ނިއުގެ އަމިއްލަ ބާރު ގެއްލުވާލައި ހުޅުމާލެ ވެޓެރަންސް އަަނެއް ބުރަށް

Apr 11, 2023, 4:21 PM
ހުޅުމާލެ ވެޓެރަންސްގެ ކެޕްޓަން އިއްސެ (ކ) ނިއުގެ ނިޔާ ކައިރިން ބޯޅަ ހިފައިގެންދަނީ.--- ފޮޓޯ: މުހައްމަދު ޝާބިން/ އަދަދު

ހުޅުމާލެ ވެޓެރަންސްގެ ކެޕްޓަން އިއްސެ (ކ) ނިއުގެ ނިޔާ ކައިރިން ބޯޅަ ހިފައިގެންދަނީ.--- ފޮޓޯ: މުހައްމަދު ޝާބިން/ އަދަދު

މިހާރު ކުރިއަށްދާ ސްޓެލްކޯ އެފްއޭއެމް ވެޓެރަންސް ލީގުގައި އެންމެ ފަހުގެ ޗެމްޕިއަން، ހުޅުމާލެ ވެޓެރަންސް އިން މިއަދު ކުޅުނު މެޗުން 4-1 އިން ނިއު ރޭޑިއަންޓް ބަލިކޮށް، ގްރޫޕްގެ އެއް ވަނަ ޓީމުގެ ގޮތުގައި ކުއާޓާ ފައިނަލުން ޖާގަ ހޯދައިފި އެވެ.

ނިއު އަށް މި ފަހަރުގެ މުބާރާތުގައި މޮޅެއް ނުލިބި އޮތްއިރު، އަމިއްލަ ބާރުގައި ކުއާޓާ އަށް ނުދެވޭނެ އެވެ. ނިއު ވަނީ ފުރަތަމަ ދެ މެޗުން އެއްވަރުވެފަ އެވެ.

ވެޓެރަންސް ލީގުގެ ގްރޫޕް ބީގެ އެއް ވަނަ ޓީމުގެ ގޮތުގައި ކުއާޓާ ފައިނަލުން ފުރުސަތު ހޯދި ހުޅުމާލެ ވެޓަރަންސް އަށް ވަނީ ތިން މެޗުން ހަތް ޕޮއިންޓް ލިބިފަ އެވެ. މި ވަގުތު ދެ ވަނައިގައި އޮތް ދިވެހި ސިފައިންގެ ކްލަބަށް ވަނީ ދެ ޕޮއިންޓް ލިބިފަ އެވެ. ތިން ވަނައިގައި އޮތް ނިއު އަށް ވެސް ވަނީ ދެ ޕޮއިންޓް ލިބިފަ އެވެ. ފުލުގައި އޮތް ސްޓެލްކޯ ކްލަބްގެ އޮތީ ޕޮއިންޓެވެ.

ބުރާސްފަތި ދުވަހު މި ގްރޫޕްގެ ފަހު މެޗުގައި ސްޓެލްކޯ އާއި ސިފައިން ކުޅޭ މެޗުން ނަތީޖާ ނުކުންނަ ގޮތަކުން ނިއު އަށް ފުރުސަތު އެބައޮތެވެ. އެ މެޗުން ސިފައިން މޮޅުވެއްޖެނަމަ ނިއު އަށް ގަދަ ތިން ޓީމުގެ ތެރޭގައި ހިމެނިގެން ކުއާޓާ އަށް ދެވޭނެ އެވެ.

ހުޅުމާލެ ވެޓަރަންސްގެ ކޮކީ (ކ) ކައިރިން ނިއުގެ ރިޒާ ބޯޅަ ފޮނުވާލަން މަސައްކަތް ކުރަނީ.--- ފޮޓޯ: މުހައްމަދު ޝާބިން/ އަދަދު

ޓާފް އެއް ނަމްބަރު ދަނޑުގައި މިއަދުގެ މެޗު ކުޅުނު ވަގުތު ވާރޭ ވެހުމުން ދެ ޓީމަށް ވެސް އުނދަގޫތަކެއް ކުރިމަތިވި އެވެ.

މެޗުގެ 15 ވަނަ މިނިޓްގައި ހުޅުމާލެ ވެޓެރަންސް އިން ލީޑުނެގީ އެ ޓީމުގެ ކެޕްޓަން، އިސްމާއިލް މުހައްމަދު (އިއްސެ) ދިން ބޯޅައަކުން މުހައްމަދު އަޝްރަފު ޖެހި ގޯލުންނެވެ. އަޝްރަފު ޖެހި އެ ބޯޅަ ގޯލަށްވަނީ ނިއުގެ ކީޕަރު އިސްމާއިލް ޒަރިޔަންދު އަތުގައި ޖެހިފަ އެވެ.

ނިއު އިން އެއްވަރުކުރީ މެޗުގެ 26 ވަނަ މިނިޓްގައި މުހައްމަދު ޒިޔާދު (އައްކޮ) ޖެހި ގޯލުންނެވެ. އޭރިއާބޭރުން އައްކޮ ޖެހި ބޯޅަ ގޯލުގެ މަތީ ކަނަށް އަމާޒުވީ ހުޅުމާލެ ވެޓެރަންސްގެ ގޯލްކީޕަރު، ހަސަން ރަމީޒް (ޓިމޯ) އަތްމަތިން އޮއްސިގެން ގޮހެވެ.

ހުޅުމާލެ ވެޓެރަންސް އިން އަނެއް ތިން ގޯލު ވެސް ޖެހީ މެޗުގެ ދެ ވަނަ ހާފުގަ އެވެ.

ހުޅުމާލެ ވެެޓެރަންސް އަށް ލީޑުނަގައިދިން ގޯލު ޖެހީ މެޗުގެ ދެ ވަނަ ހާފުގެ ކުޅުން ފެށިގެން ހަ ވަނަ މިނިޓްގައި ހުސެއިން ޝިމާޒް (ކޮކީ) އެވެ. އޭރިއާ ރޮނގުކައިރިން ހަމަޖެހިލައިފައި ކޮކީ ޖެހި ބޯޅަ އަމާޒުވީ ގޯލުގެ ތިރީ ކަނަށެވެ. އޭރިއާތެރެއިން ލިބުނު ބޯޅައެއް ގޯލުގެ މަތީ ކަނަށް ފޮނުވާލައިގެން، ހުޅުމާލެ ވެޓެރަންސް އަށް ލީޑުފުޅާކޮށްދިނީ އެ ޓީމުގެ ފުލްބެކް، އަހުމަދު ގިތުރީސް (ގިތޫ) އެވެ.

ހުޅުމާލެ ވެޓަރަންސްގެ ޖަމްބެ ގޯލަށް ބޯޅަ ފޮނުވާލެވޭތޯ މަަސައްކަތް ކުރަނީ.--- ފޮޓޯ: މުހައްމަދު ޝާބިން/ އަދަދު

މެޗުގައި ހުޅުމާލެ ވެޓެރަންސްގެ ފަހު ގޯލު ޖެހީ ޓީމުގެ ކެޕްޓަން، އިއްސެ އެވެ. އެ ޓީމުގެ ފުލްބެކް، ހަސަން ޝިފާއު ނެގި ހުރަހެއް އޭރިއާތެރެއިން ކޮންޓްރޯލް ކުރުމަށް ފަހު، އިއްސެ ވަނީ ގޯލުގެ ތިރީ ކަނަށް ބޯޅަ އަމާޒުކޮށްލައިފަ އެވެ.

ދެ ވަނަ ހާފުގައި ހުޅުމާލެ ވެޓަރަންސް ޓީމުގެ މުހައްމަދު ޖަމީލް (ޖަމްބެ) ކުޅެން އަރައި ގޯލެއް ޖެހޭތޯ މަސައްކަތް ކުރި ނަމަވެސް ކާމިޔާބު ވާގޮތެއްނުވި އެވެ.

ވެޓެރަންސް ކަޕްގައި މިއަދު ހަވީރު ކުޅޭ މެޗުގައި ބައްދަލުކުރާނީ މޯލްޑިވްސް ސޮކަ މޭޓްސް (އެމްއެސްއެމް) އާއި ޕޮލިސް ކްލަބް އެވެ. މި ދެ ޓީމަށް ވެސް ވަނީ ކުއާޓާގެ ޖާގަ ލިބިފަ އެވެ. މެޗު ފަށާނީ ހަވީރު 16:30 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox