޔާމީން (ޔާމްބެ) މާދަމާރޭގެ މެޗުގައި ނުކުޅޭނެ އެވެ. ޓީސީ މެޗަށް މާޒިޔާ ޓީމަށް އެނބުރި އައި ސެއިން ވިންސެންޓް ފޯވާޑް ކޮނޭލިއަސް ސްޓެވާޓް (ކޯނޭ) ވަނީ އެ މެޗުގައި ގޯލު ޖަހައިފަ އެވެ. ވިޑަކޮވިޗް ބުނީ ކޯނޭ އަކީ އެ ޓީމުގެ މުހިއްމު ކުޅުންތެރިއެއް ކަަމަަށާއި އޭނާ އަބަދުވެސް ތަފާތު ދައްކާ ކަަމަށެވެ.

"އޭނަ ނެތި ވެސް އަހަރެމެން ވަރަށް ރަނގަޅަށް ކުޅެފިން. ކޮންމެ ޕްލޭޔަރެއް ވެސް މުހިއްމު. އޭނަގެ މުހިއްމުވާ ގޮތަށް އަސައްކޮ ވެސް މުހިއްމު. އަހަރެމެން (ކޯނޭ) އޭނަ ހުންނާތީ އުފާކުރަން. އެކަމަކު އަހަރެމެން މި ކުޅެން އުޅޭ ފުޓްބޯޅަ ހަމައެކަނި އެއް ކުޅުންތެރިއަކަށް ބައްޓަން ނުކުރެވޭނެ،" ވިޑަކޮވިޗް ބުންޏެވެ.

ވިޑަކޮވިޗް ބުނީ އޭނާ މާޒިޔާ ލައްވައި ކުޅުވަން އުޅޭ ފުޓްބޯޅަ އެހެން ޓީމުތަކަށް ފެނިފައިވާ ކަމަށާއި އެހެންވެ ޓީމުތަކުން މާޒިޔާއާ ދެކޮޅަށް ކުޅެން ހަމައެކަނި ގެންގުޅޭ އުކުޅަކީ ޑިފެންސްކޮށްފައި ކައުންޓައެޓޭކަށް ކުޅުން ކަމަށެވެ. އެކަމަށް މެޗަކަށް ފަހު މެޗެއް މާޒިޔާ އިން ސަމާލުވާނެ ކަމަށް ވިޑަކޮވިޗް ބުންޏެވެ.

"މި ދަނޑުގައި އަހަރެން ކުރިން ބުނިހެން ޑިފެންސް ކުރަން ފަސޭހަ. އެޓޭކްކުރަން އުނދަގޫ. ދެން އަނެއް ހެން އެ ވިސްނުމުގައި ބަލާއިރު މެޗަކަށް ފަހު މެޗެއް އުނދަގޫވަމުން މިދަނީ. އެކަމަކު އަހަރެމެންނަށް މިހާރު މިކަން އެނގޭ. ތައްޔާރުވާނަން،" ވިޑަކޮވިޗް ބުންޏެވެ.

"މިހާރު ދެން އަހަރެމެން ކުޅެން ބޭނުންވާ ސްޓައިލަށް ކުޅެވެން ނެތިގެން އަހަރެމެންނަށް އެކަން ބަދަލުކުރެވެން ވެސް ނެތް. އެއީ ޓީމުތަކުން ދެން އަހަރެމެންނާ ދެކޮޅަށް ކުޅޭނެ ކަމަށް ދެކެނީ ޑިފެންސްކޮށްގެން މުޅިން،"

މި ސީޒަނުގައި މާޒިޔާ އަށް ކުޅޭ ގައުމީ ޓީމުގެ ފޯވާޑް ނާއިޒު ހަސަން (ދާދު) އަށް ޓީމުގެ ފުރަތަމަ އެގާރައިން ފުރުސަތު ލިބެނީ މަދު މެޗަކުންނެވެ. ބަދަލު ކުޅުންތެރިއެއްގެ ގޮތުގައި މިހާރު ކުޅެމުން އަންނަ ދާދުއާ ބެހޭގޮތުން ވިޑަކޮވިޗް ބުނީ ދާދު އަކީ ހުނަރު ހުރި ތަފާތު މޮޅު ކުޅުންތެރިއެއް ކަމަށާއި އެކަަމަކު ފުޓްބޯޅައިގައި ޓީމެއްގައި ޕާފޯމްކުރާނަމަ އެ ނޫން ވެސް ކަންތައްތައް ރަނގަޅުކުރަން ޖެހޭނެ ކަަމަށެވެ.

"ބައެއް ފަހަރު އޭނަ ހަނދާން ނެތޭ އޭނަ ޑިފެންޑްކުރަން ޖެހޭކަން. އެހެން ބައެއް ކަންކަން ވެސް ކުރަން ޖެހޭކަން. އެއީ ފުޓްބޯޅައިގައި ހަަމައެކަނި މޮޅު ހުނަރާއި އެޓޭކް ކުރުމަކުން ފަރުޖައްސާލެވެން ނެތް. މެޗެއްގައި ހިމެނޭ ހުރިހާ ކަމެއްގައި ބައިވެރިވެވެން ޖެހޭނެ. އޭނަ އެބަ ދަސްކުރޭ ގިނަ ކަންކަން. އޭނަ ރަނގަޅުކުރާނެ. އެކަމަކު އެ މަގާމަށް މި ވަގުތު ހަމްޒާ އެ އަންނަނީ މާ ރަނގަޅަށް ކުޅެމުން،" ވިޑަކޮވިޗް ބުންޏެވެ.

މާޒިޔާ އިން އެންމެ ފަހުން އޮތް ޓްރާންސްފާ މާކެޓްގައި ވަނީ ކުރިން އެ ޓީމަށާއި ވިކްޓްރީ އަދި ޔުނައިޓެޑް ވިކްޓްރީ އަށް ކުޅުނު ސީރިއާގެ ގޯލްކީޕަރު މަހުމޫދު އަލް ޔޫސުފް ގެނެސްފަ އެވެ. އެކަމަކު މަހުމޫދުގެ ކަކުލުގެ މެނިސްކަސް އަށް އަނިޔާވުމާ ގުޅިގެން އަދިވެސް އޭނާ މެޗެއް ނުކުޅެ އެވެ. ވިޑަކޮވިޗް ވަނީ ޑޮކްޓަރުންގެ ލަފާ ހޯދަމުން އަންނަ ކަމަށާއި މަހުމޫދު ފޮނުވާލުމާ މެދު ގޮތެއް ނިންމަން މަޝްވަރާކުރަމުން އަންނަ ކަމަށެވެ.

މާޒިޔާ އާއި ގްރީން ސްޓްރީޓްސް ކުޅޭ މެޗު ފަށާނީ މާދަމާރޭ 22:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox