ސްޓެލްކޯ ކަޓައި، ސިފައިންނާއި ނިއު ރޭޑިއަންޓް ވެޓެރަންސް މުބާރާތުގެ ކުއާޓާ އަށް

Apr 14, 2023, 12:39 AM
ސިފައިންގެ ޓީމުގެ ފަޒާލް (ވ) އާއި ޝާމިން ގޯލެއް ޖެހުމަށް ފަހު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

ސިފައިންގެ ޓީމުގެ ފަޒާލް (ވ) އާއި ޝާމިން ގޯލެއް ޖެހުމަށް ފަހު އުފާފާޅުކުރަނީ.--- ފޮޓޯ: މުހައްމަދު ޝާބިން/ އަދަދު

މިހާރު ކުރިއަށްދާ ސްޓެލްކޯ އެފްއޭއެމް ވެޓެރަންސް ލީގުގައި އިއްޔެ ހަވީރު ކުޅުނު މެޗުން 2-1 އިން ކްލަބް ސްޓެލްކޯ އަތުން ދިވެހި ސިފައިންގެ ކްލަބް މޮޅުވުމާ އެކު، އެ ޓީމާއި ނިއު ރޭޑިއަންޓަށް އެ ގްރޫޕުން ކުއާޓާ ފައިނަލުގެ އަނެއް ދެ ޖާގަ ލިބިއްޖެ އެވެ.

ސްޓެލްކޯ އަށް އިއްޔެގެ މެޗުން މޮޅުވެގެން ނޫން ގޮތަކަށް އަނެއް ބުރުގެ ޖާގަ ލިބެން ނެތެވެ. އެއްވަރުކޮށްލައިގެން ވެސް ސިފައިންނަށް އޮތީ އަނެއް ބުރަށް ދެވޭ ގޮތަށެވެ.

ގްރޫޕް ބީގެ އެއް ވަނަ ހޯދީ އެންމެ ފަހުގެ ޗެމްޕިއަން، ހުޅުމާލެ ވެޓެރަންސް އެވެ. އެ ޓީމަށް ވަނީ ތިން މެޗުން ހަތް ޕޮއިންޓް ލިބިފަ އެވެ. ދެ ވަނައިގައި ނިންމި ސިފައިންނަށް ތިން މެޗުން ފަސް ޕޮއިންޓް ލިބުނުއިރު، ތިން ވަނަ އަށް ދިޔަ ނިއު އަށް ލިބުނީ ދެ ޕޮއިންޓެވެ. ފުލުން ނިންމާލި ސްޓެލްކޯގެ އޮތީ ތިން މެޗުން ޕޮއިންޓެކެވެ.

Advertisement

ނިއު އަނެއް ބުރަށް ދިޔައީ މެޗަކުން މޮޅެއްނުލިބި އެވެ.

ސިފައިންގެ ޓީމުގެ ޝާމިން (ކ) ކައިރިން ސްޓެލްކޯ ޓީމުގެ އައްޑޯ (މ) ބޯޅަ ހިފައިގެންދަނީ.--- ފޮޓޯ: މުހައްމަދު ޝާބިން/ އަދަދު

ޓާފް އެއް ނަމްބަރު ދަނޑުގައި އިއްޔެ ހަވީރު ކުޅުނު މެޗު ފަށައިގެން ހަ ވަނަ މިނިޓްގައި ސިފައިން ލީޑުނެގި އެވެ. މި ގޯލު ޖެހީ އަރިމަތިން ސިފައިންގެ ޓީމުގެ އަހުމަދު ފަޒާލް ނަގައިދިން ހުރަހަކަށް އޭރިއާތެރެއަށް ހުސްކޮށް އެރި ސިފައިންގެ ޓީމުގެ ކެޕްޓަން އަހުމަދު ޝާމިން އެވެ.

ފުރަތަމަ ހާފުގައި ސްޓެލްކޯ އިން ނަތީޖާ ހަމަހަމަކުރެވޭތޯ ގިނަ މަސައްކަތްތަކެއް ކުރި ނަމަވެސް ކާމިޔާބުވާގޮތެއްނުވި އެވެ. އެކަމަކު، ދެ ވަނަ ހާފުގެ ކުޅުން ފެށިގެން ފަސް މިނިޓް ތެރޭ ސްޓެލްކޯ އިން ވަނީ އެއްވަރުކޮށްފަ އެވެ. ސްޓެލްކޯގެ މި ގޯލު ޖެހީ ޕެނަލްޓީ އަކުން އެ ޓީމުގެ އަބްދުﷲ މުހައްމަދު އެވެ. މިއީ ސިފައިންގެ ކުޅުންތެރިއަކު އަތުގައި ބޯޅަ ޖެހުމުން ރެފްރީން ދިން ޕެނަލްޓީ އެކެވެ.

ނަތީޖާ ހަމަހަމަކޮށް އޮތީ ހަތަރު މިނިޓް ވަންދެނެވެ. ސިފައިން ދެ ވަނަ ފަހަރަށް ލީޑުނެގި މި ގޯލަކީ ސްޓެލްކޯގެ ކީޕަރު ހުސެއިން ޝާފިއު އަށް ހެދުނު ގޯހެއްގެ ފައިދާނަގައި ސިފައިންގެ ޓީމަށް ރަނގަޅު ކުޅުެމއް ދެއްކި ފަޒާލް ޖެހި ގޯލެކެވެ. އެ ގޮތުން ސިފައިންގެ ޓީމުގެ، ކެޕްޓަން ޝާމިން މަތިން ޖައްސާލި ބޯޅަ އަކަށް އަރައި، ކީޕަރު ޝާފިއު އަށް ބޯޅަ ނުލިބި ފަޒާލް އަށް ލިބުމުން އޭނާ ވަނީ ގޯލުގެ ތެރެއަށް މަތިން ފޮނުވާލައިފަ އެވެ.

ސިފައިންގެ ޓީމުގެ ފަޒާލް ބޯޅަ ހިފައިގެންދަނީ: އިއްޔެ ސިފައިންގެ ޓީމުން ޖެހި ދެ ގޯލުގައި ވެސް ފަޒާލް ވަނީ އިސް ދައުރެއް އަދާކޮށްފައި.--- ފޮޓޯ: މުހައްމަދު ޝާބިން/ އަދަދު

ސިފައިން މި މެޗުން މޮޅުކޮށްދިނުމުގައި އެންމެ އިސް ރޯލެއް އަދާކުރީ މެޗުގެ މޮޅު ކުޅުންތެރިޔާގެ މަގާމު ހޯދި އެ ޓީމުގެ ގޯލްކީޕަރު ހުސެއިން އަހުމަދު އެވެ. އޭނާ ވަނީ ސްޓެލްކޯގެ ކުޅުންތެރިން ފޮނުވާލި ނުރައްކާތެރި ގިނަ ހަމަލާތަކެއް ހުއްޓުވައިފަ އެވެ.

ތިރީސް ފަސް އަހަރުން މަތީގެ ކުޅުންތެރިންނަށް ހާއްސަ ވެޓެރަންސް ފުޓްބޯޅަ މުބާރާތުގެ ކުއާޓާ އިން ފުރުސަތު ހޯދާފައިވަނީ ހުޅުމާލެ ވެޓެރަންސް، ޕޮލިސް ކްލަބް، މޯލްޑިވްސް ސޮކަ މޭޓްސް (އެމްއެސްއެމް)، ބުރު ސްޕޯޓްސް ކްލަބް، ދިވެހި ސިފައިންގެ ކްލަބް، ނިއު ރޭޑިއަންޓް ސްޕޯޓްސް ކްލަބް އަދި ދަ ގްރާންޑޭ ސްޕޯޓްސް ކްލަބް އެވެ.

ކުއާޓާ ފައިނަލްގެ ބާކީ އޮތް ޖާގަ ކަނޑައެޅޭނީ މިއަދު ހަވީރު ހުއްރިއްޔާ ވެޓެރަންސް ކްލަބް (ހުރާ) އާއި ކްލަބް ގްރީން ސްޓްރީޓްސް ބައްދަލުކުރާ މެޗުންނެވެ. ގްރީން ސްޓްރީޓްސް އަށް މޮޅުވެގެން އަނެއް ބުރަށް ދެވޭ ގޮތަށް އޮތްއިރު، ހުރާ އަށް އެއްވަރުކޮށްލައިގެން ވެސް ކުއާޓާގެ ޖާގަ ލިބޭނެ އެވެ. ހުރާ އާއި ގްރީން ސްޓްރީޓްސްގެ އެ މެޗު ފަށާނީ 16:30 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox