ދަ ގްރާންޑޭ ބަލިކޮށް ހުޅުމާލެ ވެޓްރަންސް އިން ވެޓްރަންސް ލީގު ދިފާއުކޮށްފި

Apr 20, 2023, 3:01 PM
އެފްއޭއެމް ވެޓަރަންސް ލީގުގެ ޗެމްޕިއަންކަން ހޯދުމަށް ފަހު ހުޅުމާލެ ވެޓަރަންސް ޓީމުގެ ކުޅުންތެރިން ތަށްޓާ އެކު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

އެފްއޭއެމް ވެޓަރަންސް ލީގުގެ ޗެމްޕިއަންކަން ހޯދުމަށް ފަހު ހުޅުމާލެ ވެޓަރަންސް ޓީމުގެ ކުޅުންތެރިން ތަށްޓާ އެކު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

ކުރީގެ ކުޅުންތެރިންނަށް ހާއްސަކޮށްގެން ކޮންމެ ރޯދަ މަހަކު ބާއްވާ ވެޓަރަންސް ފުޓްބޯޅަ މުބާރާތުގެ ޗެމްޕިއަންކަން ހުޅުމާލޭ ވެޓްރަންސް ކުލަބުން މިއަދު ދިފާއުކޮށްފިި އެވެ.

އެފްއޭއެމް ވެޓްރަންސް ލީގުގެ ނަމުގައި ކުރިއަށްދިޔަ މުބާރާތުގެ މި ފަހަރުގެ ފައިނަލް މެޗު ހުޅުމާލެ ވެޓްރަންސް ކާމިޔާބުކުރީ ދަ ގްރާންޑޭ އަތުން 5-2 ގެ ނަތީޖާއަކުން ކުރިހޯދައިގެންނެވެ. މިދިޔަ އަހަރުގެ ފައިނަލް މެޗު ހުޅުމާލެ ވެޓްރަންސް ޓީމުން ކާމިޔާބުކުރީ މޯލްޑިވްސް ސޮކަ މޭޓްސްއާ ވާދަކޮށް 1-0 އިންނެވެ. ސޮކަ މޭޓްސް މި އަހަރު ކެޓީ ސެމީ ފައިނަލުގައި ހުޅުމާލެ ވެޓްރަންސް އަތުންނެވެ.

ޓާފް އެއް ނަމްބަރު ދަނޑުގައި މިއަދު ހަވީރު ކުޅުނު ފައިނަލު މެޗު ފަށަައިގެން މާ ގިނައިރުތަކެއް ނުވެ ހުޅުމާލެ ވެޓްރަންސް ޓީމުން ލީޑު ނެގި އެވެ. މި ގޯލު މެޗުގެ 11 ވަނަ މިނެޓުގައި ހުސައިން ޝީމާޒް (ކޮކީ) ތަނަވަސްކޮށްދިން ފުރުސަތަކުން ޖަހައިދިނީ އަހުމަދު ގިތުރީސް (ގިތޫ) އެވެ.

Advertisement

ހުޅުމާލޭ ވެޓްރަންސް އިން ގޯލު ޖެހިތާ މާ ގިނައިރުތަކެއް ނުވެ ދަ ގްރާންޑޭ އިން އެއްވަރުކުރި އެވެ. މިއީ އަބްދުﷲ ވަހީދު (ބިންމާ އައްލޯ) ގޯލަށް ފޮނުވާލި ބޯޅަ ހިފަން އުޅުމުގެ ތެރޭގައި ހުޅުމާލޭ ވެޓްރަންސްގެ ގޯލުގައި ހުރި ހަސަން ރަމީޒް (ޓިމޯ) އަތުން ބައިކޮޅަށް ވަތް ގޯލެކެވެ. ގޯލާ އަމާޒުކޮށް ފޮނުވާލި ބޯޅައަކަށްވާތީ ރެފްރީ ނިންމީ މިއީ އައްލޯ ޖެހި ގޯލެއްކަމަށެވެ.

ދަ ގްރާންޑޭގެ ގޯލަށްފަހު ހުޅުމާލޭ ވެޓްރަންސް އިން ދިޔައީ ފުލުފުލުގައި ހަމަލާތައް ފޮނުވާލަމުންނެވެ. މިގޮތުން އަހުމަދު ނާޒް (އާކޭ) އާއި ކޮކީ، އަދި އަހުމަދު ނިޔާޒު ފޮނުވާލި ހަމަލާތައް ދިޔައީ ގޯލާ އަމާޒު ނުވެ އެވެ.

ލީޑު ނެގުމަށް ހުޅުމާލޭ ވެޓްރަންސް އިން ކުރަމުން އައި މަސައްކަތް ކާމިޔާބުވީ ފުރަތަމަ ހާފުގެ އިތުރު ވަގުތުގަ އެވެ. އާކޭ ދިން ބޯޅައަކުން މިގޯލު ޖަހައިދިނީ އަބްދުލްމަޖީދު އިބްރާހިމް (މަޖިއްޓެ) އެވެ.

ލަނޑު ޖެހުމަށް ފަހު ހުޅުމާލެ ވެޓަރަންސް ޓީމުގެ މަޖިއްޓެ (ކ) އާއި ގިތޫ އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

ދެ ވަނަ ހާފު ފެށިގެން މާ ގިނައިރުތަކެއް ނުވެ މަޖިއްޓެ ވަނީ އިތުރު ގޯލެއް ޖަހައި ލީޑު ފުޅާކޮށްދީފަ އެވެ.

ދެ ގޯލުގެ ލީޑެއްގައި ހުޅުމާލޭ ވެޓްރަންސް އޮއްވައި ދަ ގްރާންޑޭއަށް ފަރަގު ކުޑަކޮށްދިނީ އަހުމަދު ޝަކީބް އެވެ. އޭރިއާ ރޮނގުމަތީގައި ހުރެފައި ޝަރީފް ފޮނުވާލި ބޯޅަ އަމާޒުވީ ގޯލުގެ މަތީ ކަނަށެވެ.

މެޗުގެ ފަހުކޮޅު ހުޅުމާލެއިން އިތުރު ދެ ގޯލު ޖަހައި ޗެމްޕިއަންކަން ޔަގީންކުރި އެވެ. އެ ޓީމްގެ ހަތަރު ވަނަ ގޯލު ލިބުނު ޕެނަލްޓީއަކުން އަހުމަދު ނިޔާޒް ޖަހައިދިންއިރު، ފަހު ގޯލު ޖަހައިދިނީ ފައިނަލް މެޗުގެ މޮޅު ކުޅުންތެރިޔާގެ މަގާމް ހޯދި ގިތޫ އެވެ.

މުބާރާތުގެ އެންމެ މޮޅު ކުޅުންތެރިޔާގެ މަގާމާއި އެންމެ ގިނަ ލަނޑު ޖެހި ކުޅުންތެރިޔާގެ މަގާމް ހޯދީ ދަ ގްރާންޑޭގެ އަހުމަދު ޝާކީބް އެވެ. އެންމެ މޮޅު ކީޕަރުގެ މަގާމް ދިވެހި ސިފައިންގެ ކުލަބުގެ ހުސައިން އަހުމަދު ހޯދިއިރު، ފެއާ ޕްލޭ ޓީމަށް ހޮވުނީ މޯލްޑިވްސް ސޮކަ މޭޓްސް ވެޓްރަންސް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox