ފްލައިން ސްކޫލް ބޭރު ބަޔަކަށް ވިއްކާލީ އައިއޭއެސް އަށް ގެއްލުންވާ ގޮތަށް!

ގަން އެއާޕޯޓްގައި ހިންގަމުންދާ ޒެނިތު އޭވިއޭޝަން އެކެޑެމީގެ މަތިންދާ ބޯޓުތައް އަދި އައިއޭއެސްގެ މެނޭޖިން ޑިރެކްޓަރު އިޔާޒު

ގަން އެއާޕޯޓްގައި ހިންގަމުންދާ ޒެނިތު އޭވިއޭޝަން އެކެޑެމީގެ މަތިންދާ ބޯޓުތައް އަދި އައިއޭއެސްގެ މެނޭޖިން ޑިރެކްޓަރު އިޔާޒު

އައްޑޫ ގަމުގައި އައިލެންޑް އޭވިއޭޝަން ސާވިސަސް (އައިއޭއެސް) އިން ހިންގި މޯލްޑިވިއަން އޭވިއޭޝަން އެކެޑެމީ، ބޭރު ބަޔަކަށް ވިއްކާލީ އެ ކުންފުންޏަށް ބޮޑު މާލީ ގެއްލުމެއް ވާގޮތަށް ކަމަށް މައުލޫމާތު ލިބިއްޖެ އެވެ.

ފްލައިން ސްކޫލް ވިއްކާލި މުއާމަލާތުގެ މައުލޫމާތު އެނގޭ މަސްދަރުތަކުން އަދަދު ނޫހަށް މައުލޫމާތު ދީފައިވާ ގޮތުގައި، އައްޑޫ ފްލައިން ސްކޫލް ގާއިމުކުރުމަށްޓަކައި އައިލެންޑް އޭވިއޭޝަނުން 2 މިލިއަން ޑޮލަރު (ގާތްގަނޑަކަށް 30.8 މިލިއަން ރުފިޔާ) އިންވެސްޓްކުރި އެވެ. ނަމަވެސް، އެ ހުރިހާ ވަސީލަތްތަކަކާއެކު ބޭރު ބައެއްގެ ހިއްސާ އޮންނަ 'ޒެނިތު އޭވިއޭޝަން އެކެޑެމީ' އަށް އެ ތަން ވިއްކާލީ ގާތްގަނޑަކަށް 900,000 ޑޮލަރަށެވެ.

އޭވިއޭޝަން ދާއިރާގެ އޮފިޝަލަކު ބުނީ "މިއީ ހަމައެކަނި އިންވެސްޓްމަންޓް ނުއަގުގައި ވިއްކާލުމެއް ނޫން ކަމަށާއި، މިއީ ދައުލަތުގެ ކުންފުންޏަކަށް ދާއިމީ ގޮތެއްގައި ލިބޭނެ ވަރަށް ބޮޑު އާމްދަނީއެއްވެސް ދޫކޮށްލުން" ކަމަށެވެ.

Advertisement

ޒެނިތު އޭވިއޭޝަން އެކެޑެމީ އަކީ މިދިޔަ އަހަރު ރަޖިސްޓްރީކޮށްފައިވާ ކުންފުންޏެކެވެ. ބިޒްނަސް ޕޯޓަލުން އެނގޭ ގޮތުގައި މި ކުންފުނީގެ މެނޭޖިން ޑިރެކްޓަރު އަކީ ސަންދީޕު ކުމާރު އެވެ. ޒެނިތު އުފައްދާފައި ވަނީ އެޓޯލް ކޮންސަލްޓެންސީ ޕްރައިވެޓް ލިމިޓެޑް އަދި ސިމްޕްލިފައި ހޯލްޑިންގްސް ގްރޫޕު ލިމިޓެޑު ގުޅިގެންނެވެ. ޒެނިތުން މިހާރު ވަނީ އެ އެކެޑެމީގެ ކޯސްތައް ފަށައިފަ އެވެ.

ފްލައިން ސްކޫލް ޒެނިތަށް ވިއްކާލި މުއާމަލާތާ ގުޅޭ ގޮތުން އައިއޭއެސްގެ ބަހެއް ނުލިބުނެވެ. ނަމަވެސް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވީ ފްލައިން ސްކޫލް ވިއްކާލީ އެ އެކެޑެމީގެ ސަބަބުން އައިއޭއެސްއަށް ގެއްލުން ވަމުންދާތީ ކަމަށެވެ. އަދި އެއާލައިނާއި ފްލައިން ސްކޫލެއް އެކުގައި ހިންގުމަކީ ދުނިޔޭގައި އާންމުކޮށް ކުރާ ކަމެއް ނޫން ކަމަށް ވެސް އޭނާ ވިދާޅުވި އެވެ.

"ގެއްލުމުގައި ނުހިންގަން ވެގެން ވިއްކާލީ. އެކަމަށް ޝައުގުވެރިވާ މީހުން ހޯދަން ހުޅުވާލި މީހުންގެ ތެރެއިން އެންމެ ރަނގަޅު ޕްރޮޕޯސަލް ހުށަހެޅި ފަރާތަށް ވިއްކާލީ. އަޅުގަނޑަކަށް އެއީ ކިހާ ވަރެއްގެ އަގެއް ކަމެއް ނޭނގޭ." އަމީން ވިދާޅުވި އެވެ.

މޯލްޑިވިއަން އޭވިއޭޝަން އެކެޑެމީ ހިންގަން ފެށީ 2022 ވަނަ އަހަރު، އޭރު އައްޑޫގައި އޭޝިއަން އެކެޑެމީ އޮފް އެއިރޮނޯޓިކްސް އިން ހިންގި ސްކޫލްގެ މައްސަލަ ބޮޑުވެ، ކިޔަވާ ކުދިންގެ ކިޔެވުން މެދުކެނޑިފައި ވަނިކޮށެވެ. އޭރު ސަރުކާރުން އެކަން އައިއޭއެސްއާ ހަވާލުކުރީ ކުދިންގެ ޝަކުވާތަކަށް ހައްލެއް ހޯދައިދިނުމަށެވެ.

އަދަދު ނޫހާ ވާހަކަ ދެއްކި އޮފިޝަލުން ބުނި ގޮތުގައި މިހާރު ވެސް ޒެނިތު އެކެޑެމީއަށް ބޭރުގެ ދަރިވަރުން ގިނަ އަދަދަކަށް ލިބިފައިވާ ކަމަށެވެ. އަދި ކުންފުންޏަށް ފައިދާވާ ގޮތަށް ފްލައިން ސްކޫލް ހިންގާނެ ކަމަށް ވެސް އެ މީހުން ގަބޫލުކުރެ އެވެ.

"މިއީ ރާއްޖެއަށް ލިބެން އޮތް ފުރުސަތެއް ގެއްލުވާލުން. މިހާރު ވެސް މުޅި ދުނިޔޭގައި ޕައިލެޓުން މަދުވެގެން އުޅޭއިރު ހަމައެކަނި އިންޑިއާ އަށް އަމާޒު ކުރިޔަސް ދަރިވަރުން ހުސް ނުވެ ލިބޭނެ. ޒެނިތުން ކުރަމުން އެދަނީ އެކަން،" އަދަދު ނޫހާ ވާހަކަ ދެއްކި އޭވިއޭޝަން ދާއިރާގެ އޮފިޝަލް ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox