ސްރީ ލަންކާގެ މޯލްޑިވިއަން އެޑިއުކޭޝަނަލް އެންޑް ކަލްޗަރަލް ސެންޓަރު (އެމްއީސީސީ) އިން ބާއްވާ ކޮޅުނބު ފުޓްސަލް ކަޕްގެ ތަށި ރާއްޖޭގެ ޖޭޖޭ ސްޕޯޓްސް ކްލަބުން ދިފާއުކޮށްފި އެވެ.
ޖުމްލަ 16 ޓީމާ އެކު، ދެ ދުވަހުގެ މުއްދަތަށް ކުރިއަށްދިޔަ މި ފަހަރުގެ މުބާރާތުގެ ފައިނަލް މެޗު ކުޅުނީ ރޭގަ އެވެ. ފައިނަލް މެޗުގައި ޖޭޖޭ ސްޕޯޓްސް ކްލަބުން ވަނީ 3-0 އިން ލާސްޓް ވޯނިން އެފްސީ ބަލިކޮށްފަ އެވެ. ތިން އަހަރު ކޮޅުނބު ފުޓްސަލް ކަޕް ބޭއްވިިއިރު، ދެ ފަހަރު ޗެމްޕިއަންކަން ހޯދީ ޖޭޖޭ އެވެ.
ސޯސަން ވިލާ ފުޓްސަލް ދަނޑުގައި ކުޅުނު މި މުބާރާތުގައި ޖޭޖޭ އިން ވަނީ ކުޅުނު ހަ މެޗުން ވެސް މޮޅުވެފަ އެވެ. މިދިޔަަ އަހަރު ވެސް ޖޭޖޭ އިން ތަށި އުފުލާލީ ކުޅުނު ހުރިހާ މެޗަކުން މޮޅުވެގެންެނެވެ.
ރޭގެ ފައިނަލް މެޗުގައި، ޖޭޖޭގެ ލަނޑުތައް ޖެހީ ގައުމީ ފުޓްސަލް ޓީމުގެ ކެޕްޓަން، މުހައްމަދު އިމްރާން (އިންމި) ދެ ގޯލުގެ އިތުރުން އަބްދުﷲ ޝައްފާން (ޝާކާ) އެވެ. މުބާރާތުގެ އެންމެ ގިނަ ގޯލު ޖެހި ކުޅުންތެރިންްގެ ތެރޭގައި ޝާކާ އާއި އިންމި ހިމެނެ އެވެ. ދެން، ހިމެނެނީ ރެޑް ޑެވިލްގެ އަރްޝަދު މުހައްމަދު އެވެ. ތިން ކުޅުންތެރިން ވެސް ނުވަ ގޯލު ޖެހި އެވެ.
ގަދަ ފަސް ކުޅުންތެރިންގެ ތެރޭގައި ހިމެނެނީ، ޖޭޖޭގެ ޝާކާ، އިންމި އަދި ގޯލްކީޕަރު، އިސްމާއިލް ފާތިހު (ތާޑޭ)ގެ އިތުރުން، ލާސްޓް ވޯނިން އެފްސީގެ ސަފްރާން އާއި ފަޒަލް އެވެ.





