އީގަލްސް ކަޓުވާލައި ބުރު ކުއާޓާ ފައިނަލަށް

Apr 11, 2023, 12:27 AM
ވެޓަރަންސް ކަޕްގައި އިއްޔެ ހަވީރު ކުޅުނު މެޗުގެ ތެރެއިން.-- ފޮޓޯ: މުހައްމަދު ޝާބިން/ އަދަދު ސްޕޯޓްސް

ވެޓަރަންސް ކަޕްގައި އިއްޔެ ހަވީރު ކުޅުނު މެޗުގެ ތެރެއިން.-- ފޮޓޯ: މުހައްމަދު ޝާބިން/ އަދަދު ސްޕޯޓްސް

މިހާރު ކުރިއަށްދާ ސްޓެލްކޯ އެފްއޭއެމް ވެޓަރަންސް ލީގުގައި ކުޅުނު ގްރޫޕް އޭގެ ފަހު މެޗުގައި ކްލަބް އީގަލްސް އަތުން ފަހަތުން އަރައި، 5-2 އިން މޮޅުވެ، ބުރު ސްޕޯޓްސް ކްލަބުން މުބާރާތުގެ ކުއާޓާ ފައިނަލުން ޖާގަ ހޯދައިފި އެވެ.

ތިން ޓީމު ވާދަކުރާ ގްރޫޕް އޭގެ މެޗުތައް ނިމުނުއިރު، ކޮންމެ ޓީމަކަށް ވެސް ވަނީ ތިން ޕޮއިންޓް ލިބިފަ އެވެ. އެ ގޮތުން އެއް ވަނަ ޓީމުގެ ގޮތުގައި އަނެއް ބުރަށް ދިޔައީ ތިން ޕޮއިންޓާއި ފައިދާ އެއް ގޯލު އޮތް، ދަ ގްރާންޑޭ ސްޕޯޓްސް ކްލަބް އެވެ. ދެ ވަނަ އަށް ދިޔަ ބުރަށް ތިން ޕޮއިންޓާ އެކު، ފައިދާ ވެސް ގެއްލުން ވެސް ގޯލެއް ނެތްއިރު، ފުލަށް ދިޔަ އީގަލްސް އަށް އޮތީ ތިން ޕޮއިންޓާއި ގެއްލުން އެއް ގޯލެވެ. އީގަލްސް ކެޓީ މިއަދު ބުރު އަތުން ތިން ގޯލުގެ ފަރަގުން ބަލިވުމުންނެވެ.

ޓާފް އެއް ނަމްބަރު ދަނޑުގައި އިއްޔެ ހަވީރު ކުޅުނު މެޗުގެ އަށް ވަނަ މިނިޓްގައި އީގަލްސް އިން ލީޑުނެގީ އޭރިއާތެރެއިން އަބްދުﷲ ނަސީރު އަށް ލިބުނު ފުރުސަތުން ގޯލުގެ މަތީ ކަނަށް ފޮނުވާލައިގެން ޖެހި ގޯލުންނެވެ. އޭގެ އިރުކޮޅެއް ފަހުން، މުހައްމަދު މައުސޫމު ވަނީ ބުރަށް އެއްވަރުކޮށްދީފަ އެވެ. ބަދަލަކަށް ކުޅެން އެރިތާ މިނިޓެއްހާއިރު ތެރޭ އީގަލްސްގެ މުހައްމަދު ފަޒީން ވަނީ އެ ޓީމަށް އަލުން ލީޑުނަގައިދީފަ އެވެ.

Advertisement

ފުރަތަމަ ހާފު ނިމުމުގެ ކުރިން ބުރުގެ އިބްރާހިމް ހަލީލް ވަނީ އީގަލްސްގެ ކީޕަރު ހުސެއިން ނާސިހު ބޯމަތިން ގޯލަށް ބޯޅަ ފޮނުވާލައި، ނަތީޖާ ހަމަހަމަކޮށްދީފަ އެވެ.

އީގަލްސް އާއި ބުރު ބައްދަލުކުރި މެޗުގެ ތެރެއިން: މި މެޗުން މޮޅުވެ، ބުރު ވަނީ 11 ޓީމު ވާދަކުރާ މުބާރާތުގެ ގަދަ އަށް ޓީމުު ކުޅޭ ކުއާޓާ ފައިނަލުން ފުރުސަތު ހޯދާފައި.--- ފޮޓޯ: މުހައްމަދު ޝާބިން/ އަދަދު

އީގަލްސް އަށް ބޮޑަށް މައްސަލަ ދިމާވީ ދެ ވަނަ ހާފުގަ އެވެ. ދެ ވަނަ ހާފުގެ ކުޅުން ފެށިގެން މާގިނައިރެއްނުވެ، ބުރުން ވަނީ މެޗުގައި ފުރަތަމަ ފަހަރަށް ލީޑުނަގައިފަ އެވެ. މިއީ އީގަލްސްގެ ފަހަތަށް ކުޅުނު އިސްމާއިލް ޝަރީފް އަތުން ބައިކޮޅަށް ވަން ގޯލެކެވެ. ޝަރީފް ފަހަތަށް ބޮލުން ޖައްސާލި ބޯޅަ ކީޕަރު ނާސިހު އަތުގައި ނުޖެހި ބޯޅަ ވަނީ ގޯލަށެވެ.

ބުރުގެ ފަހު ދެ ގޯލު ޖެހީ ހުސެއިން ހަބީބް (ހަބީ) އެވެ. ހަބީގެ ފުރަތަމަ ގޯލަކީ ހަލީލް އަށް ކުރި ފައުލަކަށް ދިން ޕެނަލްޓީ އެކެވެ. ހަބީ ފޮނުވާލި ޕެނަލްޓީ އަމާޒުވީ ގޯލުގެ މަތީ ކަނަށެވެ. ހަބީ ޖެހި ފަހު ގޯލަކީ އީގަލްސް ޑިފެންސް ފަހަތުން ހަލީލް އަށް ލިބުނު ބޯޅައެއް ހިފައިގެން އޭރިއާތެރެއަށް ވަދެ، ހަބީ އަށް ދިނުމުން އޭނާ ގޯލުގެ ދުރު ކަނަށް ބޯޅަ ފޮނުވާލައިގެން ޖެހި ގޯލެކެވެ.

މުބާރާތުގައި މާދަމާ ހަވީރު ކުޅޭ މެޗުގައި ނިއު ރޭޑިއަންޓް ސްޕޯޓްސް ކްލަބް ބައްދަލުކުރާނީ އެންމެ ފަހުގެ ޗެމްޕިއަން، ހުޅުމާލެ ވެޓަރަންސްއާ އެވެ. ނިއު ކުޅުނު ފުރަތަމަ ދެ މެޗުން އެއްވަރުވިއިރު، ހުޅުމާލެ ވެޓަރަންސް ވަނީ އެއް މެޗުން އެއްވަރު އަދި އަނެއް މެޗުން މޮޅުވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox