އިންގްލެންޑްގެ އަތްދަށުވެ 43 މެޗަށް ފަހު ސްޕެއިންގެ ބަލިނުވުމުގެ ރެކޯޑް ނިމުމަކަށް

Nov 16, 2026, 6:08 AM
ސްޕެއިން ބަލިކުރުމަށް ފަހު އިންގްލެންޑުން އުފާފާޅުކުރަނީ.

ސްޕެއިން ބަލިކުރުމަށް ފަހު އިންގްލެންޑުން އުފާފާޅުކުރަނީ.

މެޑްރިޑް (ނޮވެމްބަރު 16) - ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިނުގެ ބަލިނުވުމުގެ ރެކޯޑަށް 43 މެޗަށް ފަހު ނިމުމެއް އަތުވެއްޖެ އެވެ. 

އެ ގޮތުން، ސްޕެއިނުން މެޗަކުން ބަލިވެފައި މި ވަނީ 2025 ވަނަ އަހަރުގެ ޔުއެފާ ނޭޝަންސް ލީގުގެ ފައިނަލުން ޕޯޗުގަލް އަތުން ބަލިވި ފަހުން ފުރަތަަމަ ފަހަރަށެވެ. އޭގެ ފަހުން ކުޅުނު 43 މެޗުން ވެސް ސްޕެއިން ބަލިވެފައިނުވާއިރު، އެ މުއްދަތުގެ ތެރޭގައި ވަނީ މި އަހަރު، އެމެރިކާ، މެކްސިކޯ އަދި ކެނަޑާގައި ބޭއްވި ފީފާ ވޯލްޑް ކަޕްގެ ޗެމްޕިއަންކަން ވެސް ހޯދައިފަ އެވެ. 

ވަންޑާ މެޓްރޮޕޮލިޓާނޯ ސްޓޭޑިއަމްގައި ކުޅުނު މެޗުގައި އިންގްލެންޑުން ލީޑުނެގީ ފުރަތަަމަ ހާފުގެ ފަހު މިނިޓްގައި، ހެރީ ކޭން ޖެހި ޕެނަލްޓީންނެވެ. މިއީ، ކޭން އަށް ސްޕެއިންގެ ޑިފެންޑަރު، ޕައު ކުބަރްސީ ކުރި ފައުަލަކަށް ދިން ޕެނަލްޓީ އެކެވެ. 

ދެ ވަނަ ހާފުގެ ކުޅުން ފެށިގެން އަށް ވަނަ މިިނިޓްގައި، މެޗުގެ 53 ވަނަ މިނިޓްގައި އެޒްރީ ކޮންސާ ވަނީ އިންގްލެންޑްގެ ދެ ވަނަ ލަނޑު ޖަަހައިފަ އެވެ. އަދި، އޭގެ ހަތަރު މިނިޓް ފަހުން، ޖޫޑް ބެލިންހަމް ދިން ބޯޅައަކުން ބެން ވައިޓް ވަނީ އިންގްލެންޑަށް ތިން ގޯލުގެ ލީޑެއް ނަގައިފަ އެވެ. 

މެޗުގައި އިންގްލެންޑަށް އުނދަގޫ ހާލަތެއް ކުރިމަތިވީ، 63 ވަނަ މިނިޓްގައި އެ ޓީމުގެ އެލިއަޓް އެންޑަސަން އަށް ރަތެއް ދެއްކުމުންނެވެ. އޭނާ އަށް ރަތެއް ދެއްކީ ސްޕެއިނުގެ ލަމީން ޔަމާލަށް ކުރި ފައުލަކަށެވެ. ލިބުނު ޕެނަލްޓީން މިކޭލް އޮޔާޒަބާލް ވަނީ ސްޕެއިނަށް ލަނޑެއް ޖަހައިދީ އުންމީދެއް ހޯދައިދީފަ އެވެ. މެޗުގެ 75 ވަނަ މިނިޓްގައި ޔަމާލް ދިން ބޯޅައަކުން ނީކޯ ވިލިއަމްސް، ސްޕެއިނުގެ ދެ ވަނަ ލަނޑު ޖެހި ނަމަވެސް، ބާކީ ވަގުތުގައި އިތުރު ގޯލެއް ނުޖެހި ސްޕެއިން ބަލިވެ، އެ ޓީމުން ދަމަހައްޓަމުން އައި ދުނިޔޭގެ ރެކޯޑް ސިލްސިލާ އަށް ނިމުން އައީ އެވެ. 

މި ގްރޫޕުން ނޭޝަންސް ލީގުގެ ކުއާޓާ ފައިނަލަް ދިޔައީ އިންގްލެންޑާއި ސްޕެއިން އެވެ. ދެ ޓީމަށް ވެސް ހަ މެޗުން ލިބުނީ 15 ޕޮއިންޓެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

ޕާކިސްތާނުން ފައިނަލަށް ދިޔައީ ޕްލޭން ކާމިޔާބުކޮށްގެން

ސާފް ޗެމްޕިއަންޝިޕްގެ ސެމީ ފައިނަލުގައި 1-0 އިން ބަންގްލަދޭޝް ބަލިކޮށް، ޕާކިސްތާނުން ފުރަތަމަ ފަހަރަށް މުބާރާތުގެ ފައިނަލަށް ދަތުރުކޮށްފި. ބަންގްލަދޭޝްގެ ކޯޗު ތޯމަސް ޑޫލޭ ބުނިގޮތުގައި ޕާކިސްތާނުން މި މެޗު ކާމިޔާބުކުރީ އެމީހުންގެ ކުޅުން ދިރާސާކޮށް، ވަރަށް ރަނގަޅު ޕްލޭނަކާއެކު ތައްޔާރުވެގެން އައިސްގެން. ފައިނަލުގައި ކުޅޭނީ ޕާކިސްތާނާއި އިންޑިއާ

Newsletter

Get the latest news delivered straight to your inbox