ޕޮލިސް ހަތް ގޯލުން ބަލިކޮށް ސޮކަ މޭޓްސް އަށް ގްރޫޕްގެ އެއް ވަނަ

Apr 13, 2023, 1:11 AM
ސޮކަ މޭޓްސް ޓީމުގެ އިސްމާއިލް އަނިލް (ވ) ގޯލަށް ބޯޅަ ފޮނުވާލަނީ.-- ފޮޓޯ: މުހައްމަދު ޝާބިން/ އަދަދު

ސޮކަ މޭޓްސް ޓީމުގެ އިސްމާއިލް އަނިލް (ވ) ގޯލަށް ބޯޅަ ފޮނުވާލަނީ.-- ފޮޓޯ: މުހައްމަދު ޝާބިން/ އަދަދު

މިހާރު ކުރިއަށްދާ ސްޓެލްކޯ އެފްއޭއެމް ވެޓެރަންސް ލީގުގައި އިއްޔެ ހަވީރު ކުޅުނު މެޗުން ޕޮލިސް ކްލަބް 7-0 އިން ބަލިކޮށް މޯލްޑިވްސް ސޮކަ މޭޓްސް (އެމްއެސްއެމް) އިން ގްރޫޕް ސީގެ އެއް ވަނަ ޓީމުގެ ގޮތުގައި ކުއާޓާ ފައިނަލުގެ ޖާގަ ޔަގީންކޮށްފި އެވެ.

ގްރޫޕް ސީގެ އެއް ވަނަ ސޮކަ މޭޓްސް އިން ހޯދީ ތިން މެޗުން ހަތް ޕޮއިންޓް ހޯދައިގެންނެވެ. މި ގްރޫޕްގެ ދެ ވަނައިގައި އޮތީ ތިން މެޗުން ހަތަރު ޕޮއިންޓް ހޯދި ޕޮލިހެވެ، އެ ޓީމަށް ވަނީ ކުއާޓާގެ ޖާގައެއް ޔަގީންވެފަ އެވެ. ތިން ވަނައިގައި އޮތް ހުއްރިއްޔާ ވެޓަރަންސް (ހުރާ) އަށް ޕޮއިންޓެއް ލިބިފައިވާއިރު، ފުލުގައި އޮތް ކްލަބް ގްރީން ސްޓްރީޓްސް އަށް އަދި ދެ މެޗު ކުޅުނުއިރު ޕޮއިންޓެއް ލިބިފައިނުވެ އެވެ.

މި ގްރޫޕުން ކުއާޓާ އަށް ހޮވޭ ފަހު ޓީމެއް އެނގޭނީ ހުރާ އާއި ގްރީން ސްޓްރީޓްސް އިން ހުކުރު ދުވަހު ހަވީރު ކުޅޭ މެޗުންނެވެ.

Advertisement

ޓާފް އެއް ނަމްބަރު ދަނޑުގައި އިއްޔެ ހަވީރު ކުޅުނު މެޗު ފަށައިގެން ފަސް ވަނަ މިނިޓްގައި ސޮކަ މޭޓްސް އިން ލީޑުނެގީ އެ ޓީމުގެ ކެޕްޓަން، އައްސަަދު އަބްދުލް ގަނީ ޖެހި ގޯލުންނެވެ. އެ ޓީމުގެ އާދަމް ލަރީފް (ރޮނާ) މަތިން އޭރިއާތެރެއަށް ލި ބޯޅަ މެއިން ކޮންޓްރޯލް ކުރުމަށް ފަހު އައްސަދު ވަނީ ގޯލުގެ ދުރު ކަނަށް ފޮނުވާލައިފަ އެވެ.

ސޮކަ މޭޓްސްގެ ދެ ވަނަ ގޯލުގައި ވެސް ފެނުނީ ފުރަތަމަ ގޯލުގެ ކޮމްބިނޭޝަން އެވެ. ރޮނާ ދިން ބޯޅަ އޭރިއާތެރެއިން ކޮންޓްރޯލް ކުރުމަށް ފަހު އައްސަދު ވަނީ ހަމަޖެހިލައިފައި ގޯލަށް ފޮނުވާލައިފަ އެވެ.

ސޮކަ މޭޓްސްގެ ކެޕްޓަން އައްސަދު އިއްޔެގެ މެޗުގެ ފުރަތަމަ ހާފުގައި އޭރިއާތެރެއިން ބޯޅަ ކޮންޓްރޯލް ކުރަނީ.-- ފޮޓޯ: މުހައްމަދު ޝާބިން/ އަދަދު

މެޗުގެ 22 ވަނަ މިނިޓްގައި ސޮކަ މޭޓްސްގެ އިސްމާއިލް އަނިލް އަށް ލިބުނު ބޯޅައެއް ޕޮލިހުގެ ގޯލުގައި ހުރި ނައުފަލް އީސާ ބޯމަތިން ވަނީ ގޯލަށް ފޮނުވާލައިފަ އެވެ. ސޮކަ މޭޓްސް އިން ހިލޭ ޖެހުމަކުން ހުރަސްކޮށްލި ބޯޅަ އެ ޓީމުގެ އަލީ ޝަރީފް (އައްޔަ) ބޮލުން ގޯލަށް ފޮނުވާލި ނަމަވެސް އެ ގޯލު ނިންމީ އޮފްސައިޑް ކަމަށެވެ. އެހެންވެ، ފުރަތަމަ ހާފު ނިމުނުއިރު، ސޮކަ މޭޓްސްގެ އޮތީ ތިން ގޯލުގެ ލީޑެކެވެ.

ދެ ވަނަ ހާފުގައި ސޮކަ މޭޓްސް އިން ޖެހި ފުރަތަމަ ގޯލަކީ ގޯލު ކުރިމަތީގައި ހުއްޓައި ހުރަސްވެގެން އައި ބޯޅައެއް ބޮލުން ގޯލުގެ ކަނަށް ފޮނުވާލައިގެން އަނިލް ޖެހި ގޯލެކެވެ. އެ ގޯލު ޖެހިތާ ދެ މިނިޓް ފަހުން، ރޮނާ ވަނީ އޭރިއާތެރެއިން ލިބުނު ފުރުސަތެއްގައި ގޯލުގެ ދުރު ކަނަށް ބޯޅަ ފޮނުވާލައިގެން ސޮކަ މޭޓްސްގެ ފަސް ވަނަ ލަނޑު ޖަަހައިފަ އެވެ.

ސޮކަ މޭޓްސްގެ ފަހު ދެ ގޯލު ޖެހީ އަހުމަދު އަސްހަމް އާއި އިމްރާން މުހައްމަދު އެވެ. ކުރިން މެޗެކޭ އެއް ގޮތަށް މި މެޗުގެ ދެ ވަނަ ހާފުގައި ގޯލްކީޕަރު އިމްރާން ވަނީ ފޯވާޑަކަށް ކުޅެފަ އެވެ. އޭރިއާތެރެއިން ލިބުނު ފުރުސަތު އިމްރާން ވަނީ ތިރިތިރިން ގޯލަށް ފޮނުވާލައިފަ އެވެ.

މި މެޗުގެ ދެ ވަނަ ހާފުގައި ވެސް ސޮކަ މޭޓްސްގެ ގޯލަށް ކުޅުނީ މުހައްމަދު ޝިނާން (ނާނީ) އެެވެ.

ތިރީސް ފަސް އަހަރުން މަތީގެ ކުޅުންތެރިންނަށް ހާއްސަ ވެޓެރަންސް ފުޓްބޯޅަ މުބާރާތުގެ އެންމެ ފަހުގެ ޗެމްޕިއަން އަކީ ހުޅުމާލެ ވެޓެރަންސް ކްލަބް އެވެ. އެ ޓީމުގެ އިތުރުން މި ފަހަރުގެ މުބާރާތުގެ ކުއާޓާ ފައިނަލުން ޖާގަ ހޯދާފައިވަނީ ޕޮލިހާއި ސޮކަ މޭޓްސް، ބުރު ސްޕޯޓްސް ކްލަބާއި ދަ ގްރާންޑޭ ސްޕޯޓްސް ކްލަބް، ދެން އޮތް ތިން ޖާގަ ކަނޑައެޅޭނީ ގްރޫޕް ސްޓޭޖުގައި ބާކީ އޮތް ދެ މެޗަށް ފަހު އެވެ.

މިއަދު ހަވީރު ކުޅޭނީ ގްރޫޕް ބީގެ ފަހު މެޗެވެ. އެއީ ސިފައިންނާއި ސްޓެލްކޯ އެވެ. މެޗު ފަށާނީ 16:30 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox