އެފްއޭއެމް ވިމެންސް ލީގު: މާޒިޔާ އާއި ނިއު ރޭޑިއަންޓް ފެށީ ބޮޑު މޮޅަކުން

Nov 16, 2026, 7:00 AM
އެފްއޭއެމް ވިމެންސް ފުޓްބޯލް ލީގު 2026 ގައި މާޒިޔާ އިން ލަނޑު ޖެހުމަށް ފަަހު އުފާފާޅުކުރަނީ.--- ފޮޓޯ: އެފްއޭއެމް

އެފްއޭއެމް ވިމެންސް ފުޓްބޯލް ލީގު 2026 ގައި މާޒިޔާ އިން ލަނޑު ޖެހުމަށް ފަަހު އުފާފާޅުކުރަނީ.--- ފޮޓޯ: އެފްއޭއެމް

އިއްޔެ ފެށި އެފްއޭއެމް ވިމެންސް ލީގު ފުޓްބޯޅަ މުބާރާތުގެ ފުރަތަމަ މެޗުތަކުން މާޒިޔާ ސްޕޯޓްސް އެންޑް ރެކްރިއޭަޝަން އާއި ނިއު ރޭޑިއަންޓް ސްޕޯޓްސް ކްލަބުން ބޮޑު މޮޅަކުން މުބާރާތް ފަށައިފި އެވެ. 

ހެންވޭރު ދަނޑުގައި ޖުމްލަ ހަތަރު ޓީމާ އެކު ކުރިއަށްދާ މި ފަހަރުގެ މުބާރާތުގައި އިއްޔެ ހަވީރު ކުޅުނު މެޗުގައި އެންމެ ފަހުގެ ޗެމްޕިއަން، މާޒިޔާ އިން ނުކުތީ މޯލްޑިވްސް ސޮކަ މޭޓްސް (އެމްއެސް މޭޓްސް)އާ ދެކޮޅަށެވެ. އެ މެޗުން މާޒިޔާ މޮޅުވީ، 8-0 އިންނެވެ. އަދި، ދެ ވަނަ މެޗުގައި ރޭ ނިއު ރޭޑިއަންޓުން ވަނީ ދަ ގްރާންޑޭ ސްޕޯޓްސް ކްލަބް އަތުން 15-0 އިން މޮޅުވެފަ އެވެ. 

މާޒިޔާ އަށް އިއްޔެގެ މެޗުގައި ލަނޑުތައް ޖަހައިދިނީ، އުޒްބެކިސްތާންގެ ސަފީނާ ރުސާނިއާ ހަތަރު ގޯލުގެ އިތުރުން، ޝަހުލާ ތައުފީގު އާއި ފަދުވާ ޒާހިރު ކޮންމެ ކުޅުންތެރިއަކު ދެ ގޯލެވެ. މި މެޗުގައި މާޒިޔާ އަށް ލަނޑު ޖަހާނެ އިތުރު ފުރުސަތުތަކެއް ލިބި ބޭނުމެއް ނުކުރެވުނެވެ. 

އެފްއޭއެމް ވިމެންސް ފުޓްބޯލް ލީގު 2026 ގައި ރޭ ދަ ގްރާންޑޭ ކޮޅަށް ލަނޑު ޖެހުމަށް ފަހު ނިއު ކުޅުންތެރިން އުފާފާޅުކުރަނީ.
އެފްއޭއެމް ވިމެންސް ފުޓްބޯލް ލީގު 2026 ގައި ރޭ ދަ ގްރާންޑޭ ކޮޅަށް ލަނޑު ޖެހުމަށް ފަހު ނިއު ކުޅުންތެރިން އުފާފާޅުކުރަނީ.

ރޭ ކުޅުނު މެޗުގައި ނިއު އަށް ލަނޑުތައް ޖަހައިދިނީ، ބަންގްލަދޭޝް ގައުމީ ޓީމުގެ މަތުސުޝިމާ ސުމައްޔާ ފަސް ގޯލާއި ސަބީނާ ކަތުން ހެޓްރިކެއްގެ އިތުރުން، މައީޝާ އަބްދުލް ހަންނާން ވެސް ހެޓްރިކެއް އަދި މަރިޔަމް ނޫރާ ދެ ގޯލާއި ސުމާ މުހައްމަދު އާއި އައިމިނަތު ފަޒްލާ އެވެ. 

މުބާރާތުގެ މެޗުތައް ދެން އޮތީ އަންނަ ބުދަ ދުވަހު އެވެ. އެ ދުވަހު ހަވީރު، ދަ ގްރާންޑޭ އާއި މާޒިޔާ ކުޅޭއިރު، އެ ރޭ ނިއު އިން ކުޅޭނީ އެމްއެސް މޭޓްސްއާ އެވެ. 

މިދިޔަ އަހަރު ޖުމްލަ އެކު، ހަ ޓީމެއް ބައިވެރިވި، ވިމެންސް ފުޓްބޯލް ލީގުގައި މާޒިޔާ އިން ޗެމްޕިއަންކަން ހޯދީ ކުޅުނު އެއްވެސް މެޗަކުން ބަލިނުވެ އެވެ. މިއީ، 2014 ވަނަ އަހަރުގެ ފަހުން އެފްއޭއެމް އިން ކްލަބްތަކަށް ހާއްސަކޮށްގެން މިދިޔަ 11 އަހަރު ތެރޭ ބޭއްވި ފުރަތަމަ އަންހެން ފުޓްބޯޅަ މުބާރާތެވެ. ފީފާގެ މާލީ އެހީތެރިކަމާ އެކު، ކުރިއަށްދިޔަ މި މުބާރާތުގެ ޗެމްޕިއަންކަން މާޒިޔާ އިން ހޯދީ ކުޅުނު ފަސް މެޗުގެ ތެރެއިން ހަތަރު މެޗުން މޮޅުވެގެންނެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

ޕާކިސްތާނުން ފައިނަލަށް ދިޔައީ ޕްލޭން ކާމިޔާބުކޮށްގެން

ސާފް ޗެމްޕިއަންޝިޕްގެ ސެމީ ފައިނަލުގައި 1-0 އިން ބަންގްލަދޭޝް ބަލިކޮށް، ޕާކިސްތާނުން ފުރަތަމަ ފަހަރަށް މުބާރާތުގެ ފައިނަލަށް ދަތުރުކޮށްފި. ބަންގްލަދޭޝްގެ ކޯޗު ތޯމަސް ޑޫލޭ ބުނިގޮތުގައި ޕާކިސްތާނުން މި މެޗު ކާމިޔާބުކުރީ އެމީހުންގެ ކުޅުން ދިރާސާކޮށް، ވަރަށް ރަނގަޅު ޕްލޭނަކާއެކު ތައްޔާރުވެގެން އައިސްގެން. ފައިނަލުގައި ކުޅޭނީ ޕާކިސްތާނާއި އިންޑިއާ

Newsletter

Get the latest news delivered straight to your inbox