ދިވެހި މިއުޒިޝަނުން ނެތް ކަމަށް ބުނެ ބޭރު މިއުޒިޝަނުން ގެންނަން މަޓީން ހުށަހަޅައިފި

އޮލިމްޕަހުގައި ބޭއްވި ޝޯއެއްގައި ރާއްޖޭގެ ފަންނުވެރިންތަކެއް ހުށަހެޅުމެއް ހުށަހަޅައި ދެނީ. މިކަމާ ގުޅިގެން ރާއްޖޭގެ ފަންނުވެރިންގެ ކަންބޮޑުވުން އިންތިހާއަށް އެބައޮތް --- ފޮޓޯ: ރައީސް އޮފީސް

އޮލިމްޕަހުގައި ބޭއްވި ޝޯއެއްގައި ރާއްޖޭގެ ފަންނުވެރިންތަކެއް ހުށަހެޅުމެއް ހުށަހަޅައި ދެނީ. މިކަމާ ގުޅިގެން ރާއްޖޭގެ ފަންނުވެރިންގެ ކަންބޮޑުވުން އިންތިހާއަށް އެބައޮތް --- ފޮޓޯ: ރައީސް އޮފީސް

ރާއްޖޭގެ ރިސޯޓުތަކުގައި މަސައްކަތް ކުރުމަށް ދިވެހި މިއުޒިޝަނުންނާއި ފަންނުވެރިން ނެތް ކަމަށް ބުނެ އެފަދަ މަސައްކަތް ކުރާ ބިދޭސީންނަށް ވޯކް ވިސާ ހަމަޖައްސައިދިނުމަށް ރިސޯޓު ވިޔަފާރިވެރިންގެ ޖަމިއްޔާ، މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީސް (މަޓީ) އިން ސަރުކާރަށް ހުށަހަޅައިފި އެވެ.

ޓޫރިޒަމް ސިނާއަތުގައި ހުރި މައްސަލަތަކާއި އެ ޖަމިއްޔާއިން ހުށަހަޅާ ކަންކަން ބަޔާންކޮށް މަޓީން ނެރުނު ކަރުދާހެއްގައި ބުނެފައި ވަނީ ރާއްޖޭގެ ޓޫރިޒަމްގެ ހިދުމަތްދޭ ތަންތަން އިތުރުވަމުންދާއިރު އެ ތަންތަނަށް ހިދުމަތް ދޭނެ ވަރަށް ދިވެހި ފަންނުވެރިން ނެތް ކަމަށް މަޓީން ވަނީ ބުނެފަ އެވެ.

"ދިވެހި ޕާފޯމަރުންނާއި ފަންނުވެރިން ގާތްގަނޑަކަށް ނުވެސް ނެތް. ޓޫރިޒަމްގެ ހިދުމަތް ދޭ ތަންތަނަށް މިއުޒިކާއި އެންޓަޓެއިންމަންޓް ހިދުމަތްތަކީ ވަރަށް މުހިންމު ބައެއް," މަޓީގެ ލަފާތައް ހިމަނައި ބަޔާނުގައި ބުނެފައިވެ އެވެ.

އެކަމާ ގުޅިގެން އެ ޖަމިއްޔާއިން ސަރުކާރުގައި އެދިފައި ވަނީ ބޭރުގެ މިއުޒީޝަނުންނާއި, ޕާފޯމަރުން އަދި އެންޓަޓެއިނަރުންނަށް ވޯކް ވިސާ ދިނުމަށެވެ.

titledesc

ރާއްޖޭގެ ރިސޯޓުތަކާއި ޓޫރިޒަމްގެ ހިދުމަތް ދޭ ތަންތަނުގައި ބޭރުގެ މިއުޒިޝަނުންނާއި ފަންނުވެރިން ހަރަކާތްތެރިވުމުގެ ފުރުސަތު ނުދިނުމަށް ނިންމީ ކުރީގެ ރައީސް އަބްދުالله ޔާމީންގެ ވެރިކަމުގަ އެވެ. ނަމަވެސް, ރިސޯޓުތަކުން މިކަމަށް ބޯނުލަނބާތީ މިއުޒިޝަނުންނާއި ފަންނުވެރިންގެ ކަންބޮޑުވުން އެބައޮތެވެ.

ދިރާސާއެއް ނެތި މަޓީން ލަފާ ދިނުމުން ކަންބޮޑުވުން

މި މައްސަލައަކީ ކުރީ ސަރުކާރުގެ ސަމާލުކަމަށް ވެސް މިއުޒިޝަންސް ޔޫނިއަނުން ގެނެސްފައިވާ ކަމެކެވެ. އެގޮތުން, ގާނޫނީ ވަކީލެއްގެ ބައިވެރިވުމާއި އެކު ދައުލަތުގެ އިދާރާތަކަށް ފޮނިވި ސިޓީއެއްގައި ވާނީ މިކަމުގައި ޝާމިލުވާ ފަރާތްތަކުން މިކުރާ ޣަައިރު ގާނޫނީ ކަންކަން ފާހަގަކޮށް، އެ ފަރާތްތަށް ޒިންމާދާރު ކުރުމަށް ވަނީ ގޮވާލާފަ އެވެ.

މަޓީގެ ހުށަހެޅުމާ ގުޅޭގޮތުން ގުޅިގެން "އަދަދު" އާ ވާހަކަ ދެއްކެވި މިއުޒިޝަންސް ޔޫނިއަން އޮފް މޯލްޑިވްސްގެ ފައުންޑާ މެމްބަރު އަދި ކުރީގެ ރައީސް އަހްމަދު ޝިހާމް ވިދާޅުވީ މަޓީން މިފަދަ ހުށަހެޅުމެއް ހުށަހަޅަން ވާނީ އެކަށީގެންވާ ދިރާސާތަކެއް ކުރުމަށް ފަހު ކަމަށެވެ.

"ވަރަށް ބައިވަރު ހުނަރުވެރިން އެބަ ތިބި ހަފްތާއެއްގެ ތެރޭގައި އެންމެ ބުކިންއެއް ވެސް ނުލިބޭ," އޭނާ ވިދާޅުވި އެވެ.

ރާއްޖޭގެ ފަންނުވެރިންނަށް ޓޫރިޒަމް އިންޑަސްޓްރީގައި ދޭ ފުރުސަތުތަކާ ގުޅޭ ދިރާސާއެއް ކޮށްފައި ނުވާކަން އޭނާ ފާހަގަކުރެއްވި އެވެ. ދޭތެރެ ދޭތެރެއިން މިކަމާ ގުޅޭ ކަންބޮޑުވުން ރާއްޖޭގެ ފަންނުވެރިން ވެސް ފާޅުކޮށްފައިވެ އެވެ.

"ގެސްޓުންގެ ފަރާތުން އެބަ ހުރި ޑިމާންޑްކޮށްފައި ދިވެހި ފަންނުވެރިންގެ ހުށަހެޅުންތަކަށް. ކުރިން ރިސޯޓަށް ދާއިރު ދިވެހި ފަންނާނުން ތިބޭ. އެކަމަކު ފަހުން ގެސްޓުން އަންނައިރު އެ ދިވެހިންގެ ބަދަލުގައި އަގުހެޔޮކޮށް ބޭރުގެ ފަންނުވެރިން ތިބިކަން ގެސްޓުންނަށް ފާހަގަކުރެވިފައިވޭ," ޝިހާމް ވިދާޅުވި އެވެ.

ބޭރު މީހުންނަށް ވޯކު ވިސާ ދިނުމަށް ތާއީދު ކުރި ނަމަވެސް ރާއްޖޭގައި ފަންނުވެރިންނާއި މިއުޒިޝަނުން ނެތް ކަމަށް ބުނުމަކީ ހަގީގާތާ ވަރަށް ދުރު ވާހަކައެއްގެ ގޮތުގައި ޝިހާމް ފާހަގަކުރެއްވި އެވެ. ނަމަވެސް, ވިސާ ދޭ ފަރާތްތަކުގެ އަތުން ޓެކުހެއް ނަގަން ޖެހޭނެ ކަމަށް އޭނާ ވިދާޅުވި އެވެ.

"އަހަރުމެން ބޭނުންވަނީ މިކަން އިންސާފުވެރިވާން. މުނިފޫހިފިލުވުމުގެ ހަރަކާތްތައް ހިންގާ ތަންތަނުގައި ޕާފޯމްކުރާ މީހުންގެ ތެރެއިން 60 ޕަސެންޓަކީ ދިވެހިންނަށް ހެދުން ލާޒިމުކުރުން ކަހަލަ ގޮތެއް," ޝިހާމްގެ ހިޔާލު ހިއްސާކުރި އެވެ.

ރިސޯޓު މިއުޒަކަކީ ގިނަ އަދަދެއްގެ ޒުވާނުން ހަރަކާތްތެރިވަމުންދާ އިންޑަސްޓްރީއެކެވެ. މި އިންޑަސްޓްރީގައި ބޭރު މީހުންނަށް އިސްކަން ދޭތީ އެމީހުންގެ ކަންބޮޑުވުން އަބަދުވެސް އޮވެ އެވެ. އެކަމަށް އެކަށީގެންވާ ހައްލެއް ލިބިފައިނުވާއިރު ބައެއް ރިސޯޓުތަކުގައި އިން-ހައުސްކޮށް ވެސް ބޭރު މިއުޒިޝަނުން އަގުހެޔޮކޮށް ބައިތިއްބައިގެން ދަނީ ހިދުމަތް ދެމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox