ޗައިނާއަށް ދަތުރުކުރި މޯލްޑިވިއަން ބޯޓެއްގެ އިންޖީނު މައްސަލައެއް ޖެހިގެން ޑާކާއަށް ޖައްސައިފި

މޯލްޑިވިއަންއަށް މި އަހަރު ގެނައި ވައިޑް ބޮޑީ އެއާކްރާފްޓު ހުޅުލެއަށް ޖައްސަނީ -- ފޮޓޯ: މިރާޝް ނާޝިމް / އަދަދު

މޯލްޑިވިއަންއަށް މި އަހަރު ގެނައި ވައިޑް ބޮޑީ އެއާކްރާފްޓު ހުޅުލެއަށް ޖައްސަނީ -- ފޮޓޯ: މިރާޝް ނާޝިމް / އަދަދު

ދިވެހިރާއްޖެއިން ފުރައިގެން ޗައިނާއަށް ދަތުރުކުރަމުންދިޔަ މޯލްޑިވިއަންގެ ބޯޓެއްގެ އިންޖީނަށް ދިމާވި މައްސަލައަކާ ގުޅިގެން ބަންގްލަދޭޝްގެ ވެރިރަށް ޑާކާއަށް އެ ބޯޓު ޖައްސައިފި އެވެ.

މައުލޫމާތު ލިބިފައިވާ ގޮތުގައި އެ ބޯޓުގައި ދަތުރުކުރި ހުރިހާ ފަތުރުވެރިން މި ވަގުތު ތިބީ ޑާކާގެ ހޮޓާތަކުގަ އެވެ. ނަމަވެސް މޯލްޑިވިއަންގެ ބަހެއް މިކަމާ ގުޅިގެން އަދި ނުލިބޭތީ އެ ބޯޓުގައި ދަތުރުކުރީ ކިތައް ފަސިންޖަރުން ކަމެއް އަދި ސާފެއް ނުވެ އެވެ.

މައްސަލަ ދިމާވީ މޯލްޑިވިއަންއަށް މި އަހަރު އަލަށް ގެނައި ވައިޑް ބޮޑީ އެއާކްރާފްޓަށެވެ. އެ ބޯޓު ދަތުރު ކުރަމުންދިޔައީ ޗައިނާގެ ޗެންޑޫއަށެވެ. ބޯޓަށް ދިމާވީ ކޮން މައްސަލައެއްކަމެއް އަދި ނޭނގެ އެވެ.

Advertisement

ފްލައިޓުތަކުގެ މައުލޫމާތު ފެންނަން ހުންނަ ފްލައިޓް ރޭޑާއިން އެނގޭ ގޮތުގައި އެ ބޯޓު އަދިވެސް އޮތީ ބަންގްލަދޭޝްގެ ޑާކާ އެއާޕޯޓުގަ އެވެ.

މައްސަލަ ދިމާވި ބޯޓަކީ މޯލްޑިވިއަންއިން ގެނައި ފުރަތަމަ ވައިޑް ބޮޑީ އެއާކްރާފްޓެވެ. އެ ބޯޓަކީ ޖުމްލަ 264 ސީޓު ހިމެނޭ އެއާބަސް 330-200 މަރުކާގެ ބޯޓެކެވެ. ރާއްޖެއަށް އެ ބޯޓު ގެނައުމަށްފަހު ފުރަތަމަ ދަތުރު ކުރީ ވެސް ޗައިނާގެ ޗެންޑޫއަށެވެ.

މޯލްޑިވިއަނުން މި އަހަރުގެ ޖެނުއަރީ 6، ގައި ރާއްޖެއަށް ގެނައި ވައިޑް ބޮޑީ އެއާކްރާފްޓަކީ 2010 ވަނަ އަހަރު ހިދުމަތަށް ނެރި ފާއިތުވި 14 އަހަރު ވެސް ބޭނުން ކޮށްފައިވާ ބޯޓެކެވެ. އެ ބޯޓު މޯލްޑިވިއަންއިން ގެނައީ ކުއްޔަށެވެ. މޯލްޑިވިއަންއިން މި މަތިންދާ ބޯޓު ކުއްޔަށް ނެގީ ނެދަލޭންޑްސްގެ ޓްރޫނޯޑު ކުންފުނިންނެވެ. އެ ކުންފުންޏާއެކީ މި އެއްބަސްވުމުގައި ސޮއިކުރީ މިދިޔަ އަހަރުގެ ޖުލައި މަހުގެ ތެރޭގަ އެވެ.

މޯލްޑިވިއަންއިން ކުއްޔަށް ގެނައި ވައިޑް ބޮޑީ އެއާކްރާފްޓަކީ 2010 ވަނަ ހިދުމަތަށް ނެރެ ނެދަލެންޑްސްގެ ގައުމީ އެއާލައިން، ކޭއެލްއެމް ރޯޔަލް ޑަޗް އެއާލައިންސް އިން ބޭނުން ކުރަން ފެށި ބޯޓެކެވެ. އެ ކުންފުނިން އެ ބޯޓު ބޭނުން ކުރީ ޕީއެޗް-އޭއޯއެމް ކޯޑުގަ އެވެ.

އެއަށްފަހު ދެން އެ ބޯޓު ބޭނުން ކުރީ ދެކުނު އެމެރިކާގެ ގައުމެއް ކަމަށްވާ، ސުރިނާމްގެ ގައުމީ އެއާލައިން، ސުރިނާމް އެއާވޭސްއިންނެވެ. އެ އެއާލައިނުން އެ ބޯޓު ބޭނުން ކުރީ 9އެޗް-ޕީއޭއެކްސް ކޯޑުގަ އެވެ.

ސުރިނާމް އެއާވޭސްއިން އެ ބޯޓު ބޭނުން ކުރީ ސެޕްޓެމްބަރު، 2022 އިން ޖެނުއަރީ، 2023 ގެ ނިިޔަލަށެވެ. ސުރިނާމް އެއާވޭސްގެ ދިދައިގައި އެ ބޯޓު އެންމެ ފަހުން ދަތުރު ކުރި ކަމަށް ރެކޯޑުތަކުން ފެންނާން އޮތީ ޖެނުއަރީ، 7، 2023 އެވެ.

މޯލްޑިވިއަނަށް އެ ބޯޓު ގެނައީ އެ ދުވަހުން ފެށިގެން ސްޓޯ ކޮށްފައި ބޭއްވުމަށް ފަހު އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox