ޒުވާން ތަރި އިލާން މި ފަހަރު ޖެހީ ހަ މެޗުން 38 ގޯލު!

Mar 13, 2023, 1:52 AM
15 އަހަރުން ދަށުގެ އިންޓަ ސްކޫލް ފުޓްބޯޅަ މުބާރާތުގެ ފައިނަލުގައި ގޯލު ޖެހުމަށް ފަހު އިލާން އުފާފާޅުކުރަނީ.--- ފޮޓޯ: އަބްދުﷲ އިޔާން

15 އަހަރުން ދަށުގެ އިންޓަ ސްކޫލް ފުޓްބޯޅަ މުބާރާތުގެ ފައިނަލުގައި ގޯލު ޖެހުމަށް ފަހު އިލާން އުފާފާޅުކުރަނީ.--- ފޮޓޯ: އަބްދުﷲ އިޔާން

ސައްތަ އިން ސައްތަ ރެކޯޑަކާ އެކު، އިސްކަންދަރު ސްކޫލުން ރޭ އެފްއޭއެމް 15 އަހަރުން ދަށުގެ އިންޓަ ސްކޫލް ފުޓްބޯޅަ މުބާރާތުގެ ޗެމްޕިއަންކަން ހޯދިއިރު، މުބާރާތުގެ މޮޅު ކުޅުންތެރިޔާގެ މަގާމު ހޯދި 13 އަހަރުގެ ފޯވާޑް، މުހައްމަދު އިލާން އިމްރާން، ހަ މެޗުން 38 ގޯލު ޖަހައިފި އެވެ.

މިއާ އެކު އިލާން މި ވަނީ އެންމެ ފަހުން ގަލޮޅު ދަނޑުގައި އޭނާ ކުޅުނު ދެ މުބާރާުތުގައި ޖުމްލަ އެކު، 14 މެޗުން 73 ގޯލު ޖަހައިފަ އެވެ. އެއީ މިދިޔަ އަހަރު، ނޮވެމްބަރު މަހު ކުރިއަށްދިޔަ އެފްއޭއެމް 14 އަހަރުން ދަށުގެ ޔޫތު ލީގުގައި ކްލަބް ވެލެންސިއާ އަށް ކުޅެދިން އަށް މެޗުން ޖެހި 35 ގޯލު ހިމަނައިގެންނެވެ.

މިއީ، ޔޫތު ލެވަލްގައި ބަލާނަމަ ރާއްޖޭގައި އެންމެ ރަނގަޅު ސްކޯރިން ރެކޯޑެވެ.

Advertisement

ސްޓްރައިކަރަކަށް ކުޅެ، ފުޓްބޯޅައިން ކުރިއަށް ދިއުމުގެ ހާއްސަ ހުވެފެނެއް ދެކިގެން ކުރިއެރުން ހޯދަމުން އަންނަ އިލާން، މި ފަހަރުގެ 15 އަހަރުން ދަށުގެ އިންޓަ ސްކޫލްގައި ޖެހި ގޯލުތަކުގެ ތަފްސީލަށް ބަލާއިރު، އަމީނިއްޔާ ސްކޫލް ކޮޅަށް 13 ގޯލު، ގިޔާސުއްދީން ކޮޅަށް ހަތަރު ގޯލު، ބިލަބޮން ކޮޅަށް އަށް ގޯލު، އިމާދުއްދީން ކޮޅަށް ދެ ގޯލު، ރެހެންދި ސްކޫލް ކޮޅަށް ހަ ގޯލު އަދި ރޭ ފައިނަލުގައި ކަލާފާނު ކޮޅަށް ފަސް ގޯލު ހިމެނެ އެވެ.

އިލާން ވަނީ މި ފަހަރު އިންޓަ ސްކޫލް މުބާރާތުގައި ޖުމްލަ އެކު، 10 ހެޓްރިކް ހަދައިފަ އެވެ.

އުމުރުން ހަތް އަހަރުގައި ފުޓްބޯޅަ ކުޅެން ފެށި އިލާންގެ އެންމެ ބޮޑު ސަޕޯޓަކީ މަންމަ އާއި ބައްޕަ ކަމަށް، މިދިޔަ އަހަރު "އަދަދު" އަށް ދިން އިންޓަވިއުއެއްގައި ވަނީ ބުނެފަ އެވެ.

އިލާންގެ ކެރިއަރުގައި އެންމެ ހާއްސަ އެއް ކޯޗަކީ، އިސްކަންދަރު ޓީމަށް މި ފަހަރު ޔޫތު މުބާރާތް ކާމިޔާބު ކޮށްދޭން އިރުޝާދުދިން ކޯޗު، ކުރީގެ ކުޅުންތެރިޔާ ޔޫސުފް އަޒީމް (ޔޫއްޓޭ) އެވެ.

ޔޫތު ލެވަލްގައި، އާލީ ޓަޗް ފުޓްބޯލް އެކެޑަމީ (އީޓީއެފްއޭ) އިން ފެށުމަށް ފަހު، ނިއު ރޭޑިއަންޓް ސްޕޯޓްސް ކްލަބާއި ޓީސީ ސްޕޯޓްސް ކްލަބްގައި ވެސް ކުޅެ، ފަހުން ވެލެންސިއާގައި ވެސް ކުރިއެރުން ހޯދި އިލާން ވަނީ ލިބޭ ފުރުސަތުތަަކުގައި ރާއްޖޭން ބޭރުން ވެސް ފުޓްބޯޅައިގެ މުހިންމު ކަންކަން ދަސްކުރަމުންނެވެ.

ރާއްޖޭގެ ސީނިއާ ގައުމީ ފުޓްބޯޅަ ޓީމުން މިދިޔަ ޑިސެމްބަރު މަހު ސިންގަޕޫރާއި މެލޭޝިއާއާ ދެކޮޅަށް ކުޅުނު މެޗުތަކަށް ޕްރެކްޓިސް ކުރިއިރު، އިލާން އަށް ވަނީ ޓީމާ އެކު ޕްރެކްޓިސް ކުރަން ފުރުސަތު ދީފަ އެވެ. މިއީ މުސްތަގުބަލަށް ބަލައި ނެގި މުހިންމު ފިޔަވަޅެއް ކަމަށް ގައުމީ ކޯޗު އިޓަލީގެ ފްރެންޗެސްކޯ މޮރިއޭރޯ އޭރު ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox