ވެލެންސިއާ ބަލިކޮށް މާޒިޔާ ކުރިއަށް

Dec 25, 2025, 6:31 PM
މާޒިޔާ އަށް މިރޭގެ މެޗުގައި ދެ ގޯލު ޖަހައިދިން ހަމްޕު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މާޒިޔާ އަށް މިރޭގެ މެޗުގައި ދެ ގޯލު ޖަހައިދިން ހަމްޕު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދިރާގު ދިވެހި ޕްރިމިއާ ލީގުގައި މިރޭ ކުޅުނު މެޗުން ކްލަބް ވެލެންސިއާ އަތުން 3-0 އިން ކުރިހޯދައި، މާޒިޔާ ސްޕޯޓްސް އެންޑް ރެކްރިއޭޝަނުން އެއް ވަނައިގައި ކުރިއަށް ދިއުމަށް މުހިންމު މޮޅެއް ހޯދައިފި އެވެ.

ލީގުގައި ފުރަތަމަ ކުޅުނު 10 މެޗުން މޮޅުވި މާޒިޔާ އިން އެންމެ ފަހުން ކުޅުނު މެޗުގައި ފަހު ވަގުތު ވަނީ ޓީސީ ސްޕޯޓްސް ކްލަބާ އެއްވަރުވެފަ އެވެ. އެކަމަކު، ވެލެންސިއާ އަތުން މިރޭ ހޯދި މޮޅާ އެކު، މާޒިޔާ އެއް ވަނައިގައި އޮތީ 12 މެޗުން 34 ޕޮއިންޓާ އެކު އެވެ. ދެ ވަނައިގައި އޮތް އޮޑި ސްޕޯޓްސް ކްލަބަށް ވަނީ 11 މެޗުން 28 ޕޮއިންޓް ލިބިފަ އެވެ.

ގަލޮޅު ދަނޑުގައި މިރޭ ކުޅުނު މެޗަށް ނުކުތްއިރު މާޒިޔާގެ އިބްރާހިމް އައިސަމް ހުރީ އެންމެ ފަހުން ކުޅުނު މެޗުގައި ދެއްކި ރަތް ކާޑާ އެކު ސަސްޕެންޝަނެއްގަ އެވެ.

މާޒިޔާ އިން މެޗުގެ 21 ވަނަ މިނިޓްގައި ލީޑުނެގީ ހަސަން ނަޒީމް ގާސިމް (ޗޯޓު) ޖެހި ގޯލުންނެވެ. މާޒިޔާގެ މުހައްމަދު އިލާން އިމްރާން މެދުތެރެއިން ހިފައިގެން އައި ބޯޅަ އޭރިއާތެރެއަށް ޖަައްސާލި ވަގުތު ރަނގަޅު ތަނަށް އަރައި، ޗޯޓު ވަނީ ގޯލަށް ބޯޅަ ފޮނުވާލައިފަ އެވެ.

މާޒިޔާގެ ފުރަތަމަ ލަނޑު ޖެހި ޗޯޓު (ކ) އެ ލަނޑު ޖަހަން ފުރުސަތު ތަނަވަސްކޮށްދިން އިލާންއާ އެކު: މާޒިޔާ އިން މި މެޗުގައި ޖެހި ތިން ގޯލަށް ވެސް ފުރުސަތު ހޯދައިދިނީ އިލާން.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މެޗުގައި މާޒިޔާގެ ދެ ވަނަ ލަނޑު ޖަހައިދީ އެ ޓީމަށް ލީޑުފުޅާކޮށްދިނީ، 32 ވަނަ މިނިޓްގައި ހަމްޒާ މުހައްމަދު (ހަމްޕު) އެވެ. މި ލަނޑު ގައި ވެސް ކުރިން ވެލެންސިއާ އަށް ކުޅުނު އިލާން ވަނީ މުހިންމު ދައުރެއް އަދާކޮށްފަ އެވެ. އިލާން ދިން ބޯޅަ ހަމްޕު ވަނީ މެއިން ކޮންޓްރޯލް ކުރުމަށް ފަހު ގޯލަށް ފޮނުވާލައިފަ އެވެ.

މާޒިޔާ އިން މެޗުގެ ތިން ޕޮއިންޓް ކަށަވަރުކުރި ލަނޑު ޖެހީ 80 ވަނަ މިނިޓްގައި ހަމްޕު އެވެ. މިއީ ވެސް 16 އަަހަރުގެ ފޯވާޑް އިލާންގެ ދައުރާ އެކު ހަމްޕު ޖެހި ގޯލެކެވެ. މާޒިޔާގެ އަހުމަދު އައިހަމް (ފަތޯ) ދިން ބޯޅައެއް އިލާން ވަނީ އޭރިއާރެެއަށް ދުވެފައި އައި ހަމްޕު އަށް ދީފަ އެވެ. ހަމްޕު ވަނީ ހަމަޖެހިލައިފައި ގޯލަށް ބޯޅަ ފޮނުވާލައިފަ އެވެ.

ވެލެންސިއާ އިން 12 މެޗުން ހަތް ޕޮއިންޓާ އެކު އޮތީ ލީގު ތާވަލުގެ އެންމެ ފުލުގަ އެވެ.

ލީގުގައި މާދަމާ ހަވީރު ކުޅޭ މެޗުގައި ވިކްޓަރީ ސްޕޯޓްސް ކްލަބުން ބައްދަލުކުރާނީ ކްލަބް ގްރީން ސްޓްރީޓްސްއާ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox